الكهرباء بقالها مثلا 3 اسابيع مقطعتش عندنا في الحي الشعبي المكتظ بالسكان
عرض للطباعة
الكهرباء بقالها مثلا 3 اسابيع مقطعتش عندنا في الحي الشعبي المكتظ بالسكان
هي دي النهضة يالي عصرتوا اللمون.....ولا تلومن إلا أنفسكم :)
مفيش غاز طبيعي يشغل المحطات ، متوقع صيف قادم فيه إظلام تاريخي للمحافظات
انا قريت كل المشاركات بس حبيت ابتدى بالمشاركه دى
اول هام انا من الناس الى ايدت مرسى فى الجوله التانيه و من المعارضين لجو الاضرابات و الاعتصامات و المطالبات الفئويه
تانى حاجة انا دارس الموضوع ده فى الجامعه على فكره :) فى ماده اسمها التخطيط العمرانى فى السنه الاخيره و كان الموضوع عن التخطيط الاقليمى و المنطقه كانت جزء من الساحل الشمالى من اسكندريه لبعد العلمين بحوالى 50 كيلو تقريبا و عمق تقريبا 120:150 كيلو و المشروع موجود لو تحب تشوفه و مستخدم فيه كل انواع توليد الكهرباء ديه و فى اكتر منها كمان بس ملحقتش اعمله لضيق الوقت و عدم وجود فريق عمل بيشتغل معايا ( الفريق موجود لكن من غير ميمد ايده فى شغل )
طبعا عارف ان مشاريع زى دى مبيجيبوش الخليه و يحطوها فى الشمس ولا بيجيبوا الطاحونه و يرموها فى الجبل تطلع كهربا
و الحل انهم لازم يعملوا الدراسات لان عندنا مثلا فى مصر اكتر من منطق
ارع رياح اقتصاديه كتير و طاقه الرياح ارخص من الطاقه الشمسيه و الكيلو وات فيها هيكون تمنه تقريبا بين 20:30 قرش مش متذكر بالظبط الدكتور قالنا الرقم كام بس انتاجها هيبقى اقتصادى فى الاخر و مش هيقولك بقى الغاز خلص و اصل الفونيه المازوت بوظها و دى خرايط تؤكد كلامى و من اطلس رياح مصر و موجود على النت لو عايزه
http://www.mediafire.com/conv/0bb55b...00ebe4086g.jpg
http://www.mediafire.com/conv/f221fb...45c8a1916g.jpg
و انا مش حاطط الخريطه كلها بس دى اكتر المناطق الى فيها رياح تقريبا و ممكن كمان تتحط فى البحر هتبقى الرياح اعلى زى كده
http://www.mediafire.com/conv/753bad...ef054e2e6g.jpg
و الحمد لله عندنا بحرين يعنى ( الصوره دى تقريبا فى مصر مش متاكد )
الطاقه الشمسيه بقى عندنا نسبه اسطاع شمسى عاليه جدا كل فصول السنه اقل حاجة فى الشتا فى شهر ديسمبر من 6:7 ساعات على ساحل البحر المتوسط و بتزيد فى نفس الشهر كل ما تتجه للجنوب و توصل ل 10 ساعات و ممكن اكتر و ده فى شهر ديسمبر بس مش هاقولك بمده السطوع عشان ممكن يبقى فى غيوم او امطار و غيره هنحسبها بالطاقه الى بتولدها الشمس فى ديسمبر برضه و على سواحل البحر مباشره اقل حاجة 2.5 كيلو وات لكل متر مربع قول هتدينى فى الاخر كيلو وات واحد فى المتر المربع فى شهر ديسمبر فى الغيوم على البحر المتوسط و بتزيد عشان توصل ل 5 كيلو وات فى الجنوب فى شهر ديسمبر برضه و المتوسط فى السنه كلها حوالى 5.5 :7 كيلو واط ساعه لكل متر مربع و دى بقى المواد الى بتتصنع منها اصلا موجوده فى مصر و التكنولوجيا هيه الى مش موجوده عندنا بس دى حلها انا وضحته ان دول اوروبا الى معندهاش شمس اصلا طول السنه عايزه تعمل المشروع