الموضوع: ياترى نوع البوجيهات ده كويس ولا مضروب ؟؟؟

المشاركة الأصلية كتبت بواسطة aldesha989

انا روحت جبت البوجيهات دى دلوقتى بس التلاته شمعه لانى دورت على nkg ما لقيتهوش فقولت الانجليزى انضف وكمان على كلام حسام فكده اشطه انا هركبهم بكرا ان شاء الله

بس بالنسبه ليك انتا لما ركبته حسيت بفرق ولا عادى

جبت الـ3 شمعة بكام ؟

فيه ناس شككتنى كتير فى النوع ده
وفيه واحد شغال فى تجارة السيارات ده كان رأيه

استاذ احمد البوجيهات دى مش انجليزى دى صينى ومستوردها انا عارفه ومش هذكر اسمه وعلى فكره هى مخزنه بقالها فتره كبيره وكفائتها مش كويسه وعندى منها للاسف ال 16 الالكترونى لكن مش برضى ابيعها

بعد الكلام ده وكلام بعض الاخوه الاعضاء هنا قلقت بصراحة
وبصيت على البوجيهات بنظرة متفحصة حسيت انها مش ممكن تكون انجليزى الصناعة مش دقيقة القلاووظ مش مضبوط 100% لون المعدن فيه شوائب
رجعت البوجيهات ديه واكتفيت بسلوك البوجيهات
خاصة ان البوجيهات اللى عندى تعتبر جديده وكانت ngk يابانى
وهتابع العربية واشوف اداءها واستهلاكها
لو احتاجت بوجيهات هبقى اجيب حاجه تانية اضمن

لما ركبت اسلاك البوجيهات الجديدة حسيت بتحسن فى سرعة الدوارة لما بتكون العربية باردة
وكمان فى الفترة الأخيرة العربية لما بتكون باردة واكبس بنزين كانت زى ما بتكون قطعت النفس وفرملت وبعدين سحبت ... أنا قولت فى بالى اكيد بوجيهات ... لما غيرت السلوك الحركة ديه اختفت

المشاركة الأصلية كتبت بواسطة aldesha989

تصدق انا عندى نفس الحركه دى بس بتحصل فى اى وقت ملهاش وقت معين يعنى بارده وسخنه بتخنق اهلى معاها

انا جبت التلاته شمعه ب 60 جنيه هى كان مكتوب عليها 70 بس الراجل معرفه وقالى علشانك 60 ما علينا كلهم كدابين :d

بص انا مش من النوع اللى بيحب يرجع انا هتوكل على الله واجربهم لو طلعو اى كلام بارك الله فيما رزق وضاعو ال 60 جنيه

يلا ما هى فلوس حرام

بس انا شايف حسام بيشكر فيهم على اى حال ان شاء الله هما مش وحشين لان حتى المكيانيكى كان بيقولى هات انجليزى هى اه معاك حق انا شوفت الشمعات فيها سنون زياده مش كتير بس محفور عليها انجلترا عمومآ مش هتفرق كتير ان شاء الله وهنشوف

وبرضه ربنا يكرم هبقى اغير سلك البوجيهات لان الدواره زفت كمان عندى

خير الحمد لله
ان شاء الله يطلعوا كويسين وتنبسط منهم