أرجو المساعدة ﻷنى هستلم عربية سيراتو الشكل الجديد و أنتوا خوفتونى

**تامر.محمد** · 18-02-2013 03:07 AM

اللانسر شارك بيقولوا سعرها معقول اوي و كمالياتها كويسة و عربية كويسة , يعيبها ان قطع غيارها غالية (لسه مش عارفين السيراتو الجديد اغلى من الحالي بقد ايه)

الاسترا الناس شكرت فيها جامد جدا

الفلوينس الجديدة بموتور التيدا و فتيس 6 سرعات ممكن تكون اختيار ممتاز برده

**yasserelsayad** · 18-02-2013 03:26 AM

محدش ساق السيراتو الجديدة هنا ولا عارف اداءها ايه على الطريق وكله مبنى على توقعات واستنتاجات من الشكل القديم ..

واى عربية بجنط 17 عامة لازم تخلى بالك فى مشيك فى الاماكن المكسرة ودايما يكون ضغط الكاوتش مظبوط عشان دا بيقلل حدوث البلالين لو اخدت حفرة جامدة مثلا

ومفيش كاوتش 17 من الاخر مش بيطلعلوا بلالين

**Invensys2011** · 18-02-2013 12:37 PM

انا بفكر برده في سيراتو نفس الفئة
بالنسبة للاسعار.انا شايف ان كا العربيات بقت غالية
يعني النترا بتبتدي ب 150
و سيتي بقت 158 هاي لاين
استرا الفئة الاولى ب 172
و انا ميال اكتر للعربيات الاسياوية اكتر من الاوروبي بسبب تجربة سابقة
موضوع بقة كوري و الكلام ده مش موجود غير في مصر
على فكرة انا حاليا معايا لانسر
و بالتوفيق

**Invensys2011** · 18-02-2013 12:41 PM

المشاركة الأصلية كتبت بواسطة تامر.محمد

اللانسر شارك بيقولوا سعرها معقول اوي و كمالياتها كويسة و عربية كويسة , يعيبها ان قطع غيارها غالية (لسه مش عارفين السيراتو الجديد اغلى من الحالي بقد ايه)

الاسترا الناس شكرت فيها جامد جدا

الفلوينس الجديدة بموتور التيدا و فتيس 6 سرعات ممكن تكون اختيار ممتاز برده

تقريبا هي مش موتور تيدا و الله اعلم
موتور تيدا 118 حصان ,2 كامة
و مش متأكد من المعلومة دي

**dozo** · 18-02-2013 12:44 PM

اولا : تستلم على خير ان شاء الله و ربنا يديك خيرها و يكفيك شرها.
وا ضح انك بتحب العربيه تبقى فايقه معاك و موتورها يتجاوب معاك بدليل انك متضايق من الفانتازيا فى النقطه دى. ده مش حيوفرهولك غير اليابانى و الكورى لان الاوروبى بيوفره فى الفئات العاليه فقط . فيما عدا البرافو .
بالسعر ده مش حتلاقى قريب منه غير سوبارو و زى ما انت قلت للاسف سعر اعاده البيع مش حلو لو انت بتفكر كده توكل على الله و خليك فاكر ما فيش عربيه كامله .

**svneleven** · 18-02-2013 01:37 PM

أنا شايف أن اختيار العربية نفسها راجع ليك لأن فعلا كل الأسعا عليت جامد مش الكوري لوحده. المهم لو مشكلتك الجنط ال 17 يبقي عندك حلين. تحافظ دليما علي ضغط الهوا لا يقل عن 32 و ممكن بعد سنة مثلا لو الكاوتش بدأيجيب بلالين تغير المقاس ل 225/45r17 و ماركة نضيفة ميشلان أو بريدجستون أو بيريللي أو تويو أو .......
أهم حاجة تستخير و مبروك مقدما.