ده فى الصحراء الكبرى بينا و بين ليبيا و يبقى الانتاج الكهربائى من المشروع ده متوزع علينا و مش هندفع فيه حاجة غير مساحات من الصحراء الغير مستغله او حل تانى ان احنا نشترى التكنولوجيا دى و دى بقت قديمه عندهم دلوقتى و ممكن تقرا للى اتوصوله فى جامعه حيفا ( اه فى اسرائيل .. و احنا كعرب اخرنا نعمل زبادى اناناس و عرب جردل ) عن الخلايا الضوئيه الى بتضاعف الرقم الى نازل عليها و بتتبع الشمس و بتعمل حبه حاجات كتير كده انا معرفهاش بامانه او الحل الاخير نعمل زى الحكمه و الحقيقه الى اتقالت فى فيلم 2012 ( اذا اردت فعل اى شئ اتركه للصينيين ) - هات تكنولوجيا من الصين و اجهزه من الصين و اعمل الخلايا الضوئيه هنا و عندنا احسن رمل يتعمل منها الكلام ده فى وادى السيليكا فى سينا ( بيتعمل منه شاشات الموبايل و التليفزيونات ال lcd و البورد بتاعه كل حاجة - بياخدوا الرمل من هنا الطن ب 10 جنيه او اقل و يعملوا بيه كل حاجة بره و يتباعلنا هنا بالافات فى حين انه لو اتعمله اضافه انتاجيه واحده و يتحول من رمل عادى لحجر هيتضاعف العائد بتاعنا منه لاضعاف كتيره بس حسنى كان عاملها زريبه للى عايز ياخد و يجرى ) و كده بقى عندنا طاقه شمسيه حلوه و رخيصه و ممكن تتعمل على سطح البيوت كمان
طاقه الامواج بقى دى انا مش هاتكلم فيها كتير كفايه انك تعرف ان فى مناطق فى فلسطين بيولدوا كهرباء منها و ممكن تدور عليها فى اليوتيوب و بادوات عبيطه و رخيصه بس كفايا علينا احنا قرى الساحل الشمالى و مايوهات مارينا و فلوس السياحه المضروبه :) و دى صوره ليها كمان اهى
http://www.mediafire.com/conv/3b41cf...ee6aa8a26g.jpg
و ممكن الحاجات دى تبقى تحت البحر كمان و دى طريقه عملها
http://www.mediafire.com/conv/e57501...34491bf56g.jpg
او زى دى
http://www.mediafire.com/conv/fdf60f...5bc159876g.jpg
الطرق السريعه بقى و الطرق عموما دى بقى مش هقولك اووربا و الدول المتقدمه هقولك الامارات و الدول الى كانت متخلفه بقوا بيستخدموها و حاجة بسيطه كده زى دى
http://www.mediafire.com/conv/411488...ecbd9d846g.jpg
مفتكرش تكلفتها عظيمه يعنى هتولد كهربا على الاقل للعمود ده و الباقى هيدخل فى شبكه الكهربا
و فى حاجات تانيه عشان تستفاد من سرعه العربيات بس الصور بتاعتها مش عندى
اه و فى انواع تانيه من الطاقات و رخيصه برضه زى استخدام طاقه باطن الارض و المياه الى بتطلع درجه حرارتها 70 دى اوصلها ل 100 بسهوله جدا و اولد منها كهربا - تسخين مياه البحر عن طريق الشمس و اعمل توليد كهرباء و تحليه مياه الاتنين مع بعض لان احنا عندنا ازمه مياه بعد ازمه الكهربا على طول يعنى
حاجة اخيره فى طاقه اسمها البيوانرجى او الطاقه الحيويه و دى وقود من الذره و دى ممكن نزرعها للموضوع ده مخصوص بمياه البحر علما بان الدره من المحاصيل الى بتستحمل الملوحه و يبقى الانتاج مخصص للمصانع دى و التكنولوجيا دى الى يعلمهالنا الصينيين برضه ( قرود الصينيين دول و الله ) ده غير الطاقه الى من الزباله عدم اللامؤاخذه و المخلفات العضويه
