كمل يا باشا موضوع مهم جدااااا
رقم العضوية : 133346
تاريخ التسجيل : 10Jan2013
المشاركات : 22
النوع : ذكر
الاقامة : cairo
السيارة: سبارك 2008
السيارة[2]: كورولا 2013
الحالة :
بما ن المنتدى نايم بقاله فترة كبيرة , حبيت انى اعمل موضوع انا شايف انه مهم جدا , و هو ازاى تركب موتسيكلات في مصر.
الموتوسيكلات عموما معروفة بالخطورة , و لكن الحمد لله فى مصر اصبحت مستحيلة , يعنى مفيش واحد مصادفتش انه يعمل حادثة سواء عمل او لا بس اكيد كلنا تعرضنا لمواقف صعبة تنيجة الفوضى العارمة و عدم التنظيم فى المرور و بعض السلوكيات الى انتو عارفينها من بعض الناس , و فى ناس اعرفها بطلت تركب موسيكلات و ناس تانية الله يرحمها و ناس ثالثة و انا منهم بنحاول نحترس الى اقصى حد عشان انتو عارفين ركوب الموسيكلات ده ادمان
المهم .....
عايز ابدا الموضوع للناس الى بتحب تركب موسيكلات سواء للمتعة او لظروف العمل , يعنى الموضوع لكل الناس الى عنده موسيكل ب300 الف او حتى 3 الاف و ياريت كل الناس تشارك بخبرتها و عشان الجميع تستفاد .
انا عايز اركز على اساليب القيادة السليمة و عايز ابدا باستخدام الفرامل و خصوصا الفرامل المفاجئة بس في نقطتين عايز اقولهم بخصوص عوامل الامان و السلامة
1- بصراحة انا شايف ان الناس الى بتركب موسيكلات للمتعة هم اكتر الناس التزاما بالسيفتى جير , اما الناس الى شغلها قايم على الموتوسيكل هم للاسف اكتر الناس مش ملتزمة بالكلام دة
و الغريب ان لو سالت اى واحد فيهم ممكن يقولك تاريخ طويل من المواقف الى كان ممكن يموت فيها و برده مفيش فايدة
2- العائلات الى بتبقى راكب كلها على موتوسيكل واحد , يعنى الاب و الام و 3 او 4 عيال , دة بصراحة حاجة مش معقولة , لو الكلام دة فى اى دولة محترمة الراجل دة يتسجن ,
كلنا عارفين ان الحالة الاقتصادية زى الزفت و المواصلات غالية , و فى ناس مش معاها , بس برضة مايبررش ده , و كان لسة في حادثة من النوع دة على الدائرى و العيلة كلها ماتت الا الاب
عشان كده يريت الناس تاخد بالها عشانك انت و لو عندك اسرة يبقى لو مش خايف على نفسك خاف على اسرتك عشان هما محتاجنلك اكيد
فمعلش ازنق نفسك شوية و هاتلك عربية سيات او زيستافا و اعتقد ثمنها مش بعيد قوى عن الموتسيكلات الصينى , بس اكيد امان اكتر
نخش بقا في الموضوع
- الفرامل
هناك 3 انواع من الفرامل :
1- الفرامل الامامية
2- الفرامل الخلفية
3- فرملة الجيربوكس او الموتور
- اول قاعدة في استخدام الفرامل انك ما تكبس جامد لان معظم الموسيكلات ما فيهاش abs عشان كدة لو كبست فرامل جامد البايك هايزحف
- المفروض ان الفرامل الاساسية في البايك هى الفرامل الامامية عشان الوزن بيتنقل بفعل القصور الذاتى عند استخدام الفرامل و عشان كدة قطر الديسك الامامى اكبر من الخلفى لو كانت دسيك او حتى طنبورة بس مش معنى كدة انها لوحدها لازم تكون مع الخلفية, المفهوم عندنا فى مصر العكس ان الامامية لو استعملتها هاتتقلب و لدلك التركيز كله علا الخلفية و ده ان شاء الله هوضحه بعدين
