الموضوع: ان شاء الله مقبل على شراء لانوس اتوماتك ومحتاج النصيحه!!!!

المشاركة الأصلية كتبت بواسطة srm

اشكرك يا باشا على الرد

بس ياترى عند حضرتك فكره ايه نوع زيت فتيس كويس للاتوماتك بتاع اللانوس ؟

اول حاجته تبص ليها بالترتيب

1-الاعطال كتيره ولا
2-الصيانه اي حد بيشتغل فيها ولا
3-المصنعية
4-قطع الغيار رخيصة ولا

انا معايا لانوس اتوماتيك وهى عربية ممتازة ومشاكلها قليلة .. نصيحة بس اتاكد ان الاتوماتيك بتاعها كويس .. ومش بتحتاج تغير زيت الاتوماتيك بتاعها خالص الا لو حصل مشكلة فيه وغالبا ده بيكون نتيجة مشكلة فى دورة التبريد علشان الردياتير بيكون فيه جزء مخصوص لتبريد زيت الاتوماتيك ولو الزيت سخن بيسخن الفتيس كله وممكن الحساسات تبوظ والزيت فى كتالوج الشركة مكتوب انه ما بيتغيرش غير فى ظروف التشغيل القاسية فقط .. اهم حاجه انك تتاكد قبل ما تشترى ان العربية سحبها كويس وخصوصا فى الطلعه وان النقلات بتحصل بدون نتش بس لازم تعمل الاختبار ده والعربية سخنه علشان يكون الموتور فى كامل كفاءته وكمان الفتيس يكون الزيت جواه مش بارد فيكون رد فعل الحساسات سريع ودقيق .. واللى سمعته من مهندس فى التوكيل ان الفتيس بتاع اللانوس اللى الصنايعيه بيسموه الصاروخ هو امريكى من انتاج جينرال موتورز