أنا إن شاء الله حجزت سيراتو الجديدة sx at إلى ب 165000 و أنا وهستلمها كمان يومين و هى نازلة بجنوط 17 و كل لما أدخل المنتدى ألائى اﻷعضاء بتشتكى من الجنوط و العفشة هما فعلا
فيهم مشاكل و المشاكل دى مإتحلتش و أعمل أه ألغى الحجز و أجيب عربية تانية ...... أرجو المساعدة من ذوى الخبرة
الكلام كله على سغرها العالى بسس و لو حد ذكر حكاية الجنط ال ١٧ و العفشة فا ده حد بيعمم و مظنش و مش متاكد انهها هتننزل ببنفس عيب القديمة و ربنا يباركلك فيها و تستلمها و عايزيين التقرير :)
السيراتو مع الجنط ال 17 مشكلتها نشوفيه العفشه بغباء - بلالين كتير كل شويه فى الكاوتش - الكاوتش ال 17 غالى مش رخيص و الانواع المحترمه الفرده منها ب 1200 جنيه قبل زياده الدولار - العفشه التورشن بيم ورا بتزود النشوفيه و مع مطبات الهوا العربيه بتبقى مراجيح و مع الملفات الثبات بيبقى فى الضياع
نصيحه ليك حرام تجيب سيراتو بالمبلغ ده و فى عربيات تانيه احسن و افضل منها بكتير و فى نفس السعر ده منهم السوبارو امبريزا - الرينو فليوانس الشكل الجديد ( معترض على سعرها برضه بس احسن من السيراتو ) - و فى حاجات اعلى حبه زى الاوبل استرا و الفورد فوكس
طبعا ان انت تلغى الحجز او لا دى حاجة ترجعلك هل هتستحمل الكاوتش ال 17 و ان انت تمشى على اقل من مهلك فى الطرق الى متعرفهاش و تستحمل نشوفيه العفشه ولا لا
فى اختيارات تانية أحسن
أنصحك بإعادة التفكير
بص يا باشا اولا الف مبروك على الحجز انا موش هقدر اتكلم فى فنيات اكتر من الاعضاء اتكلمو فيها بس
وموش عارف اقولك الغى الحجز ولا لاء عشان ما اضيعش فرحتك استخير ربنا اولا واخيرا
اولا معظم الاراء حتلاقيها ضد السيراتو بسبب استهبال التوكيل والسعر المبالغ فيه.
بس زى ما قالك AlGazar2 انتا ليه ما فكرتش فى الاسترا عربية ولا اجمل من كدا ولو مصمم على الكورى ما تجيب ريو مثلا ووفر 30 الف او رينو فلوينس.
ربنا ييسرلك حالك ويوفقك فى اختيارك وما تنساناش فى التقرير ان شاء الله
AFAIK
العفشة نفس setup عفشة الإلنترا الجديدة..
والصراحة: هى أنعم من عفشة السيراتو الشيب اللى فات؟!!
Still تورشن-بيم بنفس التركيبة الكورى الـweird (المساعد جوا والسوستة برا -عـ الدنجل)!!
بس أعتقد انهم غيروا المساعدين (damping-rate) والسوست بقت أطرى؟!
وده اللى مخلى الإلنترا الجديدة (والسيراتو k3 هتبقى نفس الكلام) أنعم شوية..
بس كده الـload بتاع الدامبرات والسوست بقى أقل:
ومتوقع انها توطى وتحك فـ المطبات -زى الإلنترا- مع التحميل!! وده مكانش بيحصل فـ السيراتو القديمة؟!!!
+ وطبعا التنطيط فـ مطبات الهواء :) -يعنى حلوا جزء من مشكلة على حساب حاجة تانية..
- المشكلة التانية مع الجنط الـ17 كانت البلالين، ودى عشان الكاوتش نوع ردىء (الـNexen)!
anyway
الجنوط الـ16 هى الأفضل فـ مصر، بشكل عام
حتى فـ العربيات الأوروبى اللى عفشتها superior عن السيراتو-إلانترا؟!!
