★★★ سؤال للمشايخ والعلماء : العربية الكامري هنا من حق ميين !!!

قصة حقيقية !!!


http://t1.gstatic.com/images?q=tbn:A...KlOfpseVRGtD7g

مدرس مصري يسفروه وينزلوه مصر علشان كسب عربية كامري : -

في احد المدارس الخاصة ( للاغنياء فقط والامراء ) في احدى الدول الخليجية ....
كان في سباق جري خيري وسنوي .... وطبعاً الراعي الرسمي للسباق شركات تقيلة زي بيبسي وغيروا وغيروا ... المهم كان من ضمن فاعليات السباق. سحب على عربية كامري ... طبعاً في دول الخليج عادي لمن يكون في سحب على عربية وتكون العربية هيا. الجايزة ( يعني هدية كده بلوشي)

المهم عملو السحب طلع اسم فلان ابن فلان ابن فلان ... وفضلوا ينادوا عليه في الميكروفون ومكنش حاضر الافندي السحب على العربية ... المهم واحد من اللجنة. قال خلاص مدام مش موجود نسحب ورقة بالاسم الي بعدو .

وفعلاً سحبوا ورقة باسم تاني
طلع اسم مدرس مصري هو الي فاز بالعربية ... والناس فرحت وهيصت والراجل سجد سجدتين شكر لله ...وطار من الفرح والسعادة الراجل انو كسب عربية تمنها يجي ٨٠ او ٧٠ الف ريال فما فوق. .. دي تمنها في مصر عندنا نص مليون جنيه فمافوق ... واستلم العربية الراجل وروح بيتهم

@@@@@@@@@@@@

المهم جي مدير المدرسة تاني يوم لمن عيرف الي حصل قال لأ ازاي الحق حق المفروض تدي العربية الكامري لاول اسم تم السحب عليه الي هو الطالب الخليجي الي مكنش حاضر وقت السحب ... ههههههههه

طبعاً ياعيني المدرس المصري كان هيتشل يا ولداه ... يعني بعد مافرحنا وزغرطنا جي تقولي ارجع العربية ... طب ازاي ... المهم من هنا لهنا قال لمدير المدرسة انا اسف مش هرجع العربية ... ولو عاوز تحاسب حاسب عضو اللجنة الي قال انو نسحب اسم تاني مدام اسم الفائز الاول مكنش موجود يبقى نسحب اسم تاني .

وانا ماليش دعوة ... المهم من هنا لهنا رفض المدرس المصري يرجع العربية ( هههه قال يرجعها قال )
وقام المدير قالو ( مش هترجعها ) طييييييب ( يصير خير ) عدي على الحسابات سلم عهدتك وخد بقيت مستحقات وخود اول طيارة وعلى بلدكم عدل ..!!!

السؤال هنا .... علشان الحرمانية العربية من حق مين من حق الطالب الي هو اول اسم طلع في السحب ومكنش موجود .... طبعاً الطالب اعترض واكيد قال انا كنت في الحمام. او كنت بصلي هههه ماهي حبكت دلوقتي . وطبعاً دي عربية كامري يعني احنا مش بنتكلم عن توكتوك ولا اسكوتر ههههههه .

ولا العربية من حق المدرس المصري ... الي كان موجود واستلمها .!!!
فالعربية من حق ميييييييين فيهم ؟ المدرس المصري الشقيان التعبان ولا الطالب الي في اولى ثنوي !

@@@@@@@@@@

وتحياتي

ايه يا جماعه فين الردود والمشاركات !

http://t1.gstatic.com/images?q=tbn:A...fLfWoRQtgiMyKA

تصور تكون كسبان عربية لسه بكياسها وبعد ما تكسبها مديرك في الشغل يقولك رجعها
ههههههههههههههه
هو الواحد بيكسب كل يوم عربية

سؤال محير بجد .......

هو فعلا الراجل شقيان و تعبان ااااااه لكن العربية من حق الطالب ..

عشان السحب مفيهوش طالب ولا مدرس إن شاء الله رئيس ..

هو سحب و خلاص لاي شخص مهما كان و الطالب فعلا اتنادى اسمه الاول ..

و لما عرف إن الطالب موجود المفروض ذوقيا يديله العربية ديه مفيهاش غني ولا فقيييييير ده سحب !!!!!!!!!!!!!!!!

إلا بقى لو كان الطالب اتنازل بيها للرجل هو حر ,

بس يا سيدي و قامت معيطة ..........

