شعب نايل موتورز :) اجيب موبايل اندرويد ايه ....... ب1000 جنيه ؟؟

السلام عليكم ورحمة الله وبركاته

اخواني واحبائي في الله النايل موتورزييييين
عاملين ايه ؟ ....... في الاول والاخر لازم ارجعلكم برده
ربنا ما يحرمكم مني ههههههههه

انا مجتار جدا وعايز اجيب موبايل اندرويد في حدود ال1000 جنيه بس يكون شكله شيك (والدتي )

بس شاشته في رينج ال3 بوصة و البروسيسور كويس الي حد ما ومش مهم فلاش اوي

ده الي انا لاقيته في الموبايلات ايه رايكم ... وفي حاجة تاني ممكن اشوفها

Samsung

1- Galaxy Pocket Duos ..... مشكلته ان شاشته 2.8 غير كده تحفـــــة في كل حاجة ماشاء الله
2- Samsung Galaxy mini 2
3- Samsung Galaxy Mini ..... شكله بشــــــــع

HTC

1- Explorer
2- wildfire S

Sony

1- experia mini ... الشاشة صغيرة جدا برده بس بروسسيور جيجا وكاميرا حلوة
2- Sony Xperia tipo Dua ..... ده عاجبني بس معرفش ظروفه ايه ؟

في ايه تاني ....... اقتراحاتكم الله يكرمكوووووووا
وعايز اعرف برده

احسن شبكه في المكالمات والنت ايه (موبينيل ولا اتصالات و فودافون) بالنسبة للفلوس والعروض
متوسط تحدث 2 ساعات في اليوم والنت مفتوح علي طول

اقعدووووووا بالعافية :))

بص اسحس كمل لحد
1400 وههات سوني اكسبريا ميرو مالوش حل بجد

اهم حاجة فى تليفون اﻻندرويد الرامات تكون عالية و الشاشة تكون كبيرة

1000 فى السامسونج مش هتجيب امكانيات كويسة بص على lg او alcatel ...... عندك lg l5 رامات 512 و شاشة 4 بوصة لو الشاشة و الرامات اقل من كده هتتخنق من التليفون

الكﻻم ده عن تجربة 3 تليفونات اندرويد

ممكن htc تشا تشا لو تحب التاتش والكيبورد

اشترى موبايلى وخد الثواب.

http://www.nilemotors.net/Nile/335786-xperia-ray.html

بص يا باشا فى موديل كويس و هو Samsung Galaxy Y Duos S6102 و سعره ١٠٥٠ جنيه تقريبا و شاشته 3.14 بوصه و امكانياته كويسه قوى و مناسبه لسعره و لمشاهده باقى المواصفات يمكن زياره الرابط التالى

Samsung Galaxy Y Duos S6102 - Full phone specifications

ازيك يا سحس يا حبيبي
عامل ايه يا باشا

سوني تيبو - دة خطين
ممكن تحط فيه خط للمكالمات والتاني شغله داتا باشتراك 25 ج
وبكدة تبقي عملت صفقة السنين

تحياتي

اقتباس:

---

المشاركة الأصلية كتبت بواسطة koshary

بص اسحس كمل لحد
1400 وههات سوني اكسبريا ميرو مالوش حل بجد

---

فين دة يا باشا ؟ مفيش ميرو في صفحة gsmarena

بحس ان في التمن القليل ده سوني بتتفوق على سامسونج خاصة في الشاشات والصوت
عديت حاجز الاتنين ونص سامسونج ملعبها

اقتباس:

---

المشاركة الأصلية كتبت بواسطة syd

ازيك يا سحس يا حبيبي
عامل ايه يا باشا

سوني تيبو - دة خطين
ممكن تحط فيه خط للمكالمات والتاني شغله داتا باشتراك 25 ج
وبكدة تبقي عملت صفقة السنين

تحياتي

---

أهـــــــــــــــــلا سيد بيك ....... كيفك يا هندسة عامل ايه ؟
انت التليفون ده شوفته علي الحقيقة ؟؟ ظريف يعني والوانة حلوة ولا ايه ؟

اقتباس:

---

المشاركة الأصلية كتبت بواسطة land_cruiser

بص يا باشا فى موديل كويس و هو samsung galaxy y duos s6102 و سعره ١٠٥٠ جنيه تقريبا و شاشته 3.14 بوصه و امكانياته كويسه قوى و مناسبه لسعره و لمشاهده باقى المواصفات يمكن زياره الرابط التالى

samsung galaxy y duos s6102 - full phone specifications

---

وليد بيك ..... كيفيك ؟

التليفون ده بشششششششع شاشته وحشة جدا والوانه ضايعه
حرام فيه الفلوس البوكيت احلي منه بمراااااحل

