انا عايز واسطة تشغلني بمرتب محترم ومستعد ادفع اللي هو عايزة

**mohamedhamed** · 17-02-2013 06:25 AM

السلام عليكم

م الاخر كدة الواحد زهق وجاب اخرة من كتر ماهو بيدور على شغل وكلمت كل قرايبي واهلي واصحابي
وكلة الرد المعتاد هندور او هنشوف ونبقى نرد عليك وطبعا ولا حياة لمن تنادي

انا خريج اداب اعلام جامعة بيروت سابقا ودلوقتي اتحولت لجامعة الاسكندرية
طبعا اللي درستة كلة كلام اكاديمي ومعنديش اي خبرة عملية وحاولت طبعا ادرب في اي قناة او حتى اعرف ادخل مدينة الانتاج الاعلامي ومفيش برضو واسطة وكلمت ناس ومتردش عليا

لو حد عنده واسطة محترمة بجد ويقدر يساعدني ف شغلانة كويسة وبمرتب محترم ومش شرط في الاسكندرية وكمان مش شرط تكون في مجالي هبقى اخد كورسات وانا في الشغل ويتكلم بجد لاني زهقت بجد ومستعد ادفع اللي هو يقولوا بس يكون ثقة وجاد يكلمني على الخاص او على الايميل بتاعي

bebo_2006319@yahoo.com

وشكراً

**ياسر مصطفي** · 19-02-2013 11:14 PM

اعداد الكوادر الاعلامية المحترفة مع الحضور المميز للاعلامية ريهام السهلى الحجز 01113434328

**ياسر مصطفي** · 19-02-2013 11:15 PM

ياريت ده يفيد حضرتك

**sfgtrehk** · 22-02-2013 10:30 PM

اخى الكريم لا تيأس من رحمة الله

فهو الذى بيده كل شئ

واعلم ان الصبر وكثرة الاستغفار مفتاح الفرج

**amr.elsayed** · 23-02-2013 01:28 AM

عايز اقول حاجة بس مش عايزك تفهمنى غلط
انت خبرتك قليلة وفى نفس الوقت عايز مرتب محترم
والناس اللى شغالة وخبرة مش بياخدو مرتب محترم الا فى قطاعات محدودة جدا
انت راجل متعلم وبتفهم والفلوس اللى حتدفعها للواسطة حاول تشغلها حتى لو فى حاجات بسيطة
على الاقل اللف والدوران والبيزنز حيعملك قاعدة عريضة من العلاقات والعلاقات دى هى اساس الشغل والوظائف
وربنا يكرمك يا رب و ماتضغطش على نفسك لانها مشكلة شباب كتير مش انت لوحدك بس انت عندك امكانيات حاول تستغلها

**adel1414** · 23-02-2013 08:55 PM

والله العظيم وانا زيك بالظبط..انا خريج حقوق وخدت ماجستير ولا الهوا لو شغل بفلوس حدفع لانى متزوج و29سنة ولسه بدور نفسى اشتغل اى حاجة بجد مش لاقى..استغفر الله العظيم