الوغد(واقع يستحق التفكير)

أيام الكلية ... وقصص الحب وخلافه ... كان فيه دايماً شعور إن قصة الحب مش هتنتهي بالزواج ... لإن البنت اللي في نفس سنك مش هتستنى ... والعريس الجاهز اللي فضل يتعب ويكدح علشان يكون نفسه ووصل لأواخر العشرينات أو أوائل التلاتينات هيخبط على الباب علشان ياخد العروسة ويمشي بينما إنت لسة مش عارف مصيرك وقدامك جيش والبحث عن وظيفة وشقة وخلافه ... مين بس هيستناك!

كنت بافكر وأقول إن العريس الجاهز ده هو " الوغد " اللي جاي يهدم قصص الحب ... البطل الشرير في الأفلام ... اللي أكيد محدش هيقدر يرفضه علشان فلوسه ومركزه ... بس بتبقى قليل الحيلة وقتها ومعندكش حل ... ممكن تسمع أغنيتين عاطفيتين وتتأثر شوية وبعد كدة تقوم وتكمل

مع الوقت ... ومع الانشغال بالأحلام والأهداف ... بتكتشف إن السنين فاتت ... وإنك لما فكرت إنك تتجوز ... فإنت بقيت خلاص زي البطل الشرير بتاع زمان ... بقيت إنت " الوغد " خلاص ... العريس الجاهز اللي محدش هيقدر يرفضه ... واللي هيحطم قلب شاب لسة قدامه رحلة الجيش والبحث عن الوظيفة والشقة وخلافه

وكل ما مستواك المادي يرتاح أكتر ... وكل ما مستواك الاجتماعي يزيد ... كل ما فرص رفضك بتقل ...

لما تلاقي نفسك بقيت مكان عدو الأمس ... يا إما بتحس إنك كدة صح ... وإن قصص الحب أيام الجامعة دي كلام فاضي ولعب عيال، وتقرر إنك تستمع بحياتك وتقتنع إن البنت اللي هتتجوزك بتحبك علشانك إنت مش علشان وضعك المادي والاجتماعي ... وممكن يكون ده حقيقي ومش بانكره طبعاً ... بل أتمناه جداً

يا إما بتحس بشعور مريب ... شعور إنك لما بتدق الباب على العروسة ... هتبص لك على إنك فرصة حلوة ... وهتوهم نفسها إنها بحبك حتى لو مش بتحبك ... ولو فيه شاب في سنها قلبه اتحطم فهي هترميه ورا ضهرها وتفكر في بكرة ... فيك ...

والجواز بالشكل ده بينجح كتير ... بس الفكرة في الهاجس اللي بيفضل مسيطر عليك ... علشان إنت حبيت زمان والوغد جه أخدها منك ... فإنت عندك نفس الشعور ده ... إنك الوغد اللي جاي ياخدها من حد تاني

علشان كدة، فيه شباب كتير أعرفهم جوازهم اتأخر ... علشان خايف من ده ... وبيحاول يدور على البنت اللي هتفهمه ... اللي هتحبه علشان شخصه هو ... توأم روحه اللي بتكمله مش اللي بتبص له على إنه فرصة كويسة ...
أول ما يلاقيها ... بيبقى مستعد يعمل أي حاجة علشان يكمل حياته معاها ... وياما ناس سافرت بلاد بعيدة علشان يقابلوا حبايبهم اللي عرفوهم من على النت ... وبيبقى سعيد لما يترفض من الأهل رغم وضعه ومركزه ويحاول معاهم تاني وتالت ورابع لحد ما يقنعهم ...

بيحس وقتها إنه مش الوغد اللي جاي يخطفها ... إنما بيحس إنه لسة الشاب الصغير العاشق بتاع زمان ...

ياريتكم كنتم عملتم بحديث النبي: إذا جاءكم من ترضون دينه وخلقه فزوجوه ... وحديثه: لا أرى للمتحابين إلا النكاح ... ياريتكم صدقتوا إن الزواج بيوسع الرزق وإن الشاب البسيط ده رزقه هيزيد لما يتجوز بنتكم ... لحديث النبي: التمسوا الرزق بالنكاح

ياريتكم خليتوا الشباب يتجوزوا وهم لسة في مستهل حياتهم بأقل التكاليف بعيداً عن كل الكلاكيع والتكاليف والبهرجة اللي بتمثل الضخرة اللي بتتكسر قلوب العشاق عليها ...

