| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 63

  1. #1

    الصورة الرمزية eng.m7md.ali

    رقم العضوية : 55300

    تاريخ التسجيل : 09Dec2009

    المشاركات : 8,794

    النوع : ذكر

    الاقامة : مدينة العبور

    السيارة: PROTON GEN2

    السيارة[2]: ...

    دراجة بخارية: no bike

    الحالة : eng.m7md.ali غير متواجد حالياً

    افتراضي محاولة تثبيت فاشلة على طريق الاسماعيلية - Facebook Twitter whatsapp انشر الموضوع فى :

    hasad">

    قدر الله وماشاء فعل
    النهاردة كنت هتعرض لعملية تثبيت بس الحمد لله فشلت
    والاغرب من كدة انها في وضح النهاااار بس على طريق اسماعيلية بعد المركز الطبي

    والدي اتصل بيا قالي روح على بنك ( .... ) واسحب الفلوس اللي باعتها ووديها لعمك في الاسماعيلية
    وقد كان فعلا
    الساعة 10 الصبح كنت خارج من البنك ومتجه للاسماعيلية
    وعند الملف اللي عند المركز الطبي العالمي لقيت شيروكي عيون موديل 2005 تقريبا سودا ومفيمة الازاز كله ( طبعا من غير نمر ) وانا كنت ماشي تقريبا 90 لاني كنت بلعب في الموبيل بتاعي
    وفجأة لقيت العربية بتكسر عليا جامد وازاز اتفتح وطلع منه واحد لابس قناع ومعاه مسدس .. كل ده ومفيش حد ماشي قدامنا تقريبا مع ان النهاردة الخميس

    والناس اللي ماشيين ورانا شايفين المنظر ومهديين السرعة جامد

    طبعا من الخضة دي معرفتش اعمل اي حاجة لاني كنت تقريباً (مشلول ) ومكنتش مصدق ان ده يحصلي

    العربية الشيروكي كانت قدامي بحوالي 4 متر وفجأة اتصرفت ودوست كيك داون لمدة ثواني السرعة بقت 120 ولما قربت اكتر من الشيروكي سواق الشيروكي شافني بقرب بسرعة راح عامل هو كمان كيك داون وطبعا كيك داون الشيروكي مجرم وصله تقريبا 140 بردو في ثواني

    وفي نفس اللحظات لقيت الشيروكي بعد عني تقريبا 20 متر والراجل عمال يشاورلي اني اقف

    طبعا لما لقيت الوضع ده روحت دايس فرامل جامد وهو كان لسة حارق ومكمل على سرعة عالية

    في ثانية وصلت لسرعة 50 مثلا وفجأة جيه في بالي اني احاول اتصرف بسرعة حتى لو هيحصل خساير في العربية بس المهم انفد بالمبلغ لانه كان كبير

    بصيت في المرايا لقيت الناس اللي ورا بعيدين تماماً عني روحت جيت على اقصى الشمال وشادد الهاند بريك ولفيت في نص الطريق والعربية للاسف الرفرف الخلفي اتخبط في السور الجانبي وبعد مالعربية لفت وبقيت ماشي عكس وقفت على دواسة البنزين عشان العربية تطير

    بجد شكرا بروتون على العربية المحترمة دي وصلت لسرعة 100 في ثواني معرفش ازاي وماشي على اقصى اليمين ( اللي هو بقى شمال بالنسبة ليا ) وطبعا الشيروكي فص ملح وداب لانه مش هيلحق يعمل حاجة ولا يلف ويحصلني

    الناس اللي جاي في وشهم وقفو في وسط الطريق وقعدو يقلبو نور ومن الخضة معرفتش اقفلهم وفضلت دايس دايس بنزين لحد ماهديت شوية وفكرت واتطمنت ان مفيش شيروكي ورايا روحت واقف على جنب ( طبعا كل ده وانا ماشي عكس ) لقيت ولاد الحلال وقفو على جنب كتير وقعدو يجرو على العربية وجايبين مية ومعرفش ايه وبيتطمنو عليا لانهم شايفين الشيروكي كانت بتكسر عليا جامد ازاي بس مكانوش يعرفوا انها محاولة تثبيت