هههههههههههه
عجبتني عبارة بس ياسيدي وقامت معيطة..... ( مسرحية مدرسة المشاغبون )
بس يا دكتور الطالب وقت السحب على العربية بالفعل مكنش موجود. يعني معقول حد يسمع. اسمو بالميكروفنات العالية والحديثة ويطنش او ميخودش بالو ... الطالب مكنش موجود. ، وواحد من اللجنة قال خلاص مدام مش حاضر يبقى نسحب اسم تاني فالمدرس المسكين زنبوا ايه بعد ما كسب العربية وخدها البيت ومراتوا زغرطت واتصل على مصر فرحهم انو كسب عربية هههههههه وفي النهاية يقولولوا رجعها للواد ابو ١٦ سنة

مديرة دا لامؤخذه

اقتباس:

---

المشاركة الأصلية كتبت بواسطة Y a r i s

هههههههههههه
عجبتني عبارة بس ياسيدي وقامت معيطة..... ( مسرحية مدرسة المشاغبون )
بس يا دكتور الطالب وقت السحب على العربية بالفعل مكنش موجود. يعني معقول حد يسمع. اسمو بالميكروفنات العالية والحديثة ويطنش او ميخودش بالو ... الطالب مكنش موجود. ، وواحد من اللجنة قال خلاص مدام مش حاضر يبقى نسحب اسم تاني فالمدرس المسكين زنبوا ايه بعد ما كسب العربية وخدها البيت ومراتوا زغرطت واتصل على مصر فرحهم انو كسب عربية هههههههه وفي النهاية يقولولوا رجعها للواد ابو ١٦ سنة

---

هههههههههههههه هو احنا كده المصريين مانسبش الحاجة غييييييير بالدم :120146b

مايسبها هى كانت بي ام مثلا :grin54:

ههههههههههههههههه بيفكرنى بالمثل بتاع
قلت للنحس انا رايح اتفسح قالى وراك وراك هو انا مكسح

اقتباس:

---

المشاركة الأصلية كتبت بواسطة zangry

مايسبها هى كانت بي ام مثلا :grin54:

---

حبيبي يا زنجاري
هياً فعلاً لمن بتقارن بيقارنوها بالابي ام. دبليو الفئة الخامسة
وتقارن بالمارسيدس العيون الفئة أي
وتقارن بالهوندا اكورد

والله يا جماعه انا شايف ان العربيه من حق المدرس المصري....

اصل اللي اداهاله هي اللجنه مش هو اللي اخدها واكيد هما ادري بالاعراف ف الحالات دي

زي 10 جنيه مرميه ع الارض مثلا واحد مر عليها ما اخدهاش والتاني اخدها يبقي الله يباركله

الكامرى اصلا حرام

اقتباس:

---

المشاركة الأصلية كتبت بواسطة Y a r i s

حبيبي يا زنجاري
هياً فعلاً لمن بتقارن بيقارنوها بالابي ام. دبليو الفئة الخامسة
وتقارن بالمارسيدس العيون الفئة أي
وتقارن بالهوندا اكورد

---

حبيبي يا ياريس .. وماله ياخويا مش عيب :d هههههه

اقتباس:

---

المشاركة الأصلية كتبت بواسطة dr'ahmzzong

هههههههههههههه هو احنا كده المصريين مانسبش الحاجة غييييييير بالدم :120146b

---

انتا هتقولي هههههههههههه دي كامري يابه ههههه

اقتباس:

---

المشاركة الأصلية كتبت بواسطة rider 2050

ههههههههههههههههه بيفكرنى بالمثل بتاع
قلت للنحس انا رايح اتفسح قالى وراك وراك هو انا مكسح

---

هههههههههههههه

لا وبيقولك كمان المتعوس متعوس .... حتى لو علقوا على بابوا فنوس
هههههههههههه

رغم اني شاكك في حاجة :
شاكك انو لمن فاز بالعربية ... وطبعاً اكيد اتصل على مصر وعلى اهلو واصحابوا في مصر يفرحهم ويبشرهم انوا كسيب عربية ... اكيد حد من قرايبوا نشووو عين جابتو وهو في السعودية ... من السعودية لمصر ههههههههههههه ، واكيد طبعاً القر اشتغل ( يعني مش كفاية ربنا كرموا وبيشتغل برة في الخليج كمان يكسب عربية ) حظو بوومب هههه كلمتين زي كده كفيلة انها تجيبوا على ملى وشو. هههه. وتحياتي

