هو احنا فعلا عنينا زايغه اوى كده؟؟؟؟؟
السلام عليكم ورحمه الله وبركاته
ازيكم يا جماعه المنتدى واحشنى جدا والله وواحشنى الناس اللى فيه بقالى كتير جدا مش بدخل بسبب شغلى وكده يارب يكون لجميع بخير
طبعا كالعاده انى لما بيبقى عندى اى مشكله اول ناس بلجا ليهم الناس اللى فى المنتدى قبل اصحابى حتى
انا اتعرفت على بنت من شهر 10 الللى فات
هى بصراحه بنت حلال اووووى تقريبا مش مخليانى محتاج حاجه خالص وناوى باذن الله على نص السنه اتقدم لها فى البيت وسبب التاخير ان والدى مش موافق دلوقتى
انا مستغرب اللى بتعلمله معايا الصراحه هى اصغر منى ب 4 سنين بس دماغها كبيره جدااا مثلا مهتمه بشغلى وبتشجعنى عليه وتقريبا معايا طول اليوم فى كل حاجه بعملها وتصحينى بدرى علشان انزل للشغل ومهتمى باكلى طول اليوم ولبسى تقيل ولا خفيف وصلاتى وفلوسى لو خارجين مثلا ماتحبش تاكل ولا تشرب علشان ماصرف فلوس
بس انا بقى عندى مشكله انى طماع وعايز ابطل الموضوع دا تقريبا مش برضى بالنعمه اللى فى ايدى انا عارف انها مشكله عندى انا هى اموره بس انا باردوا كل ما اشوف واحده اجمل ابقى عايز اتعرف عليها وكده مع انى اول ماابدا افكر الاقى نفسى مقتنع باللى معايا الظاهر فعلا ان احنا عنينا زايغه ولا ايه نفسى ابطل الحوار دا عشلان ربنا يباركلى فيها لان كمان كانت بحصل ساعات مشاكل بسبب الموضوع دا
انا عارف ان المشكله فيا والله بس نفس ابطلها