يعنى عن تجارب -فـ برافو وجولف وأسترا وجيتا..
السبورت-باكدج بالجنوط الـ17 دايما بتبقى أنشف من الفئة اللى قبلها؛ وبفرق ملحوظ.
الـ"16 بيبقى compromise مابين الشكل والأداء + الراحة..
دا فـ حالة انك مصر عـ العربية دى :)) :blueletter: lol
كلام محترم ومنطقى وفعلا الاغلبية مننا معترضين على السعر مقابل القيمة ولكن محدش جربها علشان نقدر نحكم عليها كلها اجتهادات ليس الا .. كل الكلام نظرى العربية اتغيرت بالكامل .اقتباس:
المشاركة الأصلية كتبت بواسطة devilrider
وبخصوص انها نفس عفشة الالنترا فمشرط تكون زيها بالملى لان فى ابعاد ووزن عربية مختلف معنى انك توصل لمرحلة الحجز فده معناه انك راضى عن العربية بنسبة كبيرة واكيد دورت كتير واستقريت على السيراتو ...
واخيرا القرار الاخير ليك بس بلاش تقرا كتير عن كلام خليك مع الفعل .
اولا الف مبروك وربنا يديك خيرها ويبعد عنك شرهااقتباس:
المشاركة الأصلية كتبت بواسطة sherif shaheen
ثانيا المبلغ ده انا مستخسره فى كورى ( مع العلم انى راكبها) بس الامانه تقتضى انى انصحك بالاوربى (لو فى احتماليه انك تراجع نفسك)
بالتجربه الشخصيه انا اول ماركبت ركبت ابيزا (الشكل القديم 94 اشهر شكل ليها) ودى تجميع اسبانى لمكونات الفولكس الالمانى
وعلى الرغم من صغر حجم العربيه الهاتش و كوتشاتها مقاس ال 13 وموتورها ال 1300 سى سى لكن بالنسبه للكوريتين (النيو اكسنت 2007والسيراتو2013 ) اللى ركبتهم بعدها وبمقارنتهم بيها بعتبرها اسد مفترس وحش كاسر
اقسم لك بالله انى بشهد ليها وبثباتها وبكل مسمار فيها لغاية دلوقتى وانى جبت بيها سرعات وبثبات فى منحنيات مش عارف اجبهم بالكورىيتين اللى جبتهم بعدها وهما (اشهر عربيتين فى مصر فى اخر 8 سنين - نيو اكسنت - نيو سيراتو)
من الاخر ونصيحه لوجه الله هات بالمبلغ ده اى اوروبى نضيف حتى لو اقل ف الامكانيات(الاوبشن والرفاهيه والشكل) بس هتاخد جوده بكل جنيه هتدفعه عكس انك تشترى الشكل فقط
والامانه تقتضى انى اوضح نقطه فى صالح الكورى (عشان محدش يزعل) لما حبيت ابيع الابيزا ركنت معايا شويه عكس النيو اكسنت نزلت اشوف الجو ايه مرجعتش بيها
اخيرا لو تسمحلى الكتابه الصحيحه هى(ان شاء الله) وليست انشاء - واسف للملاحظه
شوف يا استاذ شريف انا هقول لك على حاجة
محدش فينا خالص كده جرب السيراتو الشكل الجديد وكل اللي بنقوله واللي بنوصله للتوكيل هو سعر العربية طاير لفوق يا حضرات وقولنا كده مليون مره
لو العربية مريحاك وشوفتها وركبتها في الshowroom هناك انا عن نفسي مشوفتهاش لسه ومركبتهاش لكن مواصفاتها وكل شئ فيها انا كتبت تقرير عن المواصفات والفئة السعرية في الرابط ده
http://www.nilemotors.net/Nile/332269-2013.html
