بدون دعاية .. ايه محلات قطع الغيار الاصلية و الاستيراد و الميكانيكية الكويسين؟

**truss** · 20-02-2013 02:24 AM

ميكانيكى : مفيش حد معين بتعامل معاه
بالنسبة لـ "محمد عبده" انا اتعاملت معاه من اسبوعين فى قصة فك وش سلندر و تغيير كاوتش صباب و تغيير ماسورة مياه فى المانيفولد (كانت ضربت و سخنت العربية و بهدلت الدنيا عندى) و تنضيف دورة تبريد (هو اللى عملها من نفسه كتر خيره) و تغيير طقم سرفيس.
تقييمى له : ممتاز, من الناس القليلين جداً فى نضافة الشغل و التقفيل و بياخد باله من كل حاجة فيها مشكلة.
المصنعية: متوسطة مش رخيصة و مش غالية لكن على الشغل اللى عمله يستاهلها.
لكن بناءاً على اراء كتير من الاعضاء ان مصنعيته غالية فانا مش هتعامل معاه غير فى الشغل التقيل بس خصوصاً و هو بعيد عنى (انا فى الاميرية و هو فى فيصل)
لكن انا مبدئى فى تصليح العربية ( و بنصح كل الناس بكدة) انى مش بروح للميكانيكى عشان يشخص انا بكون مشخص المشكلة و عارف هو هيعمل ايه و بتفق معاه و بجيب قطع الغيار بنفسى منعاً لأى اشتغالة.

كهربائى: مفيش
مرة حصلت معايا مشكلة فيوز بيضرب و كانت حتة فى الضفيرة عايزة مرمة و وديتها توكيل ابو غالى فى طومان باى (اكيد غاليين عن اى كهربائى)

عفشجى : "احمد عشماوى" ش الخليج - الاميرية
راجل فاهم و مش من النوع اللى بيغير قطع عمال على بطال و مش بيغيرلى حاجة غير اما يمسكهالى فى ايدى و يثبتلى انها بايظة, و مصنعيته حنينة

محل قطع غيار:
1- ابو الحسن فى ش احمد الزيات امام باب كلية التجارة جامعة القاهرة- بين السرايات , قطع غيار جى ام و الانواع التانية ( مش مضروبة)
2- عزيز سليمان فى التوفيقية : بيتعاملوا فى قطع غيار جى ام الاصلية فقط مش اى حاجة تانية , و ساعات بيعملوا عروض و تخفيضات.

**msobhy** · 20-02-2013 09:25 AM

المشاركة الأصلية كتبت بواسطة blazer

انا بحذر الناس من التعامل مع محمد عبده الميكانيكى الى موجود فى شارع العشرين بفيصل " وربنا هو الى شاهد على كلامى دا "

وكل واحد عاوز يروح ليه يبقى على مسؤليته الشخصيه

وهشرح الاسباب فى موضوع شخصى منفصل

والله انا رفضت انى أقول أسمه أحتراما لناس كتير فى المنتدى
فيه ناس كتيييييير هنا فى المنتدى أحسن منى بكتير وخبراتها أعلى منى بكتييييييييييير جدا جدا جدا

لكن مع احترامى للجميع محمد عبده ميكانيكى كويس وبس - ولا عبقرى ولا شغله مميز ولا اى حاجه من الكلام ده - ويزيد عليه ان مصنعيته أقل ما يقال عنها قلة أدب مش غاليه - بالاضافه وديه غلطه انا وقعت فيها فى الاول والشهاده لله مكنتش تبع محمد نفسه - كانت تبع التييييييييييت اللى شغالين عنده - انه بيحاول انه يجيب لك قطع الغيار بنفسه - وبالطبع اللى اكتشفته ان كل قطع الغيار اللى بيجبها تحت بند انها أصليه وهو مجربها وان بتوع قطع الغيار بيعملوا له تخفيض - كله كلام فى الزباله
بيجيبوا أردأ وأسوأ حاجه وطبعا يحاسبوك على انها قطع أصليه وأوقات بضعف ثمنها - وده أحد الاسباب الرئيسيه اللى خلانى بقيت بشترى قطع غيار مهوله وانا رايح عند محمد عبده - لأنى فى أخر سنه بقيت برفض تماما انى اشترى قطع غيار من اى حد تبعه أو انى أخلى اى حد عنده يشترى أى حاجه
الشهاده لله - محمد نفسه شخصيه محترمه - مالوش فى الكاروته - اللى يؤخذ عليه مصنعيته اللى مبالغ فيها جدا - بالاضافه انه مش مميز بالدرجه اللى الكل بيحكوا عنها
وعليه انا توصلت لمعادله بسيطه
عبده مش مميز + مصناعيته غاليه جدا + الناس اللى عنده مش محترمه + الوصول لورشته صعب جدا + مفيش محل قطع غيار أثق فيه قريب منه = قلته أحسن

**mahmoud_anwar** · 20-02-2013 03:17 PM

انا بتعامل مع ميكانيكي في الوراق وبصراحة الراجل كفائة ومصنعيتة حنينة جدآآآآ
والميزة هو الي بيشتغل بي ايدة