يمكن مكانش يبقى في حياتنا كل الهموم دي

منقول

اصعب حاجة ف الموضوع ان الواحد يبقى وغد ههههههههههههههههههه

جت على الجرح :(

فى الغالب الوغد فى الموضوع ده بيبقى الاهل ( او البنت ) قبل العريس الجاهز الوغد الاصلى فى الموضوع

آآآآه يامّا آآآآه

اقتباس:

---

المشاركة الأصلية كتبت بواسطة AlGazar2

فى الغالب الوغد فى الموضوع ده بيبقى الاهل ( او البنت ) قبل العريس الجاهز الوغد الاصلى فى الموضوع

---

فعلا بس غالبا البنت وبعدين الاهل....
هههههههههه

Sent from my SE Arc S using Forum Runner

المشكله اننا كلنا مظلومين وكلنا اوغاد

فعلاٌ الحياه دى غريبه

اقتباس:

---

المشاركة الأصلية كتبت بواسطة terrible_darsh

جت على الجرح :(

---

اقتباس:

---

المشاركة الأصلية كتبت بواسطة speed_magnum

آآآآه يامّا آآآآه

---

مكنتش عايز اقلب المواجع ع حد بس لازم ناخد بالنا بردو ان احنا بردو بنعمل نفس اللى اتعمل فينا ووجعنا
سنه الحياه بقى

اقتباس:

---

المشاركة الأصلية كتبت بواسطة algazar2

فى الغالب الوغد فى الموضوع ده بيبقى الاهل ( او البنت ) قبل العريس الجاهز الوغد الاصلى فى الموضوع

---

بعيدا عن انى مش مقتنع بموضوع الارتباط ايام الجامعه
بس اانا شايف ان الشاب لو فعلا جاد لازم يبقى مقدر المسؤليه وعنده الاستعدادات الماديه والعقليه
لكن هو عايز يرتبط لمجرد الارتباط او حتى بيحبها وهو لسه مخدش اى خطوة خالص بالعكس كمان ده لسه مخلصش دراسه فهو بيظلم نفسه
وااهل البنت حقهم ميرضوش بيه

موضوع جميل ..

كأني ماسك بريد الجمعة لعبد الوهاب مطاوع الله يرحمه
أحييك

موضوع ممتاز احييك عليه

موضوع جامد وبيحصل كتييييييييييييييييير

حب أيه اللي أنت جي تقول عليه
الجملة دي : اللي بقولها لأبني اللي في الجامعة
يعني يحب ويتجوز وياخد مصروفه وخطبيته وهما راحين الجامعة أو حتى بعد الجامعة مباشرة
ودايماً أنصحه ( وبالبلدي كدة ) وأنصح كل اللي زيه
لو ممعكش مايلزمكش
والجواز مش لعبة لو مش قادر تتجوز يبقى أوعى تفكر في الحب والجواز وتعلق بنت الناس وتتعلق أنت كمان
ولازم تكون أكبر وأقوى وأغنى من حبيبة حياتك ... علشان متكونش صغير في نظرها وتفضل طول عمرها حاسة بنقص وأنت جنبها وتتمنى الأفضل منك ، لأن كل زوج لازم ينفق على أهله ويسعي في طلب الرزق - كما قال الله تعالي في سورة النساء بقوله : ( بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ ) فهذا تفضيل قضاه الله عز وجل وحكم به .
وقال أيضا - يقول سبحانه وتعالى : "الرجال قوامون على النساء" أي الرجل قيم على المرأة ، أي هو رئيسها وكبيرها والحاكم عليها ومؤدبها إذا اعوجت
أأدبها إزاي وأنا مش لاقي أصرف عليها !
وربنا يصلح حال كل الشباب الصالحين والصالحات

انت جبت الحل , الاهل ما يحبكوهاش اوي عالمصاريف و الفلوس
هاقول ايه ؟ واحد اعرفه معاه عربية قديمة شوية (موديل 79) , الراجل اللي هو متقدم لبنته في وسط الكلام بيقول له (و عربيتك قديمة اوي ابقى حط في حساباتك انك تغيرها ان شاء الله) , انا و هو بيحكي لي كنت عايز اخد بعضي و اروح ادي للراجل ده بالقديمة , تخيل احساسه هو

بالنسبة للي كبر شوية مش مشكلة , يتجوز واحدة اكبر في السن شوية , 25 سنة مثلا :)

اقتباس:

---

المشاركة الأصلية كتبت بواسطة friendship7897

حب أيه اللي أنت جي تقول عليه
الجملة دي : اللي بقولها لأبني اللي في الجامعة
يعني يحب ويتجوز وياخد مصروفه وخطبيته وهما راحين الجامعة أو حتى بعد الجامعة مباشرة
ودايماً أنصحه ( وبالبلدي كدة ) وأنصح كل اللي زيه
لو ممعكش مايلزمكش
والجواز مش لعبة لو مش قادر تتجوز يبقى أوعى تفكر في الحب والجواز وتعلق بنت الناس وتتعلق أنت كمان
ولازم تكون أكبر وأقوى وأغنى من حبيبة حياتك ... علشان متكونش صغير في نظرها وتفضل طول عمرها حاسة بنقص وأنت جنبها وتتمنى الأفضل منك ، لأن كل زوج لازم ينفق على أهله ويسعي في طلب الرزق - كما قال الله تعالي في سورة النساء بقوله : ( بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ ) فهذا تفضيل قضاه الله عز وجل وحكم به .
وقال أيضا - يقول سبحانه وتعالى : "الرجال قوامون على النساء" أي الرجل قيم على المرأة ، أي هو رئيسها وكبيرها والحاكم عليها ومؤدبها إذا اعوجت
أأدبها إزاي وأنا مش لاقي أصرف عليها !
وربنا يصلح حال كل الشباب الصالحين والصالحات

---

+1

اقتباس:

---

المشاركة الأصلية كتبت بواسطة تامر.محمد

انت جبت الحل , الاهل ما يحبكوهاش اوي عالمصاريف و الفلوس
هاقول ايه ؟ واحد اعرفه معاه عربية قديمة شوية (موديل 79) , الراجل اللي هو متقدم لبنته في وسط الكلام بيقول له (و عربيتك قديمة اوي ابقى حط في حساباتك انك تغيرها ان شاء الله) , انا و هو بيحكي لي كنت عايز اخد بعضي و اروح ادي للراجل ده بالقديمة , تخيل احساسه هو

بالنسبة للي كبر شوية مش مشكلة , يتجوز واحدة اكبر في السن شوية , 25 سنة مثلا :)

---

و الله انا لو مكان الراجل ده اقوله و انت مال $#%^%%^ و اقوم قايم و سايبه مع كلمه انا راجل #$%#$% انى جيت هنا اساسا

اقتباس:

---

المشاركة الأصلية كتبت بواسطة Khaled Online

كأني ماسك بريد الجمعة لعبد الوهاب مطاوع الله يرحمه
أحييك

---

اقتباس:

---

المشاركة الأصلية كتبت بواسطة ahmedteam

موضوع ممتاز احييك عليه

---

الحقيقه كاتب الموضوع هو اللى يستحق التحيه
http://www.facebook.com/Emadeldin.Alsayed

اقتباس:

---

المشاركة الأصلية كتبت بواسطة friendship7897

حب أيه اللي أنت جي تقول عليه
الجملة دي : اللي بقولها لأبني اللي في الجامعة
يعني يحب ويتجوز وياخد مصروفه وخطبيته وهما راحين الجامعة أو حتى بعد الجامعة مباشرة
ودايماً أنصحه ( وبالبلدي كدة ) وأنصح كل اللي زيه
لو ممعكش مايلزمكش
والجواز مش لعبة لو مش قادر تتجوز يبقى أوعى تفكر في الحب والجواز وتعلق بنت الناس وتتعلق أنت كمان
ولازم تكون أكبر وأقوى وأغنى من حبيبة حياتك ... علشان متكونش صغير في نظرها وتفضل طول عمرها حاسة بنقص وأنت جنبها وتتمنى الأفضل منك ، لأن كل زوج لازم ينفق على أهله ويسعي في طلب الرزق - كما قال الله تعالي في سورة النساء بقوله : ( بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ ) فهذا تفضيل قضاه الله عز وجل وحكم به .
وقال أيضا - يقول سبحانه وتعالى : "الرجال قوامون على النساء" أي الرجل قيم على المرأة ، أي هو رئيسها وكبيرها والحاكم عليها ومؤدبها إذا اعوجت
أأدبها إزاي وأنا مش لاقي أصرف عليها !
وربنا يصلح حال كل الشباب الصالحين والصالحات

---

فعلا عند حضرتك حق تمام انا بردو مش مؤيد لفكرة الارتباط فتره الدراسه ده اى كان شكله
بالنسبه للقوه والغنى حسسها تقيله حبتين بس جايز يكون الواقع فعلا قريب من كده
وع فكرة هيا مش قاعده ف العموم انا اعرف ناس كتير ما زالت بتدرس وخاطبه والحياه مستقرة ما شاء الله

اقتباس:

---

المشاركة الأصلية كتبت بواسطة تامر.محمد

انت جبت الحل , الاهل ما يحبكوهاش اوي عالمصاريف و الفلوس
هاقول ايه ؟ واحد اعرفه معاه عربية قديمة شوية (موديل 79) , الراجل اللي هو متقدم لبنته في وسط الكلام بيقول له (و عربيتك قديمة اوي ابقى حط في حساباتك انك تغيرها ان شاء الله) , انا و هو بيحكي لي كنت عايز اخد بعضي و اروح ادي للراجل ده بالقديمة , تخيل احساسه هو