لو تصاميم كيا عاجباك وعايز برضه عربية ترفيه وسعرها رائع اشتري الريو وهتوفر فلوس وشوف الكبيره دي معاك نظام فرامل مش موجود في اعلى فئة في السيراتو الجديدة EBD يبقى التوكيل بيضحك علينا في السيراتو ولا لأ ؟ راجع موضوعي كويس
شكرا لكل إلى رد عليا
بالنسبة للسعر فالعربيات كلها غليت و إلى بيغلى مبيرجعش تانى إحنا فى مصر
تانى حاجة بالنسبة للعضو المحترم إلى نصحنى باﻷوبل هى عربية جميلة بس عيبها إن الماتور ضعيف عليها و على فكرة أنا معايه عربية فانتزيا و إلى مضايقنى منها إن ماتورة ضعيف و بحس بضعفه و أنا مسافر فى المطالع بضغط جامد علي العربية علشان أحافظ على سرعتى و أعتقد اﻷوبل زيها باﻹضافة لسعر إعادة البيع
أما الفورد و السوبارو فدول أربيهم مع ولادى ( بهزر طبعا ) بس بش هعرف أبعهم بعد كده
أما السيراتو إلى عاجبنى فيها شكلها الداخلى و الخارجى حلو جدا باﻹضافة لﻷوبشن إلى فيها و إنها شكل جحيد لسة مإنتشرش بس خوفى من إنى كل شوية أغير الكاوتش بتعها علشان 17 و لا ممكن يكون ليه حل ..........
اللانسر شارك بيقولوا سعرها معقول اوي و كمالياتها كويسة و عربية كويسة , يعيبها ان قطع غيارها غالية (لسه مش عارفين السيراتو الجديد اغلى من الحالي بقد ايه)
الاسترا الناس شكرت فيها جامد جدا
الفلوينس الجديدة بموتور التيدا و فتيس 6 سرعات ممكن تكون اختيار ممتاز برده
محدش ساق السيراتو الجديدة هنا ولا عارف اداءها ايه على الطريق وكله مبنى على توقعات واستنتاجات من الشكل القديم ..
واى عربية بجنط 17 عامة لازم تخلى بالك فى مشيك فى الاماكن المكسرة ودايما يكون ضغط الكاوتش مظبوط عشان دا بيقلل حدوث البلالين لو اخدت حفرة جامدة مثلا
ومفيش كاوتش 17 من الاخر مش بيطلعلوا بلالين
مبروك مقدما والمهم انك فرحان بيها
صلي استخارة واللي فيه الخير يقدمه ربنا
انا بفكر برده في سيراتو نفس الفئة
بالنسبة للاسعار.انا شايف ان كا العربيات بقت غالية
يعني النترا بتبتدي ب 150
و سيتي بقت 158 هاي لاين
استرا الفئة الاولى ب 172
و انا ميال اكتر للعربيات الاسياوية اكتر من الاوروبي بسبب تجربة سابقة
موضوع بقة كوري و الكلام ده مش موجود غير في مصر
على فكرة انا حاليا معايا لانسر
و بالتوفيق
تقريبا هي مش موتور تيدا و الله اعلماقتباس:
المشاركة الأصلية كتبت بواسطة تامر.محمد
موتور تيدا 118 حصان ,2 كامة
و مش متأكد من المعلومة دي
اولا : تستلم على خير ان شاء الله و ربنا يديك خيرها و يكفيك شرها.
وا ضح انك بتحب العربيه تبقى فايقه معاك و موتورها يتجاوب معاك بدليل انك متضايق من الفانتازيا فى النقطه دى. ده مش حيوفرهولك غير اليابانى و الكورى لان الاوروبى بيوفره فى الفئات العاليه فقط . فيما عدا البرافو .
بالسعر ده مش حتلاقى قريب منه غير سوبارو و زى ما انت قلت للاسف سعر اعاده البيع مش حلو لو انت بتفكر كده توكل على الله و خليك فاكر ما فيش عربيه كامله .