**CaptaiN-AhmeD** · 21-02-2013 05:22 PM

محمد عبده اتعاملت معاه شغال مش وحش شغله بس سرقه عيني عينك وقلة ادب مصنيعه ف الحاجه ام 10 جنيه يقولك مصنعيتي 100 ويكسفك ب الكلام وتدفع زي الباشا وانت متثبت لكن عدم المؤاخذه احنا منثبتش
وحتى لو مش حرامي الي تحت منه كما ذكر الاخ سلفاً حراميه وكل الي حولين منه قطع غيار ف البطيخ ومش اصليه ولا حاجه وانا اصلا مش بقتنع ان فيه حاجه اسمها قطع غيار اصليه في البلد خصوصا ف موديلات الدايو
والشيفروليه والعربيات دي

افضل كهربائي اتعاملت معاه في اكتر من عربيه وبشهادة اكتر من زميل اتعاملو معاه وبيشتغل بتاع تكييف بس غالي سيكاااا لكن شغل على نضافه وانجاز في شارع الورش بعد المهاجرين بعد ماتدخل الشارع الي فيه التوحيد والنور تفضل ماشي شويتين هتلاقي كذا محل قطع غيار وكذا صنايعي اسم المحل بتاعه الدكتور وهو فعلاً دكتور ولا يعلى عليه اسمه حماده لكن شرحه شرح اي صنايعي قبل ماتبدء تتعامل معاه خليك طبعاً قاعد ولو قالك هنغير حاجه قوله عيني هروح اجيبهالك والف محل قطع غيار حوليك ف الشارع دا
ولو ملكش خلق على وقفة الصنايعيه اديله رقمك وخد رقمه وقوله متشتريش حاجه ولو احتجت اي قطعه تتغير كلمني وانا هجيبهالك منعاً لأي تحوير ودي نصيحه مني رقمه 01007955281

ميكانيكي كويس جداً في المطرية اسمه عم شريف وعنده صنايعي برنس بمعنى الكلمه اسمه محمد بستم استااذ والله .:العنوان : روح عند مركز شباب عين شمس كده اسأل على محل مشهور اسمه البان الطاهره الف مين يدلك عليه هتلاقي لازق فيه بالظبط عم شريف الميكانيكي راجل محترم وفاهم والصنايعي بتاعه استاذ اكتر منه كمان ومصنعيته حنينه اوي وبيخليك تجيب اي قطعه بنفسك وامانه متناهيه الصراحه

عفشجي نضيف احمد عشماوي في الاميريه زي ماالاخ صاحب الموضوع ذكر وع فكره اغلب العفشجيه والميكانيكيه الي ف الاميريه بشاوات وفاهمين بيعملو ايه

وفيه حسين ضبو في المسلة في العزبة بجوار كشري هند ودا رقمه 01208775573

وفيه عفشجي نضيف جداً ومصنعيته حنينه اتعاملت معاه اسمه اسعد في جسر السويس- عزبة شنوده 01115456719

بتاع تكييف بردو ممتاز المراكبي الي قدام نادي الشمس

سمكري : ملقتش سمكري كيفني شغله لحد دلوقتي

بتاع دوكو : كله ف البطيخ ملقتش حد عدل بردو

قطع غيار نضيفه واصليه فيه محلات زنبوعه في اول دخلة شارع عرب الطوايله في المسلة- المطريه

ناس معاملتهم كويسه وحاجاتهم فيها الاصلي ولو مش اصلي مش هيغشك وبيدوا خصومات كويسه وهما في نفس الشارع دا هتلاقي جنبهم بتوع ريادتير كتير وكذا صنايعي وهما اكتر من 5 محلات كلهم بأسم نفس العائلة زنبوعه

متابع باهتمام

**mahmoudysf** · 21-02-2013 09:28 PM

المشاركة الأصلية كتبت بواسطة m_medo

مكة لقطع الغيار.... امام جراج امبابة
ابو الحسن لقطع الغيار .... بين السريات

+1
وحاليا بجيب كلي حاجتي من مكة

**ahmedarab** · 25-02-2016 01:09 PM

المشاركة الأصلية كتبت بواسطة truss

عفشجى : "احمد عشماوى" ش الخليج - الاميرية
راجل فاهم و مش من النوع اللى بيغير قطع عمال على بطال و مش بيغيرلى حاجة غير اما يمسكهالى فى ايدى و يثبتلى انها بايظة, و مصنعيته حنينة

المشاركة الأصلية كتبت بواسطة captain-ahmed

عفشجي نضيف احمد عشماوي في الاميريه زي ماالاخ صاحب الموضوع ذكر وع فكره اغلب العفشجيه والميكانيكيه الي ف الاميريه بشاوات وفاهمين بيعملو ايه

لو سمحتوا ممكن شرح تفصيلي لمكان احمد عشماوي .. فين بالضبط في الاميرية ؟

-

الموضوع: بدون دعاية .. ايه محلات قطع الغيار الاصلية و الاستيراد و الميكانيكية الكويسين؟

LinkBack

أدوات الموضوع

عرض

-

-

-

المواضيع المتشابهه

اسماء و عناوين محلات قطع الغيار الاستيراد للانوس

محلات الاستيراد هيونداى فين بحلوان؟

محلات الاستيراد فى بور سعيد

اين اماكن محلات قطع الغيار الاصلية ؟؟

اين اماكن محلات قطع الغيار الاصلية ؟؟

الكلمات الدلالية لهذا الموضوع

المفضلات

المفضلات

ضوابط المشاركة