السلام عليكم
منين يا جماعه اجيب او اركب سير كاتينة اصلي يكون مضمون المصدر وبكام
ولو حد يعرف معلومات عن مركز القاضي في الاسماعلية هل هو معتمد ومضمون ولا لا علشان اجيب منه او اركب عنده
وشكرا
عرض للطباعة
السلام عليكم
منين يا جماعه اجيب او اركب سير كاتينة اصلي يكون مضمون المصدر وبكام
ولو حد يعرف معلومات عن مركز القاضي في الاسماعلية هل هو معتمد ومضمون ولا لا علشان اجيب منه او اركب عنده
وشكرا
اصلى يعنى جى ام يعنى منصور
و البديل الأفضل
الجيتس و الليمفورد
اي حاجة مصنوعة من المطاط (سيور - جوانات - جلب) بجيبها من التوكيل اضمن حاجة وفرق السعر هتلاقيه بسيط بين التوكيل وبرة ويستاهل
سير الكاتينة اخر مرة ركبته في التوكيل في مقار تقريبا كان سعره 90 جنيه ومصنعية تركيبه 90 جنيه ونوعه جيتس
هحاول ادورلك على المشاركة اللي كنت كاتبها ساعة ما ركبته علشان اجيبلك التاريخ والسعر بالظبط لأني خارج مصر والفواتير في مصر في البيت
مقار فى شارع السودان
منصور فى الكيلو 4.5
و فيه منصور عند سور نادى الزمالك اعتقد بيبيع قطع غيار
سرور فى شامبليون
و امريكان ستارز
عادل حمود
منصور الطيران او رابعه العدويه في قطع غيار
طنون حبيبي
انا سافرت فجأة والله اتخطفت
انا اساسا رحت سوهاج انا واسرتي والوالدين علشان احضر فرح ابن عمي وانا هناك بعتولي علشان اسافر ورجعت القاهرة على ملى وشي
والله كان نفسي اشوفك والله. حتى اديك كيس البن اللي خلل عندي ده. هههههههههه
انا قولتلهم يشربوه في البيت واجيبلك واحد انتاج حديث بقى. هههههههههه
ياريتني والله كنت قابلتك لما رحت الهرم اتفرج على العربية الاوبل ال 2008
ياللا المرة الجاية ان شاء الله لازم مقابلة بقى ماشي ونرتبلها من بدري علشان الكل يعمل حسابه؟
الله يسلمك يا حبي
ياريت والله يا طنون. والله ياطنون اتمنى لو الاقي فرص عمل هنا لاي حد من مصر. بس البرازيليين واكلين الجو هنا على الاخر.
مش بيجيبو اجانب غير في الحاجات اللي فيها عجز فعلا او تكنلوجيا لسة داخلة جديد على البرازيل.
والحكومة هنا بتحمي العمالة البرازيلية جدا.
عليك وعلى منصور اشترى نفسك
هو بصراحة يا باش مهندس مش شرط اي قطعة غيال يبقى يجيبها من التوكيل
هي بتعتمد على نوع قطعة الغيال نفسها
مثلا مراية فانوس مقبض باب حاجة بسيطة ممكن يجيبها من برة تايواني مافيش مشكلة
بعض قطع الغيار بتبقى استيراد كويسة زي مكن الازاز وكوالين الابواب واجزاء كتير في العربية
انما فيه بعض الحاجات زي السيور والفلاتر والجلب. دي بتبقى محتاجة مطاط نوعيته حيدة ومضمونة ويكون انتاج حديث كمان علشان ماتبقاش ناشفة. فا اضمن حاجة التوكيل. خاصة ان السيور والجوانات ممكن توقفك على الطريق وممكن تبوظ حاجات تانية غالية جدا لو هي باظطت. فا الواحد مش بيحب يغامر فيها خااااااالص
ربنا يكتب سلامة الجميع والكل يستمتع بعربيته بدون مشاكل ان شاء الله
الف شكر يا جماعه وان شاء الله ها اجيب السير من التوكيل ويمكن الشداد بالمرة ولو اني لسه مغيره
بس في اقرب اجازة ان شاء الله علشان اقدر انزل القاهرة