الموضوع: استشاره عن زيت الفتيس الاتوماتك فى اللانوس !!!

زيت الفتيس فى شل صناعه و تعبئه امريكى ب 28 جنيه الى هو الزيت الاحمر
و فى موبيل تقريبا اللتر ب 45 و انا عن نفسى بفضل صناعه شل عن الموبيل فى الزيوت و فى نوع فى فالفولين بحاجة و سبعين بس طبعا تمنه غالى مش للعربيات دى من الاخر

و يتغير كل 40 الف تقريبا

المشاركة الأصلية كتبت بواسطة AlGazar2

زيت الفتيس فى شل صناعه و تعبئه امريكى ب 28 جنيه الى هو الزيت الاحمر
و فى موبيل تقريبا اللتر ب 45 و انا عن نفسى بفضل صناعه شل عن الموبيل فى الزيوت و فى نوع فى فالفولين بحاجة و سبعين بس طبعا تمنه غالى مش للعربيات دى من الاخر

و يتغير كل 40 الف تقريبا

اشكرك يا صحبى

اللانوس فى الكتالوج بتاعها مكتوب ان زيت الفتيس ما بيتغيرش بيتزود بس من نفس النوع .. نصيحه بلاش تغيره الا لو حصل مشكلة فى الفتيس .. فتيس اللانوس اكبر مشكلة ممكن تواجهه ان يحصل مشكلة فى التبريد بتاعه ( ردياتير الاتوماتيك فيه خزنة مخصوصة لتبريد زيت الفتيس الاتوماتيك ) لان ده بيسبب سخونة زيت الاتوماتيك اكتر من اللازم وممكن يسبب تلف الحساسات وتلف الزيت نفسه .. نصيحة من واحد معاه نفس عربيتك اوعى تغير الزيت واوعى تسوق العربية باردة خصوصا فى الشتا واوعى تستهون بمشكلة فى دورة التبريد .. وان شاء الله الفتيس يقعد معاك من غير مشاكل .. انا اعرف واحد معاه لانوس اتوماتيك عامله 180 الف كيلو والعربيه معاه من الزيرو وعمره ما غير الزيت والعربية زى الفل معاه

ازاى يا باشا ميغيرش الزيت الزيت ده من قبل زيوت اللايف تايم و دى مش موجوده فى الفتيسات الفالفات زى بتاعه اللانوس و موجوده فى الفتيس ال cvt لانه مفيش حمل على الزيت ولا تاثير ليه الا فى التبريد و ال dsg كذلك زيهم زى المانيوال الزيت بيبقى للتبريد و تقليل الاحتكاك مش الاوتو مبنى على محمول عزم بيشتغل بالزيت اساسا

ده مش كلامى .. ده كلام الشركة المصنعه ومكتوب فى الكتالوج وده نفس الكلام اللى اتقال لى فى التوكيل .. حتلاقى نسخة من الكتالوج بالعربى هنا فى المنتدى ممكن تنزله واتاكد بنفسك .. بس الكلام ده سارى بس لو كان الزيت اللى فى الفتيس هو زيت الفابريكا .. وعلى كل حال دى تجربتى الشخصية مع الموضوع ده