الموضوع: إرفع صورة وإسمع نقد الأعضاء - موضوع متجدد

الموضوع ده يا جماعة لرفع الصور وسماع رأى الأعضاء ونقدهم الإيجابى والسلبى ، إيه اللى عجبهم فى الصورة وإيه اللى كان ممكن يخليها أحسن
الغرض منه إن كل واحد يشوف صوره بعين تانية وتالتة ورابعة فيعرف هو قوى فى إيه وكان محتاج ياخد باله من إيه ، كلنا هنستفيد من بعض ، مافيش حد كبير على النصيحة
تعالوا بس نتفق على نقطتين صغيرين قبل ما نبدأ عشان يظل الموضوع فى إطار جيد
1- العضو الواحد يرفع 3 صور بحد أقصى فى اليوم الوحد ، الغرض هو إعطاء فرصة لسماع التعليقات وإبداء الرأى والمناقشات وليس الرفع فقط
2- فى حالة إذا كانت الصورة تحتوى على أشخاص يكون النقد والرأى لفنيات الصورة وليس للأشخاص بداخل الصورة ، ماحدش مثلاً ينقد أوصاف الشخص أو هيئته ، إنما ممكن طبعاً ينقد الإضاءة أو الوقفة مثلاً

يا ريت بالنسبة للناس اللى هترفع صور من كاميرات إحترافية يذكروا إعدادات الصورة لتعريف الأعضاء الآخرين ، واللى واخد صور بكاميرات عادية أو حتى موبايل يرفع الصور عادى بدون ذكر إعدادات
ياللا مين متطوع يحط أول صورة :)