الموضوع: رجعتلكم تانى ......

بسم الله الرحمن الرحيم
الف الف مبروك
ربنا يديك خير يا رب و يكفيك شرها
واضح انك اشترتها من شاب
لكن عندى كام استفسار
هى موديل كام ؟؟؟
عاملة كام كيلو متر ؟؟؟
و اشترتها بكام ؟؟؟
و هل التكييف شغال
و الف الف مبروك مرة تانية

المشاركة الأصلية كتبت بواسطة Chemist Shehap

1- العربيه فيها جنط 15/195/50 يا ترى كويس للعفشه خصوصا انى هغير عفشه كامله

المقاس ده مقاس الكاوتش (مش الجنط) ومفيش منه اي مشاكل بإذن الله , والجنط بس مقاسه 15

المشاركة الأصلية كتبت بواسطة Chemist Shehap

2- ينفع اركب عداد الكامله (rpm) مكان العداد العادى بتاع العربيه الهاف... والمفروض مين اللى هيركبه .. كهربائى ولا ميكانيكى... والعداد بكام

ينفع تركبه , واللي يركبه كهربائي او حضرتك لو بتحب تشتغل بإيدك , وتمنه حوالى 200 جنيه من عند بتوع الاستيراد
http://www.nilemotors.net/Nile/119817-rpm-se.html
http://www.nilemotors.net/Nile/42851-rpm.html

المشاركة الأصلية كتبت بواسطة Chemist Shehap

3- فرش الابواب الكهربا ( بتاع الكامله ) الاقيه فين وهيكون بكام وينفع يركب ل لانوس 1 ولا ده 2 بس ؟

فرش الباب هتلاقيه عند بتوع الاستيراد , وتقريبا الفرش الواحد كان بيعمل 100 جم او ازيد شويه

المشاركة الأصلية كتبت بواسطة Chemist Shehap

4- ينفع اركب مرايات كهربا يمين وشمال ؟ ويا ريت ده بالذات لو حد عنده فكره يقولى....

اعتقد تقدر تركب مرايه كهرباء شمال بس , وانتظر رأي الزملاء

المشاركة الأصلية كتبت بواسطة Chemist Shehap

1- العربيه لونها ابيض ( اكتر لون بكرهه ) وهتترش ايه رأيكم ارشها مط ولا لميع ؟

بيتهيألي حكايه المط دي سخيفه شويه , وعامه هي اذواق

المشاركة الأصلية كتبت بواسطة Chemist Shehap

2- العربيه فيها كاسيت بايونير ( سى دى بس قديم مافيش فلاشه ) وانا معايا كاسيت سونى جديد ( سى دى وفلاشه ووصله موبايل ) اخلى ايه وابيع ايه ... ( واللى هتقولو عليه للبيع ) .. مع العلم ان البايونير حاسس ان خرج صوته احسن من السونى على السماعات ( بس انا لسه ما جربتش )

مش لازم تبيع وخليك شغال باللي راكب ولو لقيته فيه عيب او مش مريحك بيعه وركب التاني
الا لو انت محتاج فلوسه يبقا شوف اللي شغال افضل واستغنى عن التاني