ممكن السحب على بعضه يكون باطل :)
يعني لو السحب كان في شرط شراء أي سلعة يبقى باطل
ده أولا :
ثانيا : السحب الوارد في القصة يوحي بأن الشرط الوحيد للاشتراك هو وضع المشارك اسمه في الصندوق ...
لكن لا يشترط حضوره الجسدي وقت اعلان النتائج ...لأن لو الراجل ده حصله أي ظرف أو ماعرفش موعد النتائج أو اكن شايف انه عمره ماهيكسب لأنه منحوس فمشي وروح ...هل كل هذا يمنعه الجائزة !!!
لازم نجيب على السؤال : هل حضور النتيجة شرط للربح أم لا ...
ثالثا : لو افترضنا أن حضور النتيجة شرط ...هل قامت اللجنة باعلام المشتركين بطريقة سليمة ولا قالتلهم هنعلن الساعة 10 وراحوا أعلنوا الساعة 9 مثلا !!!
يعني في تفاصيل كتير في الحاجات دي

اقتباس:

---

المشاركة الأصلية كتبت بواسطة ahmadhamza84

ممكن السحب على بعضه يكون باطل :)
يعني لو السحب كان في شرط شراء أي سلعة يبقى باطل
ده أولا :
ثانيا : السحب الوارد في القصة يوحي بأن الشرط الوحيد للاشتراك هو وضع المشارك اسمه في الصندوق ...
لكن لا يشترط حضوره الجسدي وقت اعلان النتائج ...لأن لو الراجل ده حصله أي ظرف أو ماعرفش موعد النتائج أو اكن شايف انه عمره ماهيكسب لأنه منحوس فمشي وروح ...هل كل هذا يمنعه الجائزة !!!
لازم نجيب على السؤال : هل حضور النتيجة شرط للربح أم لا ...
ثالثا : لو افترضنا أن حضور النتيجة شرط ...هل قامت اللجنة باعلام المشتركين بطريقة سليمة ولا قالتلهم هنعلن الساعة 10 وراحوا أعلنوا الساعة 9 مثلا !!!
يعني في تفاصيل كتير في الحاجات دي

---

الله ينور عليك
وهنا بقه لوووووب المشكلة. ان السحب على عربية مكنش في قواعد او شروط معلنة دي كانت بالبركة. اي حد يدفع. تمن التذكرة حضور السباق يكتب اسمو على ورقه ويحطها في بتاعة كورة قزاز كدة وفي اخر السباق وتسليم الجوائز هيكون في سحب على عربية وطبعاً عوائد السباق دي هتروح لمؤسسة خيرية للمعاقين ... المشكلة ان اللجنة كمان كانت مشكله من بعض الرعاة الرسميين للمسابقة ووكيل المدرسة الي كان حاضر وبعض المدرسين الي هما في الاخر زمايل المدرس ، يعني كده لمن كسب المدرس السيارة اكيد الطلبة وئولياء ؤمورهم هيقولوا دي كوسة ... وفضلو المدرس زميلهم عن الطالب المسكين الي ابوه يعتبر من صفوت القوم ومالتي مليونير. من غير ذكر اسماء بس علشان انا مش قدهم :)

اقتباس:

---

المشاركة الأصلية كتبت بواسطة y a r i s

حبيبي يا زنجاري
هياً فعلاً لمن بتقارن بيقارنوها بالابي ام. دبليو الفئة الخامسة
وتقارن بالمارسيدس العيون الفئة أي
وتقارن بالهوندا اكورد

---

فئة خامسة ايه ياراجل يا طيب حرام عليك !!!

تقارن بالفئة الثالثة وتزيد عنها في الامكانيات
كان ممكن حلو الموضوع ودي من غير كل المشاكل دي الله اعلم بظروف الطالب وقتها في عدم الحضور وفي نفس الوقت انهم قرروا السحب مرة اخرى يعني المدرس ملوش ذنب يعيشوه الحلم وفجأه يبقى سراب
والحل الودي انهم يعملوا قرعة ثالثة بين المدرس والطالب واللي ربنا كاتبله هياخدها ومحدش يزعل بس اللي يعمل القرعة طبعا حد امين انتوا عارفين التزوير وكدا :)

طبعا من حق المصري
ولو الطالب زعلان يفك العلامة وياخدها
ودي ولحدها ب 30 الف ريال كفاية انها تويوتا ..

اقتباس:

---

المشاركة الأصلية كتبت بواسطة ahmod

فئة خامسة ايه ياراجل يا طيب حرام عليك !!!

---

ايه يا احمد يا حبيبي ... انتا معايا ولا معاهم :) ،،، لا لا لا انتا المفروض تروح تكشف. لان ولائك التيوتاوي قل وبقى عندك انيمية حب لتويوتا. شكلك مبتتغزاش كويس .

