عرض للطباعة
انا بسمع وانا ماشى بالعربيه وخصوصا على السرعات المتوسطه والعاليه صوت ونه وبحس بخشونه رهيبه فروحت للميكانيكى قالى اسطوانه وديسك غيرتهم ولكن الصوت زى ما هو فقالى الجير بوكس عايز يتغير التروس الداخليه اتهرت وبتعمل الونه فروح الاول غير زيت جير لو الصوت مرحش يبقى الجير عليه العوض فعلا روحت غيرت زيت وصوت الونه زى ما هو ففى اصدقاء ليا قالولى بلى العجل ممكن يكون استوى طالما فى خشونه
عايز من حضراتكم تقييم الموقف
احتمال كبير بلى العجل وعلى فكرة كل البلى الى فى السوق مضررررررررررررررررررررررر رررووووب
لان انا غيرتها 3 مرات ومش بتقعد كثير
باشا انت سماع صوت الونه جاي منين ؟
لو من العجل يبقى بلي العجل وطالما انك عملت كل ده ومرحش الصوت يبقى هو غالبا بلي العجل فعلا وحاول تجيب نوع نضيف او الاصلي لو ينفع لاني في لقل من شهر مغير بليتين
عايز تتأكد انه مش من الجيربوكس
وصل العربيه للصوت بتاع الونه ومور العربيه افصل الغيار
ولو الصوت راح يبقى الجير لو ما رحش يبقى بلى العجل لان حصلت معايا ولسه مغير الاتنين اللى قدام والحمد لله الصوت راح
الميكانيكى رفع كل عجله من قدام لوحدها ودور العربيه وجاب اول فى تانى فى تالت والصوت كان بيزيد وكذلك العجله التانيه فروحت مغير الاتنين
ولو سامع الونه من ورا ارفع كل عجله لوحدها ومشيها بأيدك لو حسيت بالخشونه والونه دى يبقى البلى اللى ورا
بص حضرتك هو بنسبة كبيرة المشكلة من البلي بتاع العجل الأمامي بالتحديد .. هقولك ع تجربة ظريفة جداااا أنا عملتها ف عربية كانت معايا قبل كده ... حضرتك تجيب كوريك وترفع العربية من ناحية اليمين كإنك هتغير فردة الكاوتش بالظبط .. وبعد كده دور العربية وأديها غيار وأبدأ أمشى وإنتا رافع فرامل اليد كمان ... طبعا متخافش العربية مش هتمشي من مكانها بس الكاوتش المرفوع عن الأرض هو اللى بيتحرك وواخد سرعته مع نقل الغيارات ... التجربة دي مفيدة جدااا إنك تسمع صوت الونة والنحر اللى طالع من البلي وتتأكد إنه مالوش علاقة بالجير خااااااااالص ... إعمل برضو نفس التجربة ف الناحية الشمال وهتتأكد أكتر
انا مع رأي aldesha989 و mous6fa
واحتمال يكون من بلية الدينمو او طرمبة المياة
اهم حاجة تحدد الصوت جاي منين
وابقي طمنا وقولنا عملت ايه واحنا سوا ان شاء الله
والله المستعان
،
،
الصوت العالى ده من بلى العجل الامامى لان المشكلة دى عندى بقالها فترة
وصوت النحرة بتاعة طرمبة المية و بلية شداد الدينامو حاجة و صوت البيل الامامية حاجة تانية خالص لانى لو مورت العربية الصوت بيفضل زى ما هو انما بلية شداد الدينامو صوتها كان بيطلع مع الدوس على البنزين
انت مين الميكانيكى بتاعك؟؟!!!!!!!! :H_angry[1]:اقتباس:
المشاركة الأصلية كتبت بواسطة warfighter2114
يلى عجل امامى بنسبة 90%
ايه الجمال ده والخبره العاليه ديه الله اكبر
انا حطبق النقطه الاولى انى ارفع العربيه واديها غيار بس سؤال ارفعها من اليمين ولا من الشمال عشان العربيه ممكن تمشى انا عمرى مجربتها واحدد الصوت وايه المبدا انى لو رفعتها من اليمين اليمين حيتحرك والشمال لأ والعكس
النقطه الثانيه طرمبه المياه وبليه شداد الدينمو هل ممكن اعمل اختبار ولا الميكانيكى افضل وهل فى انواع كويسه فى السوق
النقطه الثالثه ايه انواع بلى العجل الى فى السوق الكويسه وهل العجل الخلفى بيحتاج بلى
النقطه الرابعه انا من الاسكندريه وبتعامل مع ميكانيكى دكتور اسامه فرج فى ميامى من 7 سنين ومرتاح معاه
النقطه الاخيره هل انا محتاج لو غيرت البليه للعجل انى اكبسها فى الصره عند خراط ولا مش حتحاج
ازاي ميكانيكي دكتور وهو مش عارف يشخص كويس وخلاك تغير حاجات غالية وحرام أنها تتغير ولسه العيب موجود؟؟؟؟؟!!!!!!!اقتباس:
المشاركة الأصلية كتبت بواسطة warfighter2114
انت عربيتك لونها ابيض وبتقف فوق نفق سيدي بشر؟؟
عموما لو تحب نتقابل يمكن اقدر أساعدك انا تحت أمرك
اسال شوف البلية عندك بتتباع لوحدها ولا لازم الصرة كاملة
عندى لازم اشترى صرة كاملة و مينفعش البلية لوحدها وفى عربيات تانية البلية بتتباع لوحدها
والله المستعاناقتباس:
المشاركة الأصلية كتبت بواسطة warfighter2114
،
،
الف الف شكر لكل من اهتم بموضوعى واضاف لمعلوماتى معلومات قيمه