أنا شايف أن اختيار العربية نفسها راجع ليك لأن فعلا كل الأسعا عليت جامد مش الكوري لوحده. المهم لو مشكلتك الجنط ال 17 يبقي عندك حلين. تحافظ دليما علي ضغط الهوا لا يقل عن 32 و ممكن بعد سنة مثلا لو الكاوتش بدأيجيب بلالين تغير المقاس ل 225/45r17 و ماركة نضيفة ميشلان أو بريدجستون أو بيريللي أو تويو أو .......
أهم حاجة تستخير و مبروك مقدما.
طلع نفس الموتور و اسمه HR16DEاقتباس:
المشاركة الأصلية كتبت بواسطة Invensys2011
بتعمله شركة في اليابان اسمها aichikikai
صلي صلاة استخاره وروح شوفها أكثر من مره وأقعد بداخلها اطول فتره ممكنه... وممكن تشوف مواقع اجنبي ممكن يكونوا كتبوا ريفيوهات عنها.
السلام عليكماقتباس:
المشاركة الأصلية كتبت بواسطة sherif shaheen
أولا :
متحيرش نفسك كتير ,,, في فئة من الناس بتختار العربية علسان هية عربية عملية من جهة الاستخدام والصيانة واعادة البيع
والامر دة بيتوفر في التويوتا والهيونداي وحاليا الكيا
بالاضافة للاستمتاع بحسن الاداء المقارب للياباني
:_Alshmokh11:
ولكن عمر قطع الغيار بعد النغيير الاول ,,, قصير وممكن بكون مش على مستوى عملي
ولكن ما زال العربية تقدر تجيب فيها سعر تبدأ بيه عربية تانية جديدة
ثانيا :
هناك فئة أخرى تحب السيارة تحسسك بالجودة ,, والعملانية ,, وطول عمر قطع الغيار ,,, وتظل السيارة بجودنها مهما طال عمرها
والامر دة موجود في البيجو والسيات والاوبل والفورد و الرينو " الاوروبي عموما "
ولكن أعطال السيارة دائما ,,, ملهاش حل للحفاظ عليها الا التوكيل ومراكز الصيانة المعتمدة ,, ودة بيضيف تكلفة جديدة عند مشاكل السيارة ,, وكمان ميزانية خاصة
وهذا على عكس الفئة الاولى ,,, التي يمكن اصلاحها عند كثيرين من الصنايعية المحترفين وبأسعار هينة
أنت أدرى بامكانياتك ,, وأنا مرحب جدا بالسيراتو وعملانيتها ولو لعمر محدد
متخليش الجنط 17 يأثر على اختيارك ,,, لأن ببساطة عند أول نغيير للكونش هات جنط 16 واخرج من المشكلة دي ان حصلت
السيارة مختلفة كلية عن السيراتو القديمة
المكنة .. مكنة النترا
كبيرة واسعة كلها كماليات ,,, ومفيش حاجة رخيصة خاليا ,, ولو صبرت هتشوف الاوروبي هيبقى بكام ,, والتويوتا هتبقى بكام
ولعلمك ارتفاع سعر السيارة ملوش علاقة بالدولار ولا الجنية
السيراتو الهاي لاين في السعودية تقفيل كوري ب 76 الف ريال = 136 الف جنيه + 80 الف جنيه جمرك
تبقى 216 الف جنيه
اتوكل على الله خليك ماشي في الللي تقدر عليه ويفرحك طالما بتحافظ وفاهم
السيراتو الجديده ناعمه زى الالنترا الجديده و ثباتها زى الالنترا الجديد و معقول و لكن على السرعات العاليه فى الاجزاء الغير مستويه ثباتها بيقل .و دا طبيعة اى عربيه سيدان بشنطه .
السيراتو 2014 انعم من 2010 بشويه .اللى ركب الالنترا هيفهم
انصحك تركب النترا و تسوقها 2012 .و السيراتو الجديدهتبقى قريبه منها جدا .و لكن باوبشن اكتر و شكل احدث و لسه منتشرش .
