الموضوع: ادوس او لا ادوس

مغيره شنطه عادى بتحصل لكن رشه قايم صعبه شويه لان كده الخبطه دمرت رفرف و شاسيه و قايم و را يعنى كانت خبطه جامده و اكيد بوظت حاجات فى العفشه + لو العربيه فضلت سليمه مكانش هيفكر فى بيعها بعد ما صلحها فالافضل انك تكبر لان اصلا المازدا تقيله فى بيعها و قطع غيارها قليله و غاليه

و دى كده مش مبهدله من بره دى كده مبهدله فى الاساسيات شاسيه و قايم و اكيد العفشه
و الخبطه ورا فاكيد مش هتاثر على الماتور فى حاجة

شوف واحده تكون فابريكه بره و جوه ( هتبقى مبهدله ما تخافش دى فى مصر يعنى ) تكون 2008 مثلا الى هيه الايرو دى حلوه جدا جدا و جايه من بره بحاجتها التمام بعيد عن غبور الى قلل منها شويه و هتبقى فى نفس الحدود دى بس اهم حاجة حاله العربيه و خصوصا فى المازدا لان قطع غيارها غاليه

انا شايف انها عالية شوية امال لو سليمة تبقى بكام

طبعا هتبص علي مكنه وفتيس
وهتبص علي شاسيه ولو العربية مشيسه ابعد عنها وغنيلها لانها هتكرفك وعمرها ما هتعدل معااااك
ولو العربية الفئة الاتوماتيك من غير فتحة سقف كبيرها بعد اللي انت بتقول رشة قايم ومغيره شنطة يعني ربع ورا كبيرها ٦٥ الف
يا عزيزي ال٧٥ دي تجبلك حاجة ٢٠٠٧ فبريكة برة وجوة ايه اللي هيدخلك سكة الشمال دي ووجع القلب والله اعلم بحالة العفشة
بعدين فكك من حوار العداد تعالي اخدك انزلك عداد اتخن بي ام موديل السنه ب١٥٠ جنيه في الحرفيين
تحياتي

لو سليمة الناس بتتكلم في فوق ال١٠٠ الف
الراجل منزل ٢٥ الف و هيا ماشية ٢٨ الف بس
بس انا خبريتي مييح فعشان كده بسال و هو فعلا شكلها زي مانتو بتقولو اكيد بوظت حاجة في العفشة ( و كله الا العفشة :) )
يعني. لو الخبطة بوظت حاجة في العفشة العربية كدة باي باي

المشاركة الأصلية كتبت بواسطة medokassem

طبعا هتبص علي مكنه وفتيس
وهتبص علي شاسيه ولو العربية مشيسه ابعد عنها وغنيلها لانها هتكرفك وعمرها ما هتعدل معااااك
ولو العربية الفئة الاتوماتيك من غير فتحة سقف كبيرها بعد اللي انت بتقول رشة قايم ومغيره شنطة يعني ربع ورا كبيرها ٦٥ الف
يا عزيزي ال٧٥ دي تجبلك حاجة ٢٠٠٧ فبريكة برة وجوة ايه اللي هيدخلك سكة الشمال دي ووجع القلب والله اعلم بحالة العفشة
بعدين فكك من حوار العداد تعالي اخدك انزلك عداد اتخن بي ام موديل السنه ب١٥٠ جنيه في الحرفيين
تحياتي

و الله بجد انتو جدعان قوي
كلوكو قمرات بحبكو كلوكو :)
اني واي انا مش هدوس كده خالص
انا هدور علي حاجة انضف بقة

لا طبعا فكك منها خالص . انت هاتدفع 75 الف يعنى مش لعبه يبقى تاخد بيها حاجه محترمه و ابقى خبط انت فيها
انما حاجه عامله حادثه دى هتبقى معيوبه و اى خبطه فى العربيه بتأثر عليها كلها
ال 75 دى تجبلك مازدا 2007-2008 كدا اوتوماتيك و فبريكه جوه و بره او رشه بره بالكتير
و ربنا يوفقك ان شاء الله بحاجه كويسه

هوا فعلا قطع الغيار بتعتها مش موجودة و غالية كمان ؟؟؟
العربية داخلة دماغي و ممكن ادفع بس ماسفرش القاهرة كل شوية
و مين الوكيل الحالي ليها

قطع الغيار موجوده بس عند ناس معينه معروفه يعنى فى القاهره مش مرترطه فى السوق هو فيه كام واحد معروفين بيبيعوها بس و اسعارها معروفه