ازيكم يا احلى واجدع شباب
انا ناوى ان شاء الله اشترى لانوس اتوماتك ومحتاج النصيحه من حد يكون جربها يا ترى
الانوس كويسه فى الاتوماتك ولا فيها مشاكل معينه ؟
معلش سؤال كمان ايه افضل نوع زيت عشان الفتيس الاتوماتك بتاع الانوس ؟
ولكم جزيل الشكر
ازيكم يا احلى واجدع شباب
انا ناوى ان شاء الله اشترى لانوس اتوماتك ومحتاج النصيحه من حد يكون جربها يا ترى
الانوس كويسه فى الاتوماتك ولا فيها مشاكل معينه ؟
معلش سؤال كمان ايه افضل نوع زيت عشان الفتيس الاتوماتك بتاع الانوس ؟
ولكم جزيل الشكر
انا مجربتهاش بس لو الموتور ال 8 صباب هتبقى بطه بلدى مع الاوتو و خصوصا لو شغلت التكييف
زيت الفتيس يا تجيب شل مصنع و معبأ فى امريكا اللتر ب 28 جنيه او موبيل بس معرفش بكام
بسم الله الرحمن الرحيم
و الله اعلم و على السمع
ان الاوتو فى اللانوس و الاكسيل مش معمر
و الله اعلم
و عموما لو زعلك ممكن تقلبها منيوال و تجيب طقم بدلات
بلاش اوتو في الانوس والنوبيرا
لو عايز اوتو انصحك تجيب ياباني ,
ممكن متسوبيشي الكرستالة بشرط الحالة ,
أو على حسب الميزانية .
اشكر الاعضاء على الرد ...وفى انتظار باقى النصائح والاراء
لا بلاش حتي لو حلتها حلوة هاتعد معاك شوية و تعملها معاك انت
خليك في المانيول
و لو عايز اوتو الماني او ياباني دة باستثناء اسعار قطع الغيار
شوف انت عايز حاجة في حدود كام و انا هقولك انهي الانسب
و بالتوفيق ان شاء الله
بص ياباشا انا سمعت كلام كتير عن الفتيس الاتوماتك في الدايو وحش لكن للاسف معظمه كلام متداول زي الكلام اللي كان على العفشه بتاعت النوبيرا انها مش معمره وبتبوظ بسرعه
ابن عمتي معاه نوبيرا ليها اكثر من خمس سنين فالقاهره وسواقته رياضيه او عنيفه قول زي ماتقول لسى عامل شغل في الفتيس الشهر اللي فات من ساعة مااشتراها كانت عاملة 80 ودلوقتي داخله على 200الف
ابوواحد صاحبي معاه لانوس ون اوتو قعدت معاه نفس المدة او اكثر وباع السيارة ولم يحدث وان اشتكى من الفتيس اهم شيئ تهتم بتغير الزيت وتهتم قوي لدورة التبريد عندك في السيارة اي مشكله لازم تتابعها بسرعه لان العربيات الاتو الفتيس بيكون تابع لدورة التبريد عشان يبرد الزيت وماتقفشمده طويلةعلى الd
ولو لاقدر الله عطل عارف تمنه كام استراد الف جنيه يزيد اوينقص بقليل لو بدور على راحتك اتكل على الله وادعيلي