بالنسبه للسيراتو الشكل الحالى و الالنترا الجديده و الفيلوستر ال3 عفشه واحده فى الخلف تورشن بيم و كمان السيراتو 2014 تورشن بيم كمان
بيحصل حاجه اسمها ظاهرة السمكه :
يعنى اه .
يعنى تلاقى العربيه و انت على سرعه عاليه او ارض مكسره و داخل ملف مثلا و تضرب فرامل تلاقى العربيه من ورا بتلعب زى ديل السمكه .بتعوم يعنى ,
و الموضوع دا حير ناااااااااااااااس كتيييييييييييييير منهم انا .
و الحمد لله لقيت الحل .هنقلب العفشه بتاعة السيراتو الخلفيه من تورشن بيم فقط الى تورشن بيم و z axel يعنى هتبقى زى عفشة الاوبل استرا الجديده خالص .واتس لينك .
و ظاهره ديل السمكه دى بتحصل نتيجه عدم توزيع الوزن بطريقه صحيحه فى الجزء الخلفى فى العربيه .و نوع العفشه و حجات كتييير .
المهم هنركب استابليزر او اكسيل ما بين السوستتين .هيظبط الدنيا خالص .و دا تعديل على فبريكه العربيه .و للاسف الشكل الجديد كمان مفيهوش اللينك دا .
ظاهره ديل السمكه دى بتحصل نتيجه ضعف تماسك العجلتين الخلفييتين بالارض .يعنى التراكشن ورا بيبقى اقل من قدام بكتيييييييير
عشان كده بتلعب .
و باذن الله هعمل موضوع بالتعديل دا قريب جدا جدا
دا بالاضافه الى امكانميه تعديل العربيه بعفشه اسبور هتظبط الاداء باذن الله .اكتر و اكتر
و الله اعلم
بص ياباشا اختيار العربية ده حاجة محيرة جدا جدا وخصوصا انها بفلوس كتير وبتزعل قوي لو طلع فيها حاجة لذلك فكر كويس جدا واستخير ربنا وبعدين لازم تبقى مقتنع بالعربية كويس ولازم تبقى عارف انك بتنقل من عربية اوروبي لعربية اسيوي ولازم تبقى عارف انك هتلاقي فرق كبير ممكن تحبه وممكن ماتحبوش وبالمناسبة انا بعتبر الاسيوي واحد يعنى انا معايا سيراتو 2010 جبتها اول ما نزلت ومعانا كورولا 2009 والفرق بينهم في نظري مش كبير بل اني شايف ان التفق للسيراتو وبحب اركب السيراتو اكتر
اما بالنسبة للجنط لو انت حاجز فى التوكيل انت ممكن تطلب تغييره لجنط 16 وانا شايف ان ده احسن حل ونصيحة بلاش ال 17
ويفضل الموضوع اراء واجتهادات شخصية مفيش فيها حاجة قطعية والامر يرجعلك انت ونصيحتي اشتري اللى انت مقتنع بيه بعد تفكير علمي سليم وسيبك من قيل وقال لانها بتتعب قوي وربنا يعينك على الاختيار
حضرتك اشتريت منين لانى سالت التوكيل قال الاستلام بعد شهرين
مينفعش تزود شوية وتجيب كيا اسبورتيج احسن بدل ما تدفع الملبغ ده في سيراتو
هي ظروفك ايه مع السيفيك صحيح ؟
احب اقول لحضرتك انك استاااااااااااااااااذاقتباس:
المشاركة الأصلية كتبت بواسطة formulator
وبدور على الردود بتعتك يمكن اتعلم منك
الله ينور عليك ويزيدك من علمه
والله يا فندم العربيه ديه محيره جداً
انا راكب سيفيك 2007 و بحلم انى اغير قريب لو ربنا شاء و رزقنى من فضله,
كنت بقارن بينها و الاسترا و القاشقاى و الفوكس
القشقاى مزعلنى فيها فقر التابلوه و مقلق من الثبات مقارنتأ بالسيفيك علشان القشقاى عاليه اوى
و الفوكس ضايقه اوى من ورا و الشنطه صغيره اوى
