السلام عليكم
هو لما السمسار بياجر لحد شقة بياخذ كام من صاحب الشقة لان عندى شقة وعاوز اجرها والسمسار قالى باخذ شهر خصوصا انها فى مكان راقى جدا وايجارها هيكون عالى باذن الله ...
عرض للطباعة
السلام عليكم
هو لما السمسار بياجر لحد شقة بياخذ كام من صاحب الشقة لان عندى شقة وعاوز اجرها والسمسار قالى باخذ شهر خصوصا انها فى مكان راقى جدا وايجارها هيكون عالى باذن الله ...
اللي بياجرها منك بيدفع شهر ليك و شهر للسمسار
ﻻ يافندم
السمسار بياخووود نص شهررررر على السنة
هيا مش نهيبة ... ولو ايجار سنتين يبقى شهر ... هو احنا بنلاقي الفلوس في الشارع ولا فلوس الايجار دي جيالك من الهوى ماهو في لسه مصاريف صيانة هتدفعها وياعالم المستاجر هيطلع كويس ولا لا .... المهم متاجرش اكتر من سنة العرف اليومين دول كدة اكتب عقد سنة بسنة وزي ماقلتلك مكتب او سمسار بياخود نص شهر منك ونص شهر من المستاجر
بياخد شهر من المستاجر
السماسرة بقوا بلطجية ,عاملين تعريفة مع نفسهم ويقلك هو العرف كدا . ياخد شهر من دا وياخد شهر من دا , بس لو تعرف متدفعش غير اللي يطلع ليه من زمتك يبقي اشطا , انا عملت كدا ولو مش عجبه يخبط دماغه فى الحيط
يا باشا اعملها اعلان في النت او اكتب يافطه و علقها عليها ووفر فلوسك
شكرا يا جماعة على ردودكم جزاؤكم الله كل خير ...
يا ريت لو حد يعرف مواقع مشهورة على النت اعرض فيها الشقة يقولى عليها ولكم جزيل الشكر ..
اديله نص شهر ولو مش عاجبه يفتح الله
أنا كنت مأجر شقه ب 1000 والسمسار خد 500 وبصراحه هوه كان يستاهلها عشان انا اتأمرت على شقق كتير لمده اسبوعين تلاته لحد ما خدت الشقه دي.
السلام عليكم ورحمه الله
هى من الاخر بقت بلطجه .
المتعارف عليها نصف شهر حتى لو الايجار 10 سنوات لانك لن تضمن المؤجر يستمر هذه المده.
يعنى لو اتفقت مع مؤجر على سنتين ودفعت للسمسار اجره شهر ورحل الموجر بعد ثلاثه شهور هل سوف ترجع على السمسار لترجع منه النصف شهر منه.
طيب ما تعمل حضرتك الاعلان هنا يمكن تلاقيلها مستأجر ... بصراحه انا شخصياً بدور على شقة ... ممكن حضرتك تبعتلى مواصفاتها وايجارها فى رسالة ؟؟
فعلا زى ماالاخوه افادو حرام تدفع شهر ليه يعنى!! نص شهر منك فقط قوله ياخد من المستاجر بقى وهو كده كده مش هيسبه اصلا مش ناقصه سرقه يخربيت السماسره دول مبيرضوش بحاجه اصلا
المواقع ممكن تعمل اعلان هنا فى قسم بيع وشراء مالايخض السيارات عندك مصراوى كويس جدا وعندك دوبيزل ده برضو حلو اوى فى مواقع تانيه كمان بس دول الل على ذهنى لانى كل يوم عليهم
هما بيطالبوا بشهر من صاحب الشقة وشهر من المستأجر
بس انت وشطارتك يعني لو تفاصل معاه وتنزل لنص شهر يبقى كويس
لما اجرت المصنع في العبور السمسار طلب شهر عمولة ... انا قلتله لو شهر مش لازمني .. اديته 700 قعد يتنطط و عمل حوار بس انا كنت بارد جدا معاه و في الاخر طلب 1500 و رسينا على 1000 ..
السمسار لو حس انك ملهوف على الايجار هيتنطط لكن لو قلتله مش لازمني و هوه كده كويس هيتلم ..
على فكرة خد من صاحب المصنع 1000 برضه زيي بس مفتحش بقه مع صاحب الملك و اترسم عليا بس انا ظبطه