- فرملة الموتور هى بساطة ان تشيل ايدك من البنزين و انت مدى غيار الى هايحصل ان المكنة هاتهدى لو انت عايز تزودها تسقط غيار يعنى لو على 4 تجيب ال3
طيب ازاي استخدمهم , هل كلهم و الا غلط ؟ و ايه علاقة الاحتكاك و الوزن و الكاوتش و الملفات ؟
و ايه هى اقل مسافة توقف مع معدل السرعة ؟
قبل ما اكمل احب اعرف الناس عاجبها الموضوع و عايزنى اكمل و لا اية؟
رقم العضوية : 63709
تاريخ التسجيل : 28Feb2010
المشاركات : 2,338
النوع : ذكر
الاقامة : Alexandria
السيارة: Daihatsu Terios 2007
السيارة[2]: Hyundai Grand I10 HB
دراجة بخارية: MAXSYM 400I
الحالة :
كمل يا باشا موضوع مهم جدااااا
[img3]http://nileup.com/up/uploads/nilemotors_13674813821.jpg[/img3]
رقم العضوية : 133346
تاريخ التسجيل : 10Jan2013
المشاركات : 22
النوع : ذكر
الاقامة : cairo
السيارة: سبارك 2008
السيارة[2]: كورولا 2013
الحالة :
الفرامل و الاحتكاك
- كل ما يزيد الاحتكاك كل ما زادت قوة الفرامل يعنى لازم تتاكد من كل الاتى
- الكاوتش : لازم تتاكد من حالة النقشة و البروز بتاعها و هل هى مناسبة للطريق و لا لا
- تيل الفرامل : لازم تتاكد حالتة كويس و الا عايز يتغير
- سطخ الدسيك و هل خشن و لا ناعم و هل في بروز او متاكل
- الطنبورة و التيل الخلفى لو عندك لازم تشوف الطنبورة من الداخل متاكلة و حالتها ايه
الفرامل و المساعدين
كل ما كانت حالت المساعدين و خصوصا الامامية كويسة زاد التحكم في البايك و انت دايس فرامل و العكس صحيح
ضغط الهواء للكاوتش و الفرامل
كل ما زاد ضغط الكواتش عن المعدل المظبوت قل الجزء الملامس من الكاوتش للارض و بالتالى قلت الفرملة و فرصة الزحف زادت
و لو قلت برضة مشكلة كبيرة عشان كاوتش الموتوسيكل هيبقى مسطح و لكنه المفروض ياخد شكل حرف u و فى الحالة ده هيبقة كارثة فى الميل و الملفات
كل بايك المفروض ان له معدل للضط الهواء للكاوتش لو عندك كاتالوج ممكن تعرفة او ممكن تعرفة من الارقام الموجودة على الكاوتش نفسة ,
و لو غلبت خالص قولى نوع البايك و مقاس الكاوتش و انا اقولك هو المفروض كام و انت لوحدك و كام و انت مركب حد وراك
عشان دى برضة نقطة مهمة جدا الناس دايما ما تخدش بالها من الموضوع دة
الوزن و الفرامل
- المفهوم الى عندنا الى كل ما كان البايك اتقل كل ما يقف اسرع , و لكن الصح هو العكس فلو انت مركب واحد وراك هتحتاج تدوس فرامل اكتر من المعتاد و انت لوحدك
الزحفة و الفرامل
- لو كبست فرامل حتى لو على سرعة بسيطه لازم البايك يزحف و طبعا عندا مفيش شارع مفهوش تراب و لا مياه و زيت و طبعا هاتبقي مشكله
- الفرامل الاماية لو كبستها هاتزحف لحظات لحد ما تقع
- الفرامل الخلفية لو كبستها هاتزحف اكتر بكتير, لو انت محترف ممكن تزحف منك و لكنك ممكن تسيطر عليها ان تمشي في خط مستقيم و تحمل جسمك لوراه لحد ما تقف , اما لو انت عادى هاتزحف يمين او شمال على حسب وضع جسمك ساعتها و ممكن تعدى العجلة الامامية وانت تطير بالجنب
