الموضوع: كل شئ عن المازدا

المشاركة الأصلية كتبت بواسطة kokobom

انا بعانى من ان المازدا 3 واطيه و مطبات بلدنا ماشاء الله جبال مش مطبات !!

كنت بفكر اصفح العربيه من تحت بس كنت محتاج ادرس الموضوع علشان مياثرش على الايروديناميك و بالتالى ياثر على الثبات !!

ياترى ايه رايك و هل حد جرب يعملها قبل كده ؟

بالنسبة للمصفحة غلط علشان انت اما هاتثبتها من الامام هتثبتها فى الصدر وهى حديد يبقى بالتالى هتاثر فى الطبات على الصدر والرادياتير والسربنتينة ودول غاليين.
اما علايات الادا فهى مش عتعوم لكن هتاثر فى الغرز العرضيةفقط لاغير

المشاركة الأصلية كتبت بواسطة hasan karmoony

بعد اذنك يابش مهندس شوية اسئله
اانا عايز اشتري كوتشات لعربيتي المهم انا بفكر اجيب المقاس ده وخايف اجبهم يعدو يحكو عندي في جسم العربيه
المقاس ده 16/60/215 علما الي موجدين عندي 16/55/205 بس انا عايز الكلام ده عن تجربه وخصوصا اني معلي عربيتي من وره حوالي 5 سم والكوتشات الي هجبهم جديد هركبهم وره
وسؤال تاني
احط زيت ايه للعربيه واغيروا امته؟ عشان لما بجيب زيت بيعد ينقص حوالي نص كيلو خصوصا ان وديت عربتي التوكيل وقلي لا مفيهاش حاجه العربيه 100*100 والحمد لله وقلي المازدا كلها كدا وانا بصراحه بسافر كتير بس بصراحه عربيتي الحمد لله مهتم بيها وعربيتي مكتوب عليها بنزين 95 احط 92 مع محسن ولا احط 92 لوحدوا؟
خصوصا انا عربيتي بيبوظ فلتر بنزين كتير جدا كل 6 شهور تقريبا وكمان بتاكل بنزين وعيزها تبطل؟
وهل البلتين تخلي العربيه خشنه في مشيها ؟
وتحياتي ياباشا

بالنسبة للزيت المستحب شل الترا (5-w40) علشان موبيل 1 (0-w40) اى درجة النقاء اكثر لكن درجة تبخيرو اعلى يعنى بينقص فى الجو بتاعنا اكتر.
وبيتغير كل 10.000 كم ولا زما كل 10.000 كم مش اقل علشان ده زيت مخلق اى كلما اخذ مدته كلما تم الاستفادة منه .
طبعا ال 95 احسن بس ال 92 كويس لوحدو بس اهم حاجة مش شوية كدة وشوية 92 .
واى استفسار كلمنى على 01016323580

طيب الموضوع ده يتكلف كام ولو عاوز اغير تيل الفرامل ورا وقدام وسير المجموعه كمان بكام.
والف شكر

صيانة ال 120
هى هى ال 60.000
فيها زيت+فلتر +فلتر هواء+فلتر تكييف (ولو فى الشتاء مالوش لزوم )+بوجيهات+فلتر بنزين+فلتر زيت فتيس +زيت فتيس+سيليكون.

المشاركة الأصلية كتبت بواسطة hoshtoki

طيب الموضوع ده يتكلف كام ولو عاوز اغير تيل الفرامل ورا وقدام وسير المجموعه كمان بكام.
والف شكر

تيل امامى اصلى من التوكيل ب 600 جنيه (وعلى فكرة التيل ده نوعو كويس احسم من الاصلى ابو 550 )
والتيل ب 450 اصلى برا
وسير المجموعه ب 380 فى التوكيل
وبره 250
والتيل الخلفى لو عربيتك موديل 2007 ب 375
ولو 2010 ب 500
والمصنعيات فى التوكيل كلو ب 450
وبرا فى الهندسية ب 200

طيب انا معايا مازدا rxواللي كانت معاه مفوت الموتور
وانا بجهز العربيه لسباق الدرفت بتاع ريد بل والاوتو كروس وغيرها من السباقات
بدور على موتور قوي دفع خلفي للمازدا سواء 6 سلندر او 8 او4 بس القدره الحصانيه تكون عاليه ويكون خلفي
الاقيه فين دورت في الحرفين مالقيتش الا كله كربريتر وطبعا هحتاج انجيكشن
افادكم الله

طيب ياريت ترتيب الزراير لفتحه السقف علشان افتحها فتحه كامله انا كنت بدوس دوسه على الزرار الشممال تفتح للاخر ودوسه تانيه مع الاستمرار لحد ما تقفل دلوقتى مش عاوزه تفتح مع العلم واصلها كهربا والنورار اللى ناحيه اليمين شغال بيرفعها من الخلف عادى جدا وبسويها بالصاج ياريت الترتيب بس وكمان هوا انا اظن ان فتحه السقف ممكن والله اعلم انى لو بطلت العربيه ودورتها تبقا تمام

ارجو الافاده فى الموضوع دا لانى بجد مش لاقى اسلوب معين للفتحه دى