هههه حبيبي يا دكتور احمد ... بص ياباشا وقف دي جمب دي وشوف ايه الفرق هتلاقي العملية بينهم اوبشن زيادة في الالماني. اما غير كده قارن اداء المحركين قارن الهورس بوور قارن ابعاد التالت عربيات هتلاقي اننا بنتكلم على فرق ملي من هنا ولا من هنا .... انا مبتكلمش على الكامري اول فئة تكاسي وليموزين لان تويوتا بتحب تريح كل الناس ولغايت دلوقتي كمان بتنزل وحدة رفع شبابيك اوكر انا بتكلم على الفئات العاليه من كامري الي هيا الجراندي او الكامري الليكزيس وتحياتي

مازلنا محتارين في ان الكامري او الجائزة من حق مين
وفي انتظار رأي شيخنا وحبيبنا الشيخ خالد :tumb:

انا من رأيي الشخصي ليس له علاقة بالفتوى يقسموا العربية بينهم هما الاثنين وبكده يتراضوا والموضوع يخلص

اقتباس:

---

المشاركة الأصلية كتبت بواسطة y a r i s

مازلنا محتارين في ان الكامري او الجائزة من حق مين
وفي انتظار رأي شيخنا وحبيبنا الشيخ خالد :tumb:

---

السلام عليكم ورحمة الله وبركاته

حبيبي في الله وأخي الكريم شيخ الياباني وعمدة تويوتا المبجل الأستاذ / ياريس

والله ما أعتقد صوابه ما قاله أحد الزملاء الكرام

فلكي تكون الإجابة سليمة يجب أن نعرف : -

هل قامت اللجنة باعلام المشتركين بوجوب حضور السحب وإلا سقطت الجائزة ؟

إن توافر هذه الشرط - وإن كنت اشك في توفره - فالسيارة للمدرس

وإن لم يتوفر فالسيارة من حق الطالب والله أعلم

وصل اللهم وسلم على الحبيب محمد

اقتباس:

---

المشاركة الأصلية كتبت بواسطة shikh_khaled

السلام عليكم ورحمة الله وبركاته

حبيبي في الله وأخي الكريم شيخ الياباني وعمدة تويوتا المبجل الأستاذ / ياريس

والله ما أعتقد صوابه ما قاله أحد الزملاء الكرام

فلكي تكون الإجابة سليمة يجب أن نعرف : -

هل قامت اللجنة باعلام المشتركين بوجوب حضور السحب وإلا سقطت الجائزة ؟

إن توافر هذه الشرط - وإن كنت اشك في توفره - فالسيارة للمدرس

وإن لم يتوفر فالسيارة من حق الطالب والله أعلم

وصل اللهم وسلم على الحبيب محمد

---

بارك الله فيك يا شيخنا
وهو ده بالفعل كلام مدير المدرسة ... انهم مكنوش مشترطين في المسابقه والسحب على العربية ان يكون المشتركين حاضرين ... لان اي واحد هيقولوا اسمو فهو. يا هيكون طالب يا ولي امر طالب يا مدرس من المدرسين ومعروفين بيناتهم ... بس المدرس رفض انوا يردها ... وفضل النزول مصر ولا انو يرجع العربية وكانوا بيقول ( على جثتي واللهِ منا مرجعها ... اشنقوني ااقتلوني بس مش هرجعها هههه ) نفسي اعرف هو عمل بيها ايه ولا جمركها ازاي دي ولا جبلها تمن الشحن والجمرك منين بس !!

جزاك الله كل خير ياشيخنا العزيزي .... وديماً كده منورنا في قسم تويوتا ... وتحياتي :)

اعتقد والله اعلم الجائزة بتكون من نصيب صاحب المركز الاول وليس التانى سواء موجود او غير موجود لانها مرهونا بالمركز .المشكلة فى الاساس الشخص الى قال تسلم للمركز التانى .هل هو فى الاساس يملك الحق باعطاء الجائزة للشخص التانى.اما بالنسبة للمدرس فتصرفه ينقصه الحكمة لانى اعتقد انه خلال فترة وجيزة كان يستطيع ان يركب مثلها بمجهوده.وكان يجب على الناظر ان يلتمس له العذر فمن المفروض انه صاحب خبرة فى التعامل مع المرؤسين انما هو استهتر بالمدرس ولم يراعى شعوره ولم يحاسب من اعطي الراي بذهاب الجايزة للمتسابق التانى.وانشاء الله ربنا يعوض المدرس.