عموما بين السيراتو و الأسترا و انا عارف ان كلامى مش هيعجب ناس كتير بس الغريبه سبحان الله ان فيه حاجات كتير تتفوق فيها السيراتو (بتكلم على الفئتين 186 و 174 الف)
زى مثلا
الوسع و الرحابه الداخليه تفوق واضح جدا للسيراتو
امكانيات الفولى لودد 186 الف اعلى من الاسترا 188 الف ماعدا التراكشن كنترول
الموتور و الفتيس من حيث الاداء و نعومة الفتيس و اظن الاعتماديه
توكيل كيا احسن
بيع كيا اسهل و احسن
فيه فنيات فى التشطيب احسن فى كيا سبحان الله زى ثقل و نعومة حركة فتحات التكييف و الادراج الداخليه تحس انهم اهتمو بيها اوى فى كيا عن الاوبل مش عارف ازاى
علوز اقول كمان ان خامات السيراتو الفئات العاليه ديه غير الفئات الاولى
يعنى البابين قدام سوفت بلاستيك و نصف التابلوه بردوا و فوق العدادات جلد مبطن و متخيط
الفئات العاليه ديه الى فيها سمارت كى اول متقرب من السياره المقابض الاماميه تنور و هكذا المريات فيها اضاءه من تحت و بتفتح اوتو و لو بعدت تانى كل ده بيفصل
الشاشه الى بين العدادات فيها قوائم و settings شبه الاسترا و تظبيط كتير
العربيه تقيله اوى لو هزتها من الجنب شبه مبتتحركش زى الهوندا عندى و البى ام مثلا غير لما بهز النترا مثلا بتلعب شويه على المساعدين
بس بردوا انا متحير اوى و فعلا محدش جرب العربيه على الطريق علشان نعرف ايه الاخبار و كان نفسى يبقا فيها تراكشن كنترول كان فرق جامد اوى و بردوا لو فيها UVO كان بقا اختراع :)
على فكره شفت الفئه الى 165 الف بيحركوها فى المعرض الى كنت فيه و الكشافات وهم الوهم الليدات امام و خلف
المعرض الى كنت فيه اساسا عندو عربيات جاهزه تسليم فورى بيقولى بالذات ال 186 و 174 من غير اوفر برايس
فواضح ان البيع مش جامد لسا.
والمشكله دى بتحصل لما يكون ضغط الكاوتش عالى ولا منخفض ايهما افضل عشان تفادى البلالين ؟؟اقتباس:
المشاركة الأصلية كتبت بواسطة yasserelsayad
فكر برضو فى الكروز لو حبيت تجمع مابين الكورى والاوروبى لانها نفس الموتور والفتيس الى فى الاسترا الجديده وكمان تصميم المانى .. انا عن نفسى معجبتنيش السيراتو من الداخل اطلاقا بتتكلم كورى صريح وشكل مش مقبول ابدا وخساره السعر العالى ده فيها .. وقدامك كمان الكورولا هاى لاين حاجه كده لوزه مقشره ... اما لو نفسيا مرتاح مع السيراتو توكل على الله هيا العربيه ايه غير راحه نفسيه بعد التقييم العقلى .. والجنط الــ 17 مش حيسبب مشكله لو انت حريص انت بتمشى فين وازاى لكن لو كنت بتفرك ومابيهمكش ابعد عنه وخليك فى 16
بص يا باشا أنا ركبت أنواع عربيات كتير ﻷنى كنت بشترى مستعمل و خبرتى من العربياتاقتباس:
المشاركة الأصلية كتبت بواسطة cosmicone
أولا تبعد عن الفرنساوى و العربيات إلى ملهاش سوق فى مصر علشان هتتزل و تخسر كتير فى بيعها
ثانيا العربيات اﻷلمانى مش هتلاقى حاجة زيها خصوصا البي إم و المرسيدس أنا كان معايا بي إم هاى لاين 2003 كانت أحلى مما تتخيل بس كنت بصرف عليها مرتبى و مبأكلش ولادى بعدكدا جبت فنتازيا و لسة معايا هى عربية حلوا بس ماتورها ضعيف عليها
و أظن اﻷوبل زيها
