اقتباس:
المشاركة الأصلية كتبت بواسطة mohammedrefaat
بصراحه يا جماعه الموضوع محتدم و المناقشه جميله
انا بصراحه اويد راى استاذ احمد فهمى فى ان الامانى احسن من اليابانى بكتيييييير
و كفاية اوى ان عربيه زى تويوتا تكنولوجيا قديمه بسعر غاااااااالى و مبالغ فيه كمان
بس اللى بيشترى بيشترى اسم تويوتا مش بيشترى عربيه تعادل المبلغ اللى هايتدفع فيها
بس هو الالمانى ليه عيب خطير و هو انه سعر اعاده بيعه مش كويس على المستوى القريب
يعنى لو حضرتك بتحب تغير العربيه كل سنتين تلاته يبقى بلاش تركب الامانى لانك هاتخسر كتير
انما لو انت من الناس اللى ممكن تركب عربيه 7 او 8 سنين يبى اركب المانى و هاتلاقى فلوسك فى العربيه
العربيات الالمانى فيها امان كبير و وسائل امان كتير و رفاهيه عاليه جدا مقارنة باليابانى تحديدا تويوتا اللى مش بيهتم غير بالموتور ( موتور قوى ) و التكييف انما تعالى بص على صاج العربيه الصاج مش محمل (خفيف يعنى مش قد كده )
بص كمان على خامات الصالون من جوه تلاقيها خامات تعبانه مقارنة بالالمانى
اما وسائل الامان بقى فحدث ولا حرج
ايه وسائل الامان اللى فى التويوتا ( abs-ebd-airbag-حزام امان ) ايه تانى
تعالى للالمانى مش هاقول حاجه غير انها فيها esp و بعد كده مش هاقول اى حاجه تانى
بص على الصالون تقفيل و خامه ممتازة
صاج محمل جدا ( تهمة بعيد عنك )
باشا كفايه مثلا ان فى عربية زى الاوبل استرا السيدان 2013 فيها حساس بيانى على شاشه
ماعتقدش انك هاتلاقى الموضوع ده فى تويوتا قبل 5 سنين مثلا ولا حاجة
باختصار الالماى كركوبة لا يعلى عليه و سعر اعادة البيع كويس جدا على المدى البعيد
اليابانى كويس برضو بس سعره مبالغ فيه شويتين او تلات اربع شويات و ده نظرا لعقليات المصريين اللى بتبص هى لما هاتشترى عربيه انهارده هاتبيعها بكره بكام
انما لو الواحد يبص هو هايدفع المبلغ الكبير ده كله و هاياخد بيه ايه صدقنى ماحدش هايروح ناحية اليابانى نهائى
احيى حضرتك على كلامك الرائع
وأؤيدك فى ان الألمانى أعاده البيع بتبقى تقيله شويه نظراً لغلاء قطع الغيار بالاضافه الى عدم توافر مراكز الخدمه
ووضح لى من حوارك انك عائش للألمانى
اكرر تحياتى لحضرتك