-
تاريخ شركة jeep في مصر
اريد معرفة تاريخ موديلات شركة jeep في مصر
اي متى بدء بيع اول موديل شروكي و جراند شيروكي , وما هي الاشكال المختلفة لكل موديل(انا سمعت ان الشروكي في منها XJ-KK-KJ)
وكل موديل منهم فيه اكثر من سعة لترية مثلا 2500cc-3700cc
و الفتيس اوتوماتيك ام عادي
ارجوا منكم معلومات مفصلة قدر الإمكان... وشكرا
-
انا منتظر الردود
ايه يا جماعه ماحدش عارف حاجة عن الشركة ولا ايه
فين ردود اهل العلم:nerd:
-
ممكن افيدك بالى اعرفه
البداية كانت بانتاج الwagoneer للجيش بس ماعنديش تفاصيل عن الفترة ولا الموديلات ولا اذا كانت بتنتج ملاكى ولا اللى بنشوفهم ملاكى دلوقت كان اصلهم جيش واتباعوا بعد كده .
http://tbn0.google.com/images?q=tbn:...d-Wagoneer.jpg
الشيروكى بدأ انتاجها فى مصر سنة 1992 بالشكل التقليدى اللى عارفينه ودى اللى بتسمى XJ فيه منها 4 سلندر 2500cc و 6 سلندر 4000cc
http://www.bmccars.com/bmc/93%20Jeep...s/DSC05414.JPG
سنة 1998 تم تعديل الشكل الخارجى تعديلات بسيطة مع تغيير شكل التابلوه والفرش الداخلى، بس الميكانيكا فضلت زى ماهى تقريبا (بعض التعديلات البسيطة على مر السنين)
http://static.howstuffworks.com/gif/...7991990001.jpg
احب اضيف برضه ان الشكل التقليدى للشيروكى (XJ) تم انتاجه عالميا من 1983 حتى 2001
يعنى 18 سنة!
سنة 2002 تم التحويل للLiberty اللى هى اسمها كده فى امريكا فقط واسمها شيروكى فى بقيت انحاء العالم ودى اللى الكود بتاعها KJ فيه منها موتور 4 سلندر 2400cc من ميتسوبيشى بس كان ضعيف عليها وتم وقف انتاجها بيه بعد 2004، والموتور التانى اللى شغال لغاية دلوقت هو ال V6 3700cc
http://images.safeform.com/stock/300...%20LIMITED.JPG
http://www.lapollamotors.com/images/...berty-275x.jpg
سنة 2008 تم تغيير الشكل تانى اللى هو الشكل الحالى و يسمى KK والموتور هو نفس الموتور السابق ال 3700cc مع تغيير الجيربوكس بموديل احدث من السابق.
http://mecu.goauto.com.au/mellor/mel...pg?OpenElement
خلال التسعينات تم انتاج ال wrangler اللى كودها YJ بس مش عارف السنوات بالضبط، بس هى ماوصلتش للالفينات، وكانت بتنزل بنفس محركات الشيروكى ال 2500cc و 4000cc
http://static.howstuffworks.com/gif/...7051990312.jpg
الاخبار الجديدة انهم ناويين ينتجوا ال Wrangler الجديدة 4 باب على نهاية السنة دى بعد ماينتهوا من تسليم الدفعات الحالية منها للجيش ودى بتنتج حاليا بس على شكل عربية حربية ودى الكود بتاعها TJL لأنها نفس ال TJ اللى هى الWrangler الحالية بس بشاسيه طويل Long
http://www.newswheel.com/files/Jeep/...r_door_2_1.jpg http://images.trucktrend.com/roadtes...+side_view.jpg
انتاج الجيش نازله بموتور ديزل، بس ماعنديش معلومات الملاكى ال4باب هاتكون بموتور ايه
ارجو انى اكون افادتك
-
شكرا يا كابتن حازم علي المعلومات المركزه :)
-
-
الف شكر يا كابتن حازم على المعلومات الجميلة
صحيح اسئلوا اهل الذكر ان كنتم لا تعلمون
و ربنا يجازيك خير ويباركلك
لانك ما بتبخلش بمعلوماتك عن اي حد
================
يرجى من العضو الكريم
عدم استخدام آيات القرآن في غير محلها
حيث أن الآية الكريمة تتحدث عن أهل الذكر أي اهل ذكر الله عزو وجل
وليس علم السيارات
وشكرا
الادارة 3
-
يا كابتن حازم عندك معلومات عن الجراند شروكي
علشان يبقى تاريخ الشركة في مصر اكتمل
-
الموديلات اللى ذكرتها هى اللى تم انتاجها او لسة بتنتج فى مصر.
اما الجراند شيروكى والكوماندر فدول بيستوردوا بالكامل. وعلشان كده ماذكرتهمش
ولو بدأت اتكلم عنهم يبقى لازم اتكلم عن كل موديلات جيب عالميا وده ممكن تلاقيه عالنت بسهولة.
-
برجاء النسخ لقسم الدفع الرباعي
-
السيارة Wrangler الجديدة المصنعة فى مصر بمحرك ديزل مصنع لدى شركة ايطالية متخصصة فى انتاج المحركات فقط ( VM Motori S.p.A)
Content Relevant URLs by
vBSEO 3.6.0 PL2