و بالنسبة للانسر و الكرولا فهيغروا شكلهم السنة الجاية و بكدا مفيش حاجة بقية غير السيراتو و اﻹلنترا و أنا عن نفشى حابب شكل السيراتو
بعض أعضاء المنتدى مش عاجبهم سعر العربية بس هأولوهم العربيات كلها غليت بش دى بسو علموم ربنا يكرمك و تجيب العربية إلى نفسك فيها و تكون عجباك
[QUOTE=asadx100;3874819028]السلام عليكم
أولا :
متحيرش نفسك كتير ,,, في فئة من الناس بتختار العربية علسان هية عربية عملية من جهة الاستخدام والصيانة واعادة البيع
والامر دة بيتوفر في التويوتا والهيونداي وحاليا الكيا
بالاضافة للاستمتاع بحسن الاداء المقارب للياباني
:_Alshmokh11:
ولكن عمر قطع الغيار بعد النغيير الاول ,,, قصير وممكن بكون مش على مستوى عملي
ولكن ما زال العربية تقدر تجيب فيها سعر تبدأ بيه عربية تانية جديدة
ثانيا :
هناك فئة أخرى تحب السيارة تحسسك بالجودة ,, والعملانية ,, وطول عمر قطع الغيار ,,, وتظل السيارة بجودنها مهما طال عمرها
والامر دة موجود في البيجو والسيات والاوبل والفورد و الرينو " الاوروبي عموما "
ولكن أعطال السيارة دائما ,,, ملهاش حل للحفاظ عليها الا التوكيل ومراكز الصيانة المعتمدة ,, ودة بيضيف تكلفة جديدة عند مشاكل السيارة ,, وكمان ميزانية خاصة
وهذا على عكس الفئة الاولى ,,, التي يمكن اصلاحها عند كثيرين من الصنايعية المحترفين وبأسعار هينة
أنت أدرى بامكانياتك ,, وأنا مرحب جدا بالسيراتو وعملانيتها ولو لعمر محدد
متخليش الجنط 17 يأثر على اختيارك ,,, لأن ببساطة عند أول نغيير للكونش هات جنط 16 واخرج من المشكلة دي ان حصلت
عل
السيارة مختلفة كلية عن السيراتو القديمة
المكنة .. مكنة النترا
كبيرة واسعة كلها كماليات ,,, ومفيش حاجة رخيصة خاليا ,, ولو صبرت هتشوف الاوروبي هيبقى بكام ,, والتويوتا هتبقى بكام
ولعلمك ارتفاع سعر السيارة ملوش علاقة بالدولار ولا الجنية
السيراتو الهاي لاين في السعودية تقفيل كوري ب 76 الف ريال = 136 الف جنيه + 80 الف جنيه جمرك
تبقى 216 الف جنيه
اتوكل على الله خليك ماشي في الللي تقدر عليه ويفرحك طالما بتحافظ وفاهم[/QUOT
كلام حضرتك مظبوط و فعلا العربيات كلها غليت بس هما مش عاوزين يقتنعوا بالموضع دة و مستخسرين فيها الفلوس بس أنا عاوز كل عضو فى المنتدى يفكر إه إلى ممكن يجيبوا بالسعر دة فى ظل أن العربيات كلها غليت و ياريت اﻹحتيار ميكنش لعربية هتغير شكلها كمان سنة ﻷنى مش ناوى أدفع المبلغ ده و اﻷئى نفسي راكب شيب قديم كمان سنة
انا عايش فى قطر و اشتريت العربية من 3 اسابيع وعموما العربية ممتازة بالنسبة لسعرها وفيها مميزات كتير جدا بالنسبة لسيارات كتير من نفس الفئة وان كان يعيبها الثبات بعد 140
عايزين منك يا باشا_بعد اذنك طبعا_ تعملنا تقرير عن العربيه من ناحية العفشه في المطبات والطرق المكسره والغير مستويه وفي عين القط ودي أهم حاجه احنا عايزين نعرفها وكمان التسارع بتاعها والعزل بتاعها وبالذات العزل الارضي بتاعها وجودة الخامات الداخليه.اقتباس:
المشاركة الأصلية كتبت بواسطة mo_shaban
وكمان انتا اشتريت أي فئة وبكام ريال قطري ومايعادله بالجنيه المصري.