طيب كل دة جميل افرمل ازاي
الفرامل العادية مش المفاجئة
1- مور البايك و او امسك دبرياج
2- ابدا بالفرامل الخلفية دوسة خفيفة
3- ابدا اضغض على الفرامل الامامية مع الخلفية سنة سنة لحد ما تقف ,لو حسيت ان انك عايز تقف اسرع اضغط الاتنين ببطء و اوعى تكبس زى ما قولنا قبل كدة و خالى بالك اللحظة الى هاتبدا تشيل رجلك الشمال و تنزل على الارض هى المفروض انك تكون خلاص وقفت تماما
المرة الجاية ان شاء الله هاتنكلم على الفرامل المفاجئة
رقم العضوية : 63709
تاريخ التسجيل : 28Feb2010
المشاركات : 2,338
النوع : ذكر
الاقامة : Alexandria
السيارة: Daihatsu Terios 2007
السيارة[2]: Hyundai Grand I10 HB
دراجة بخارية: MAXSYM 400I
الحالة :
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
ما شاء الله :)
موضوع الفرامل ده شكله شيق جدا , اول مرة اعرف ان الواحد بيختار يفرمل ورا ولا قدام ولا الاتنين هههههههههههههههه
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 74385
تاريخ التسجيل : 02Jul2010
المشاركات : 595
النوع : ذكر
الاقامة : Al haram
السيارة: N/A
السيارة[2]: N/A
دراجة بخارية: honda cbr 250 rr 92
الحالة :
موضوع الفرامل ده مهم جداومعلومات قيمه جدا والفرامل الاماميه بتمثل 70 % من فرامل المتوسيكل فعلا بس كل ما تقول لحد على الموضوع ده يقولك انتا غلاطان الاماميه تقلبك سبحان الله كل حاجه فى البلد دى ماشيه عكس بقيت الدنيا ده غير نمط المرور العشوائى الى ماشى الحمد لله فى البلد دى حسبى الله ونعم الوكيل
رقم العضوية : 117262
تاريخ التسجيل : 29Nov2011
المشاركات : 815
النوع : ذكر
الاقامة : Alexandria
السيارة: لسه شويه
السيارة[2]: لسه شويه
الحالة :
موضو مهم و جميل
تسلم ايدك
رقم العضوية : 133346
تاريخ التسجيل : 10Jan2013
المشاركات : 22
النوع : ذكر
الاقامة : cairo
السيارة: سبارك 2008
السيارة[2]: كورولا 2013
الحالة :
شكرا يا رجالة ربنا يبارك فيكو , و ان شاء الله الموضوع لما يكمل يبقا مرجع لينا كلنا
رقم العضوية : 4009
تاريخ التسجيل : 07Jan2008
المشاركات : 3,192
النوع : ذكر
الاقامة : القاهرة
السيارة: يا مسهل الحال يا رب
السيارة[2]: mirage
دراجة بخارية: cfmoto-jetmax 250
الحالة :
موضوع جمييييييييييل جدااااااااا
رقم العضوية : 28245
تاريخ التسجيل : 22Dec2008
المشاركات : 328
النوع : ذكر
الاقامة : CAIRO
السيارة: honda cbr 600
السيارة[2]: CBR 1000
دراجة بخارية: HONDA CBR 400 RR
الحالة :
اهم حاجة متمشيش فى شوراع فيصل ولا اخر الهرم فى الجنب اليمين ومدينة نصر فى الحتت المطرفة لان الطريق بيبقى مليان تراب وصدقنى لا فرامل ادام ولا الى ورا هينفعوا بس عشان تبقى ماشى سليم خليك فى منتصف الطريق عشان مبيبقاش فى لا تراب ولا رملة ناعمة
Give me fuel Give me fireGive me that which I desire
[sor2]http://i570.photobucket.com/albums/ss144/angiann/PISTON.gif[/sor2]
المفضلات