الموضوع: ممكن تحب حد من غير ماتشوفه!!!!!

بص ياباشا هو الاقتناع باي شخص عموما مرتبط بامرين
اولهم مادي والتاني معنوي
يعني حضرتك ممكن تقتنع باللي بيكلمك وترتبط بيه عاطفيا ( معنوياً بس )
ويبقى النص التاني اللي هيأكدلك الفكره أو يلغيها وهيا الجانب المادي
يعني ممكن لما تشوف الشخص ده قدامك تكمل ارتباطك المعنوي بيه ويتحول الموضوع لواقع
وممكن لما تشوفه تصرف نظر خالص لإنك مثلاً هتكتشف انه مش زي الصوره اللي رسمتها في خيالك
نصيحه مني لو حضرتك عاوز تكمل في الموضوع لابد إنك تقطع الشك باليقين وتكمل النص التاني المادي
وتشوف اذا كان النص ده هو اللي انت رسمته في خيالك او قريب من تصوراتك والا لا ومدى قابليتك ليه من عدمه ويبقى الموضوع خلص سواء باكتماله او إلغائه على خير في كلا الحالتين ان شاء الله
وربنا يوفقك

إيه الكلام الكبير ده يا جدعاااان

صعب جدااااااااا يا باشا

انتى مش شايف حاجه على النت غير كلام و بس ...

الشكل و المضمون و العيله و التربيه و التدين و البيئه ..... كل ده انتا مشفتوش ولا تعرف عنه حاجه لسه

ممكن تاخد الموضوع كمقدمه ... لكن مش حب خالص

يارجاله احنا بنتناقش ...الموضوع مش شخصي والله :)))))))
لانى سمعت كتير عن جوازات من النت

بتحصل .. بس لما بتشوف الشخص ده على الحقيقة بتلاقيه غير اللي انت ارتبطت بيه.

في تفاصيل كتير انت مبتشوفهاش فعقلك بيكونها عشان الصورة تبقى كامله .. طريقة الكلام .. الضحك .. كده يعني.

لما بتقابل الشخص التاني بتلاقي كل الحاجات دي مختلفه .. فبتحس تنه شخص تاني.

آه طبعاً ، وليه لأ
طيب ما أحنا كمسلمين بنحب رسولنا صلى الله عليه وسلم من غير ما نشوفه أو حتى نسمع خطبه
وكمان الأقباط بيحبوا المسيح عليه السلام وبيقدسوه
يعنى الحب لما بيجي مش بيستأذن أنه من معلومة أو من نت ولا تليفون ولا حتى من شباك
المهم وجود الصدق بين الطرفين
واللي بيحب بجد مش هيهمه الطريقة اللي حب بها حتى لو بطريقة غير مألوفة
وممكن تنجح أكتر من أي حب بين طرفين كل يوم بيشوفوا بعض
اعتقد ان الحب اللى بالطريقه دى بيبقى حلو اوى اوى لأنه من القلب للقلب بدون أي مؤثرات
وبعدين فيه أغنية أعتقد لعبد الحليم "شوفته أد ما شوفته ولا فهمتوش "
يعنى مش مهم شوفته ولا مش شوفته - المهم العشرة السودا زي ما قال أخونا lanos2004

المشاركة الأصلية كتبت بواسطة lanos2004

انا لا اومن بالحب الا بعد العشرة والايام السودا مع بعض