بالنسبة للي كبر شوية مش مشكلة , يتجوز واحدة اكبر في السن شوية , 25 سنة مثلا :)

---

الجوازات بقت تتفركش ع اتفه الاسباب بالرغم من ان مش اى حد يقدر ع ماديات الجواز اليومين دول
يا الدش ف الجهاز يا نفركش الجواز :36_7_4[1]:

انا بقى عشت وعايش الحالتين وبدأت الموضوع من الصفر وارتبطت وانا معيش 1000 جنيه على بعض لحد ماربنا من عليا بفضله ونعمته ورزقنى من حيث لا احتسب واتجوزت بعديها بأربع سنين وبدون ديون اطلاقا عليا بل واتطورت فى شغلى الى الامام ودلوقتى ممكن اعيش دور الوغد ههههههههههههه ..

السؤال هنا

هل تفكر حالياٌ فى لعب دور الوغد ؟؟؟

الأجابه مهمه لى فعلاٌ

تقريباٌ القصه واحده

يعنى الواحد بيحوش و طالع عين اهله علشان يجيب شقة و يعرف يصرف على الجواز و فى الاخر يكتشف نفسه انه وغد

ModyRap محمد أسامه - إنسان بدائي - YouTube

اعتقد الاغنيه دي بتجسد الموضوع اللي بتتكلموا عنه

المشكله انه الوغد مش بيبقى عارف انه وغد

لانه بيجي ويتقدم وفجاه يلاقي مشاكل بتحصل مثلا او يلاقي ان البنت بتلمحله انه في حد كان بيحبها وهيموت عليها بس هي متدلوش وش والحقيقه انها كانت مصاحباه اساسا وكلام زي كده

بس المشكله دي معقده ومفيش بنات كتير بتستنى معظمهم بيتجوزوا شنحفات الحقيقه بس بيكونوا جاهزين


انا راي في الجواز او الحب الاساس هو الاختيااااااااااااااار

اقتباس:

---

المشاركة الأصلية كتبت بواسطة عصام غنايم

السؤال هنا

هل تفكر حالياٌ فى لعب دور الوغد ؟؟؟

الأجابه مهمه لى فعلاٌ

تقريباٌ القصه واحده

---

اللي مش عايز يبقى يرتبط ببنت اكبر شوية , 25 سنة مثلأ, تكون اللي ليها قصة فشلت خلاص هههههههههههههههههه

اقتباس:

---

المشاركة الأصلية كتبت بواسطة hossam_elwani

انا بقى عشت وعايش الحالتين وبدأت الموضوع من الصفر وارتبطت وانا معيش 1000 جنيه على بعض لحد ماربنا من عليا بفضله ونعمته ورزقنى من حيث لا احتسب واتجوزت بعديها بأربع سنين وبدون ديون اطلاقا عليا بل واتطورت فى شغلى الى الامام ودلوقتى ممكن اعيش دور الوغد ههههههههههههه ..

---

هههههههههههه حاسس انه شعور رائع

اقتباس:

---

المشاركة الأصلية كتبت بواسطة عصام غنايم

السؤال هنا

هل تفكر حالياٌ فى لعب دور الوغد ؟؟؟

الأجابه مهمه لى فعلاٌ

تقريباٌ القصه واحده

---

بالنسبه لى يعتمد ع جزئيتين اولا انا هكون عارف انى وغد ولا لا !
ثانيا دماغ البنت اللى هرتبط بيها هتكون متقبله الواقع وفاهمه ان دى سنه الحياه والانسب ليها والموضوع مش هيسبب اى مشاكل مستقبليه غير كده الشاب ممكن يدور ع اى واحده تانيه الموضوع مش معقد اوى يعنى

اقتباس:

---

المشاركة الأصلية كتبت بواسطة mostafa.mahran

يعنى الواحد بيحوش و طالع عين اهله علشان يجيب شقة و يعرف يصرف على الجواز و فى الاخر يكتشف نفسه انه وغد

---

شكلك اتصدمت هههههههههههههه

اقتباس:

---

المشاركة الأصلية كتبت بواسطة تامر.محمد

اللي مش عايز يبقى يرتبط ببنت اكبر شوية , 25 سنة مثلأ, تكون اللي ليها قصة فشلت خلاص هههههههههههههههههه

---

انا بحب الاراء الواقعيه دى جدا هههههههههه

القصه دي بتحصل وبتكرر اكتر مما تتخيل
بس لو فكرنا بعمق هنلاقي ان الوغد الحقيقي هنا هو البنت .. اللي قالت للشخص اللي مرتبطه بيه ما اعطلكش مع اول واحد جاهز خبط علي بابهم .