يعني عايزين لو تكرمت تقرير وافي عن العربيه المحيره دي.
زى ما قلت قبل كده العربية بالنسبة لسعرها تعتبر ممتازةاقتباس:
المشاركة الأصلية كتبت بواسطة esam_ayad
بالنسبة للعفشة مش ناشفة وكويسة فى المطبات وحتى فى الطرق المكسرة
وبالنسبة للعزل ممتاز ومع اغلاق الزجاج لاتسمع اى شئ خارج العربية بس فيها حاجة غلسة جدا انى بسمع صوت الكاوتش على الاسفلت
بالنسبة للتسارع اكتر من ممتاز مع انها 1600 CC لكن زودو عزم الموتور الى 130 حصان
ومع تشغيل المكيف يعتبر التسارع ممتاز
والعربية اقتصادية فى البنزين فى الطرق المفتوحة ومتوسط الاستهلاك 5 لتر لكل 100 كيلومتر فى الطرق المفتوحة و 7 لتر داخل المدينة
وبالنسبة للفئة الى انا اشتريتها فأنا جبت اول فئة فيها
تكييف - باور كهرباء متغير حسب السرعة ودى جديدة فى العربيات الصغيرة - زجاج كهرباء - كراسى جلد - Aux - usb-كاسيت CD - mp3 - بلوتوث - تارة ملتى فانكشن يمكن التحكم الكامل فى الكاسيت والتليفون وكمبيوتر الرحلات من التاره - جنوط 16 - سنتر لوك ذكى مع التحكم فى فتح واغلاق الزجاج والشنطة من الريموت - حامل اكواب - حامل نظارة - عازل حرارى للزجاج
وبالنسبة للسعر انا جايبها ب 55,000 ريال يعنى تقريبا 102000 جنية مع التأمين الشامل وصيانة مجانية فى الوكالة حتى 20000 كيلو وضمان 5 سنوات او 100000 كيلو
فبالمواصفات دى والسعر ده تعتبر العربية صفقة جيدة وخصوصا انى كنت هشترى كورولا ب 73000 ومش فيها نص المواصفات دى وكمان الكورولا من الداخل ضيقة جدا جدا
الله يطمنك أنا هستلمها بكره و كنت خايف من كتر اﻹنتقاد الموجه للعربية بسبب السعراقتباس:
المشاركة الأصلية كتبت بواسطة mo_shaban
اقتباس:
المشاركة الأصلية كتبت بواسطة mo_shaban
توكل على الله العربيات كلها اسعارها عالية وبالنسبة لسعر العربية فى مصر مش غالية لان العربية نازلة غالية فى كل مكان انا جايبها تقريبا ب 102000 ولو ضفت ليها الجمارك والضرايب هتلاقيها فى مصر ارخص بكتيراقتباس:
المشاركة الأصلية كتبت بواسطة sherif shaheen
أشكرك جزيلا يا أخي mo_shaban علي تقريرك للعربيه وعلي حسب كلامك فالسيراتو الجديده اختلفت عن السيراتو الحاليه ولو علي الأقل في موضوع العفشه المزعجه.