Samsung Galaxy mini 2

سعره 1050

انا معايا البوكيت ديوس يا باشا من حوالى 5 شهور - تقريبا كنت اول واحد يجيبو فى مصر لدرجة ان تمنه غلى بعد كده
التليفون ممتاز فى كل شى و تاخد منه اكتر من اللى دفعته فيه - ده انا عامله راوتر و مشغل اللاب على النت منه علشان فيه هوت سبوت
للامانه اللى يعتبر عيب بسيط فيه هو حجم الشاشه مش كبير نسبياً لكن الوانه حلوة
اشتريه على البركة و هو كمان اقل من 1000 ج - هو بحوالى 800 جنيه ( هو فيه ميمورى داخليه 3 جيجا ) بس ممكن تجيبله شريحه ذاكرة 4 جيجا ب 25 ج و جراب ب 10 ج تبقى مكملتش 850 ج و ادعيلى

اهم حاجة ال Internal Memory عشان لو صغيرة هيقرفك و مش هتعرف تنزل اي Apps و ده عن تجربة مع موتورولا و كان Internal 512 و منزل علية ال Facebook و Whatsapp فقط

اهم حاجه ال internal memory
عندك htc desire c كويس والذاكره الداخليه بتاعته 4 جيجا

الوايلد فاير تليفون كويس وشكلوا جميل HTC wildfire S وسعرة تقريباً نفس السعر

انا جربت الوايلد فاير العادي كان ممتاز ,الإس أعلي في الإمكانيات شوية

الحمد لله كلمت دكتور عاطف امبارح اللي كان عارض السوني الراي .... وقابلته وخدته
ماشاء الله لا قوة الا بالله لامختلف تماما عن اي حاجة كنت هاجيبها
وحاله نضيفة ماشاء الله .... اتبسطت لما شوفته وتعبته مغايا وجالي من اكتوبر للدقي
التليفون ظريف ماشاء الله وشاشته ٣.٣ وليد و شكله ظريف الحمد لله

الف شكر لتعبكم معايا جزاكم الله عني خيرا يارب :)))

الف الف مبروك ياسونة
ادى اول مباااااااااااركة فين الحلاوة بقى والا زى مابيقولوا
عايزين الشاى بتاعنا ياباشا :36_1_1[1]:

ههههههههههههه الله بيبارك في عمرك يا اأيمن .... لا الشااااي بيتشرب عندنا :44:

اقتباس:

---

المشاركة الأصلية كتبت بواسطة sonasteel

ههههههههههههه الله بيبارك في عمرك يا اأيمن .... لا الشااااي بيتشرب عندنا :44:

---

ههههههه انت اللي جبته لنفسك :049:
ياااااااشعب نايل موتورز كله يجمع عشان سونة عازمنا علي الشاي والجاتوه واكيد فيها غدا وعشاء باذن لله
هه مين جاي ؟؟؟ :7_6_5v[1]:

اقتباس:

---

المشاركة الأصلية كتبت بواسطة sonasteel

الحمد لله كلمت دكتور عاطف امبارح اللي كان عارض السوني الراي .... وقابلته وخدته
ماشاء الله لا قوة الا بالله لامختلف تماما عن اي حاجة كنت هاجيبها
وحاله نضيفة ماشاء الله .... اتبسطت لما شوفته وتعبته مغايا وجالي من اكتوبر للدقي
التليفون ظريف ماشاء الله وشاشته ٣.٣ وليد و شكله ظريف الحمد لله

الف شكر لتعبكم معايا جزاكم الله عني خيرا يارب :)))

---

مفيش تعب ولا حاجة.
سعدت بلقائك جدا يا باشمهندس حسين, وربنا يجعل الموبايل وشه حلو عليك.

كل اللى أقدر أنصحك بيه ابعد عن سامسونج فى الفئة السعرية دى وحتى فى الفئات السعرية العالية انتظر سونى الجديد برضه لأن سامسونج بتستهبل قوى فى أسعارها انا اشتريت جالاكسى إس 2 بحالة ممتازة ب 1700 وبعد الاستخدام حاسس إنه ميسواش أكتر من 1300 !! مش بحس أبدا بالقيمة مقابل المال مع سامسونج مش عارف ليه :)