سمعت كذا مرة ان فى طريق من احر شارع التسعين الى طريق العين السخنة من عند الجامعة الامريكية بيوفر نصف ساعة بدل من الذهاب من الطريق الدائرى الى المعادى عند منطقة القطامية
فى حد عنده فكرة ؟
عرض للطباعة
سمعت كذا مرة ان فى طريق من احر شارع التسعين الى طريق العين السخنة من عند الجامعة الامريكية بيوفر نصف ساعة بدل من الذهاب من الطريق الدائرى الى المعادى عند منطقة القطامية
فى حد عنده فكرة ؟
معرفش ده بس فى طريق من عند الجهاز لطريق العين السخنه القديم ( اللى فىه شركات البترول) مش طريق الجيش الجديد
متابع ..... أنا كان فى واحد زميلى قالى الكلام ده و قالى إن أوله مدق 10 دقايق و بعدين طريق كويس
متابع جدا
لو في جديد ياريت حد يفيدنا
انا لقيت فى طريقين
واحد من الدائرى الثانى و اسمه ايضا الدائرى الاقليمى تنزل على طريق السويس عند العاشر من رمضان و بدر و تروح بعد كده طريق السويس اتجاه القاهرة و الرحاب
الطريق الثانى عند الكيلو 20 القطامية تقريبا فتحة فى طريق الجيش تنزل على الجامعه الامريكية و شارع التسعين
ايوة الطريق التاني دة اللي بيعدي من جنب الجامعة الامريكية اية نظامة كويس ولا لسة مترصفش ؟ و امان و لا اية ؟
بص ياباشا انت دلوقت فى شارع التسعين والجامعة الامريكية على يمينك
كمل على طول هتلاقى صينية عديها هتلاقى جنبك عاليمين قطامية ديونز خليك طوالى برضه
هتلاقى كمان صينية عديها طوالى برضه
هتلاقى اخر صينية بقى عيدها برضه طوالى (هتحس انها بميل شمال شوية)
فى الاخر هتلاقى طريق ادخل فيه يمين
هتمشي فيه بتاع 4 كم
هتلاقى صينية تانى خدها شمال
امشي بتاع 2 كم هتلاقى مخرج اسمه التهامى
كدا انت وصلت طريق العين السخنة
شوف بقى انهى اتجاه عاوز تروحه
لو هتروح العين السخنة هتنزل النفق وتعدى الناحي التانية
لو هتروح اتجاه الدائري هتاخد يمينك
شكرا يا باشا و ياريت توصفلي الطريق دة من حيث الخدمات و البنزيمات و نقط التفتيش
و كمان في طريق تاني اخد الجامعة الامريكية علي شمالي انهي احسن
https://maps.google.com.eg/maps?ie=U...ed=0CC8Q-A8wAA
انا مش فاهم و كنت عاوز اعرف هو فين بالظبط
بس المنطقة دي مش امان خصوصا بليل ياجماعه
هو بصراحة انا ممشيتش عليه
بس من الواضح ان الرصف بتاع الطريق اللى قلتلك عليه احسن
ويستحسن لو هتجربه يبقى بالنهار
ايوه فعلا فيه الطريق ده و بيبقى على شمالك الهايد بارك و الطريق الاسفلت بتاعه حلو مفيش مدقات و لا حاجه