عربيتي كانت في التوكيل النهارده وعايز اسئلكم عي كام حاجه

مش عايز اطول عليكم
انا مسافر بره دلوقتي ونازل قريب ووبعت اخويا بالعربيه للتوكيل عشان يسئل العربيه عايزه ايه واجيبه
المهم طلع فيها الحجات دي
1-بطاحتين بتوع المساعد
2-بلي العجل اي قدام والي وره
3-وعندي حساس الشكمان الي فوق والي تحت
كنت عايز اعرف اسعرهم واسم المحل وكمان ارحلهم ازاي (حد يوصفهولي يعني )؟
وحاجة تانيه كمان انا عندي مفتاح لي عربيتي بيفتح عربيتي بس مش بيشغلها طبعا المفتاح الي برموت الي شبه المطوه كدا دلوقتي انا عايز والمهم مفتاح عربيتي اتبهدل من الحته الي فيها السوسته وكنت عايز ابرمج المفتاح علي عربيتي او انقل الفحمه الي موجوده في المفتاح الاصلي مكان المفتاح الجديد
وتحياتي ياجماعه

سيبك من ده كله المشكلة مفيش بلي عجل ورا فهتضطر تغير الدشمة اللي ورا كامله ( بليها منها فيها مبيتنطرش زي اللي قدام ) هتجيب الجنب استيراد من ٣٠٠ -٥٠٠
اللي قدام اسأل عليه في العالمية او احمد جابر ب٤٥٠للبلية الواحدة
والبطحات ب ٣٥٠ الواحده الاصلي وبتبدأ من ١٥٠ للانواع التانية ده تمتها من غير بلي البطحات
تحياتي

وحساس الشكمان اللي تحت انا لقيته علي ٥٠٠ واللي فوق علي ٣٠٠
وكان عندي اللي تحت هوا اللي بايظ جبت بتاع الانسر وحتطله فيشتي وركب ولمبة التشك طفت وشغال زي الفل وب ٥٠ جنيه وتقريبا اللي فوق زي اللي تحت ^_*

ميدوا حبيبي قلبي
انا كلمت اخويه وقلي السرتين الي وره مش بلي وانا برضوا كنت شاكك انها مافيش بلي من وره اصلا
وسعر حساس الشكمان في السعوديه 350 والتاني 345 ريال بس الكلام ده من سنه
يعني الواحد بي 620 جنيه يعني مصر ارخص
عندي ليك سؤال حساس الشكمان بتاع الانسر الي هيه انهي شكل وبتاع انهي موديل وكمان ده سعروا جديد ولا استراد ؟؟؟
ولو فعلا ركب عندي وطفت لمبة الاتشيك اتبقي ظبطني ظبطه السنين
ومتخرمش منك ياميدو
وتحياتي ياباشا

شرف يا باشا انتا عشان محدش يحور عليك هتخلي اخوك يحل حساس الشكمان اللي بايظ ويروح لاي حد بتاع لانسر ويقوله انا عايز زي ده هيطلع غالبا بتاع البومة
وملكش دعوة لو الراجل قاله ده الفيشه مختلفة
هيطلع بعديها علي كهربائي يديله ٥ جنيه عشان يشيل فيشة الانسر ويحط مكانها فيشة المازدا عن طريق بيقطع سلوك بتاعت الانسر ويربطها في السلوك اللي شبها في فيشة المازدا وبيركب زي الفل واستهلاك البنزين بيتحسن بشكل ملحوووظ

علي فكرة حساس الشكمان اللي قصدي عليه استيراد كله في مصر استيراد
تحياتي

مساء الخير يا جماعة نا شغال فى التوكيل الى فى ابو رواش
بالنسبة لبلى العجل الامامى :- 425 موجود بدل من 550 فى التوكيل واصلى
بالنسبة للخلفى ده فعلا صرة خلفى وده هتجيبو زى ما بيقولك ميدو بس هاتو من احمد الى جنب بيبو بتاع المستعمل
والحساسات الاصلى ب 750
وبالنسبة لتكويد المفتاح الجهاز عندى اتصل على 01210530088

وجميع قطع الغيار بتاعتها موجودة عندى والاجهزة الاصلية

طيب بالنسبه ياباشا لكود المفتاح يتكلف كام ياباشا
ولك جزيل الشكل
وياريت ياجماعه حد يقولي اسم تاني للسره اي وره عشان انا لو هشتريه من السعوديه فلو قلت ليهم سره محدش هيفهم ايه هيا وياريت كما توصفهالي
وتحياتي

سعر التكويد ليك
المفتاح 200 بدل من 350 فى التوكيل
والريموت 50 بدل من150 فى التوكيل
والبصمة 350 بدل من 500 فى التوكيل
والبلنسبة للصرة هجيبلك يوم الاربعاء رقمها الى تسال عليه فى السعودية علشان انا اجازة اليوم وغدا
بس ابعت رقم الشاسيه ال17 حرف الى هو زى الجاى مثلا
jm7bk32681......
وانا اجبلك البارت نامبر

ياباشا ده الرقم الشاسيه jm7bk326x71320443
كنت عايز البارت نمبر بتاع البطاحه والبليتين والصره ياريت ول فيه صور
وتحياتي ياباشا