    الناس كتر خيرها فضلت معايا شوية لحد ماهديت ورجعت خدت يو تيرن ورجعت على القاهرة لاني مكنتش متطمن اني امشي تاني في طريقي

    وطبعا ادور على حد عشان ابلغ عن اللي حصل ولا وجود للشرطة اصلا

    الخلاصة :

    تقريبا في حد كان واقف قدام البنك وقطرني لانه شاف معايا شنطة كبيرة شك انها تكون فلوس
    او ممكن تكون صدفة مع البلطجية انهم يجو يثبتوني وبالمرة يلاقو مبلغ كبير

    والحمد لله على كل حال ومش مهم اللي جرا في العربية المهم اني سليم

    والغريب ان مفيش طلقة انضربت من المسدس ده شكله كان مسدس مية

    نصيحة لوجه الله اللي ناوي يسحب فلوس من بنك يتأكد تماماً ان مفيش حد وراه او قاطره .. وزيادة ضمان انه يبقى في شارع زحمة

    وربنا يستر طريقكم

    eng f3lix سابقا


  2. #2

    الصورة الرمزية zangry

    رقم العضوية : 82470

    تاريخ التسجيل : 01Dec2010

    المشاركات : 2,895

    النوع : ذكر

    الاقامة : el mehalla elkobra

    السيارة: cerato 10

    السيارة[2]: corolla 15

    دراجة بخارية: :(

    الحالة : zangry غير متواجد حالياً

    افتراضي -

    حمدلله على سلامتك والحمدلله انها جات على رفرف فدااك .. اكيد كانوا عارفين انك معاك فلوس !

    كان في عربيات وراك وطلعوا وراك انت بالذات ؟

    بصراحة بقت حاجة قلة ادب اوى حتى في النهار ووصلت لدرجة انهم يثبتوا محافظ كفر الشيخ وكمان بتاع البنك المركزي !!

    منه لله اللى سايب الشرطة بالمنظر ده وكل همه جماعته واهله وعشيرته


  3. #3

    الصورة الرمزية al_manara

    رقم العضوية : 1746

    تاريخ التسجيل : 14Aug2007

    المشاركات : 3,208

    النوع : ذكر

    الاقامة : القاهرة

    السيارة: .......

    السيارة[2]: Hyundai Excel GLS

    دراجة بخارية: .......

    الحالة : al_manara غير متواجد حالياً

    افتراضي -

    الحمد لله ربنا يحفظك ويحفظ الجميع .

    ياتري بلدنا رايحة علي فين !


  4. #4

    الصورة الرمزية ma7med

    رقم العضوية : 82993

    تاريخ التسجيل : 07Dec2010

    المشاركات : 431

    النوع : ذكر

    الاقامة : Cairo/Jordan

    السيارة: N/A

    السيارة[2]: kia cerato sx 2010 Gulf

    دراجة بخارية: N/A

    الحالة : ma7med غير متواجد حالياً

    افتراضي -

    الحمد لله علي كل شيء وانت كدة اتصرفت صح وربنا يحفظك و يحفظنا جميعا


  5. #5

    الصورة الرمزية youssef_u

    رقم العضوية : 66605

    تاريخ التسجيل : 30Mar2010

    المشاركات : 1,419

    النوع : ذكر

    الاقامة : 6 October

    السيارة: Sunny SuperSaloon 2013

    السيارة[2]: Fiat siena

    دراجة بخارية: Non

    الحالة : youssef_u غير متواجد حالياً

    افتراضي -

    حمدالله عالسلامة و احييك على ردة الفعل دي لان في غيرك ممكن اول ما يشوف المسدس يقف علطول و فداك الرفرف بسيطة ان شاء الله