و كده احنا بقى متوجهناش للطاقه النوويه الى الغلطه فيها بهلاك قرن تقريبا و الى المفاعل بتاعنا الى فى الضبعه لو حصله حاجة مصر كلها من شمالها لجنوبها هاتتشيع غبار نووى عشان رياحنا بتيجى من الشمال الغربى ناحيه المفاعل كده و ربنا ينتقم من الى كان السبب و اعذرنى اذا كنت طولت فى الكلام او لو فى غلطات املائية فى الكلام برضه
انا هرد على كل المشاركات مره واحده عشان مش عارف اعمل اقتباس متعدد للمشاركات
الاستاذ Magoda اول هام كده نصبر ده لما يكون فى مشروع هيعملوه و نصبر لغايه تنفيذه ماشى
لكن نصبرلنا 10 سنين كل يوم الكهرباء بتقطع عشان بنصدر الغاز بره و مفيش غاز للمحطات و المازوت الى بيستوردوه بيبوظ الفونيات بتاعه المولدات يبقى اعذرنى يا باشا
استاذ nab!l معلش يا باشا بقى
استاذ lanos2004 الى مجننى بسرعاته على الطرق - و شكله كده ده هيبقى العادى فى دوله مصر
استاذ mahmos2000 فى الصيف الى معندوش حته يقعد فيها و يبقى قدامه بحر هيتشوى حتى لو قعد من غير ملابسه القطنيه
شكلنا داخلين على ايام سودا
استاذ mando800 لا يا باشا محدش قال ان احنا مؤيدين للمظاهرات ولا الاعتصامات ولا الاضرابات لان احنا فاضلنا كمان اعتصامين على اضرابين و مش هنلاقى حد يجى يشغل فلوسه فى البلد دى حتى المصريين نفسهم و حتى الى شغالين فى شركات فى مصر سواء مصريه او متعدده الجنسيات مش هيبقوا لاقيين شغل زيهم زى حديثى التخرج و لو فعلا دى اجراءات صيانه يبقى المفروض يبقى معمولها خطه واضحه و ينوهوا عنها فى القنوات التلفزيونيه بالمواعيد و المناطق الى هتقطع فيها الكهرباء دى لو فعلا صيانه
استاذ ahmedsrs من غير كلام المصدر المسؤول المطلع ده احنا الغاز عندنا خلاص بيشطب لان اسرائيل منوره بغاز مصر و الى هيقول اتوقف التصدير هقوله امال الغاز بيروح فين فى حد بيتنفسه ولا بيسيلوه و يشربوه
استاذ midnightman_74 لسه بدرى على العياط يا باشا ده احنا داخلين على ايام زى الفل و بمناسبه الاستثمار
فالاستثمار اصلا حرام __ و الذين يتكلمون عن الاستثمار هم المستثمرون و حاجة كمان بقى الاضرابات و الاستثمار دونت ميكس
استاذ mando800 الطبيعى ان الكهربا ما بتقطعش فى الشتا لان بيبقى فى فائض عندنا استهلاكنا 18 ميجا و الانتاج 23 تقريبا مش متاكد من الارقام بس استهلاكنا اقل من انتاجنا و الباقى بيروح فى شبكه كهرباء بينا و بين الاردن تقريبا
استاذ هشام.النجار الصيف القادم هيبقى بعديه ب 9 شهور نسبه المواليد تاريخيه يا فندم
مدام mrs-kadous عادى فى حكومه بس تقريبا مش عارفين ايه دورها او دى حكومه بتعكها لغايه ما ربنا يفكها بس رغم كده الرئيس شرعى و هيكمل مدته محدش يقدر يتكلم فى النقطه دى رغم اداء الحكومه الى زى الزفت ده
استاذ ahmedhilmy يا باشا هاتتعب نفسك ليه الحكومه اصلا ماشيه بنظام يوم بيومه بتاع بنك مصر مبيبصوش لقدام 5 ايام حتى هيحصل ايه
يا باشا حضرتك فتحت موضوع سياسي من غير ما تقصد .. هيقوم عليك اعضاء البلاط الرئاسي .. يستكتروا عليك .. مجرد الفضفضة !