مش عارف أقول ايه

**amr_elrashidy** · 31-07-2008 11:41 AM

بجد انا حزين جدا..كنت عملت موضوع عن عربيتى و مشكلة الزيت اللى بينزل منها و انى روحت التوكيل و دفعت حوالى 2000ج على ماقدروا يحلوا المشكلة و على 4 مرات مش من مرة واحدة و كل مرة بترجع تنزل تانى زيت لحد ما حلوا الموضوع اخيرا..طبعا انا نسيت الموضوع تماما و مشيت بقى بعربيتى السليمة بعد مادفعت اللى دفعته..المهم من اسبوع قلت اشوف الزيت..
يانهار ابيض مفيش غير تقريبا لتر و يادوب على علامة ال L طيب اييييييييييه فى ايه تانى..روحت للميكانيكى (اللى كنت هربان من ه فى الاول و رحت التوكيل و قلت ده مش فاهم حاجه) المهم قالى ده اويلسيل كرنك ضارب؟؟؟؟تااااااااااااااان ى ياعم ازاى انت متأكد؟؟؟؟ اه متأكد...طب امال التوكيل عمل ايه طيب..حكيتله ...قالى طب انا حفك و اشوف ...فك و بعد يوم كلمنى..المفاجأة ..السادة مهندسى التوكيل المحترمين و صنايعية التوكيل المبجلين(ربنا يكرمهم دنيا و آخره ان شاء الله) بعد ماعجزوا عن حل المشكلة عندى و عشان ميتكلفوش كتير و يجيبوا اويلسيل تانى على حسابهم..جابوا القديم و بعد ماتقطع و طلع عينة و قاموا (عايصينه) سيليكون حرارى و اربط يا معلم و اشرب يا زبونو الادهى بقى انهم كسلوا يربطوا المسامير كويس فالواد الميكانيكى فتح لقى الدنيا سايبة و كله فاكك و حاجه فل...قالى اكيد انت عملتها تحت السلم مش ممكن يكون ده شغل توكيل(حلفتله ميت يمين)...المهم الباشا جاب اويلسيل جديد و ركب على نضافة (من غير مايعوصه سيليكون) و ربط مساميره تمام التمام و نضف الدنيا و ادينى ماشى بالعربية من اسبوع من غير نقطة زيت واحد الحمد لله....انا حبيت اقولكم الموضوع ده مش عشان اسوء سمعة التوكيل...لكن عشان اقولكم محدش يروح للتوكيل عشان مشكلة كبيرة و فاكر ان مفيش حد حيحلها غيره(اخرهم يفكوا و يركبوا حاجه الصيانات المتعارف عليها يعنى شوية الفلاتر و السيور و التيل و الحاجات دى انما تصليح لالالالالالالالالالالالال ا فك قديم و تركيب جديد فقط )..انا دلوقت اتأكدت ان فى ميكانيكية احسن الف مرة من التوكيلات و ان مش شرط ابدا طالما العربية موديل جديد يبقى تروح التوكيل فقط .
احب اقولكم انى عملت الموضوع نفسه بالظبط كله عند الميكانيكى ب 250ج شامل طقم بوجيهات و مصنعية و اكرامية كمان

**NaderNabil** · 31-07-2008 11:46 AM

ربنا يعوض عليك يا استاذ عمرو....بجد مش عارف أعزيك و لا أهنيك علي حل المشكلة:(
انا من رأيي تروح تعمل شكوي في التوكيل علي اللي حصل...و توريلهم الاويل سيل البايظ اللي كانوا مركبينه...

و لو غلبت ابعت لكيا كوريا علطول...و وثق الموضوع بالصور و الفواتير

**amr_elrashidy** · 31-07-2008 11:55 AM

شكرا يا نادر على واجب العزاء ده:)....قدر الله و ما شاء فعل ...انا فعلا ناوى ان شاء الله ابعت لكوريا عالطول عشان الموضوع هنا اعتقد حينام و عالبال ماحد يسأل حتكون عزيمتى هبطت و رفعت الراية البيضا

**bassem_sams** · 31-07-2008 03:36 PM

الف مبروك على حل مشكلتك و معلش بس غريبه ان توكيل طلعوا تعبانين ده ناس هنا بتشكر فيه على العموم انا لومنك روح توكيل و احكى المشكله و شوف رد فعلهم

**NaderNabil** · 31-07-2008 05:00 PM

انت ممكن تبلغ المركز الرئيسي....أو مدير خدمات بعد البيع Eit...

عشان ممكن محمد ذكي يكون كفته...و مجرد اسم و خلاص

**lolly136** · 31-07-2008 05:44 PM

el moshkela di kanet fi m7md zaky

**amr_elrashidy** · 01-08-2008 02:34 AM

الموضوع حصل فى محمد زكى...انا بعت لكوريا خلاص و ححاول اتصل بeit الشركة نفسها و اشوف الناس دى محترمة و لا كلام و خلاص

**sokoman** · 02-12-2008 03:34 PM

فين باقى الموضوع .....
عايزين نعرف وصلت لايه؟؟؟

**tmedhat** · 02-12-2008 11:43 PM

اكيد العربية بيكانتو صحح
انت مش كاتب ماركتها انت متبت فقط المشكلة

**amr_elrashidy** · 04-12-2008 10:01 AM

المشاركة الأصلية كتبت بواسطة tmedhat

اكيد العربية بيكانتو صحح
انت مش كاتب ماركتها انت متبت فقط المشكلة

العربية بيكانتو فعلا ...حتلاقيها مكتوب فى الموضوع الاولانى ...ده غير انى كاتبها فى التعريف بتاعى...و الحمد لله الموضوع خلص و العربية ماشية تمام التمام

الموضوع: مش عارف أقول ايه

LinkBack

أدوات الموضوع

عرض

مش عارف أقول ايه - انشر الموضوع فى :

-

-

-

-

-

المواضيع المتشابهه

جه اليوم اللي أقول فيه أنا عملت حادثة

ممكن أقول رأي؟!

مش عارف أرد و أقول إيه

قدر الله وما شاء فعل.. للأمانة لازم أقول أنا كمان

لما أقول عربيه ماتريكس مش لازم تكون هيونداى

الكلمات الدلالية لهذا الموضوع

المفضلات

المفضلات

ضوابط المشاركة