أنا عملت استهلاك بنزين في السفر على سرعة 120 ثابتة بمثبت السرعة 300 كيلومتر / لكل 20 لتر .. سرعة الرياح كانت قوية شوية ومع اتجاه السيارة
عملت مرة تانية على سرعة 120 ثابت برضه بمثبت السرعة مرة مع اتجاه الرياح ومرة ضدها في نفس اليوم ... يعني سرعة الرياح لم تتغير وكان الاستهلاك 279 كيلومتر / لكل 20 لتر بنزين
الاستهلاك جوة البلد بيكون تقريبا في حدود 220 كيلومتر / 20 لتر
أعتقد الاستهلاك كدة كويس ما شاء الله
بس أهم حاجة إسلوب القيادة وده مش في البروتون فقط لأ ده في أي عربية ... لما في مرة من المرات فضلت أسوق بإسلوب عنيف ورجلي كانت تقيلة على البنزين وعلى سرعات عالية عملت معايا 170 - 180 كيلومتر / 20 لتر فقط
الفرامل .. ما شاء الله أنا بعتبرها قوية وممتازة .. وكانت سببا بفضل الله تعالى في إنقاذي من عدة مواقف في غاية الخطورة
مرتين منهم على الدائري والمرتين واحد رمى عليا خرجني برة الأسفلت والحمد لله العربية وقفت على الرمال دون انحراف وفي زمن قياسي
والمرة الأخرى كان عجل على الطريق وعجل على الرمال بسبب واحد رمى نفسه قدامي وراح ضارب فرامل وكنت جاي من وراه على سرعة 90 وبرضه ما شاء لحقت أقف قبليه بمسافة كويسة
العزل ... كنت ماشي لغاية 120 وفي بعض الأحيان 140 على طريق الكريمات والعربية كانت كويسة صوتها مش مدايقني خالص
على طريق العلمين في مرة كان فاضي تماما مما أغراني إني أجيب بيها 190 لفترة من الوقت وبرضه صوت الموتور لم يضايقني نهائيا
ساعات ممكن تسمع صوت الهواء وهو يخترق من قبل المرآة الجانبية لما السرعة تزيد عن 120 ... لكن أعتقد مش كل خدت بالي منه
....
السبب اللى مش عاجبك في النيسان هو احد الأسباب اللى خلتني أبعد عنها ... ولكن هدوء صوت موتور النيسان كان رائع وغير مسموع إطلاقا ودي كانت الميزة الوحيدة اللى فيها بالنسبة لي ... لكن صوت البيرسونا ليس سيئا وغير مزعج على الإطلاق