  6. #6

    الصورة الرمزية maryano

    رقم العضوية : 99686

    تاريخ التسجيل : 19May2011

    المشاركات : 223

    النوع : ذكر

    الاقامة : cairo

    السيارة: lanos 2 2002

    السيارة[2]: fiat siena 2003

    دراجة بخارية: noo

    الحالة : maryano غير متواجد حالياً

    افتراضي -

    حمد الله علي سلامتك و اشكر ربنا انو الهمك و اتصرفت تصرف سليم
    اما فين التلات تلاف كمين و حملات لظبط مش عارف ايه و في الاخر نلاقي عربيات من غير نمر ماشيه عادي


  7. #7

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    لا حول ولا قوة الا بالله..
    الحمد لله على السلامة وربنا يستر على البلد اللي مبقتش تفرق كتير عن شيكاجو!!
    تحياتي

    Sent from my SE Arc S using Forum Runner

    don't judge a car unless you have driven it

    hm414 سابقا


  8. #8

    الصورة الرمزية egyptiandiver

    رقم العضوية : 78189

    تاريخ التسجيل : 21Aug2010

    المشاركات : 2,570

    النوع : ذكر

    الاقامة : 6 october

    السيارة: Nissan Sunny 2013

    السيارة[2]: Lanos 2008

    دراجة بخارية: no

    الحالة : egyptiandiver غير متواجد حالياً

    افتراضي -

    الحمد لله على السلامة


  9. #9

    الصورة الرمزية حماده المصري

    رقم العضوية : 1483

    تاريخ التسجيل : 18Jul2007

    المشاركات : 2,590

    النوع : ذكر

    الاقامة : cairo

    السيارة: just one

    السيارة[2]: sunny 2006

    دراجة بخارية: no

    الحالة : حماده المصري غير متواجد حالياً

    افتراضي -

    الحمد لله ربنا ستر


  10. #10

    الصورة الرمزية speed_magnum

    رقم العضوية : 130965

    تاريخ التسجيل : 05Nov2012

    المشاركات : 1,046

    النوع : ذكر

    الاقامة : NasR CiTy

    السيارة: non

    السيارة[2]: Corsa new faceLift

    الحالة : speed_magnum غير متواجد حالياً

    افتراضي -

    hasad">

    يا ريس ألف مليون سلامه عليك
    ............
    أنا عارف ان لما السلاح بيتوجه ناحيتك ...... بتحس انك مشلول والكهربا مسكتك
    احمد ربك انك نفدت منهم وكنت ماشي على سرعه كبيرة وربنا انقذك منهم
    ...........................
    انا بقي حصلي محاولة تثبيت وانا ماشي على سرعة 20 كم والموضوع اهو لو ما كنتش قريته

    حادث سطو مسلح بالصور

    ولو اجتمعوا على ان يضروك بشيء لن يضروك الا بشيء قد كتبه الله لك



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. محاولة تثبيت فاشلة
    بواسطة eng.m7md.ali في المنتدى المنتــــــدى العـــــــــــام للسيــارات
    مشاركات: 68
    آخر مشاركة: 03-03-2013, 02:28 AM
  2. محاولة فاشلة للوصول لسرعة عالية باالميجان 2 :(
    بواسطة ahmed88hassan في المنتدى ريــــنو
    مشاركات: 42
    آخر مشاركة: 06-06-2011, 06:09 AM
  3. محاولة فاشلة لتقليد الاستاذmsf10129
    بواسطة ahms10 في المنتدى ميتـسوبيـشى
    مشاركات: 12
    آخر مشاركة: 26-07-2010, 06:08 PM
  4. تفتكروا دي بداية مبشرة , ولا مجرد محاولة فاشلة
    بواسطة Eng. Rafy Samy في المنتدى المنتــــــدى العـــــــــــام للسيــارات
    مشاركات: 22
    آخر مشاركة: 24-07-2009, 06:53 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2