الموضوع: نصيحة لكل من يرغب في اقتناء سيارة ستروين

نصيحة بلاش تجيب عربية ستروين لانك بترمي فلوسك في الارض عربية مشاكلها كتيييييير اوي ومعقدة ومش اي حد بيشتغل فيها لازم توكيلها وقطع غيارها مبالغ فيها جدا جدا جدا وسعر اعادة البيع سيئة جدا للغاية اللي عايز يركب عربية حلوة وامكانيات وسعر اعادة البيع يكون حلو و ميخسرش كتير يركب ياباني او كوري وبلاش الفرنسي خالص عشان ميكرهش العربيات وبصراحة كده مبحبش اكون ماشي فالشارع والاقي حد راكب عربية زي عربيتي

انا مش فاهم بصراحة الموضوع هدفه ان حضرتك تقول ان الكلام بتاع قطع الغيار دا اى كلام و ناس بتقوله و خلاص عشان كده قولت فى الاخر انك مش عايز حد يجيبها بس انا هرد عامة

المشاركة الأصلية كتبت بواسطة محمد بدر

بس فعلا" المقطع الأول من الحديث مضبوط جدا ومقنع جدا واعتقد ناس كثير متفقة عليه
أعتقد مفيش فيه جديد

لا الكلام مش مضبوط خالص .. و ديه ثقافة سوق غلط .. بالنسبة انك بترمى فلوسك فى الارض فانت بتركب عربية best value for money مليش دعوة باعادة البيع دلوقتى بس انا اصلا بشترى منتج محترم بسعر معقول جدا عليه .. بما ان حضرتك معاك sportage لو وقتك يسمح تنزل تشوف ds5 اللى تقريبا بسعر الـ sportage highline و انا راضى حكمك بالفرق الرهيب بين العربيتين فى كل حاجة .. يبقى اول نقطة انك بترمى فلوسك فى الارض ديه غلط لأنك بتركب عربية ذات جودة عالية و تكنولوجيا عالية و اداء مميز على الطريق ..

اى عربية جديدة لازم التوكيل اللى يشتغل فيها ودا الصح بس عامة ستروين فيه ناس كتير جدا بيشتغلوا فيها فى صقر قريش المعادى و فى الحرفيين و قطع غيارها فى التوفيقية .. مش معنى ان بلية اللى تحت البيت مبيعرفش يتعامل معاها تبقى عربية وحشة و مش اعتمادية

قطع غيارها عادية جدا على الفئة بتاعتها و اراهن حضرتك ان قطع غيار السى فور ارخص من الهوندا السيفيك و هى نفس الفئة بتاعتها

اعادة البيع ديه ثقافة سوق و جهل بالعربيات ليس اكتر و اكبر دليل الـ Bmw بتخسر اكتر من نص ثمنها فى اول كام سنة ليها .. مش معنى كده ان العربية وحشة بالعكس فى مصر دايما العربيات النضيفة هى اللى ملهاش سوق

المشاركة الأصلية كتبت بواسطة محمد بدر

استاذ / مهاب
خالص التحية لشخصك الكريم
وشكرا لأسلوبك المحترم
وردا على سؤالك أنا لاأختلف معك على الإطلاق وكلامك كله مضبوط وله منى كل احترام وتقدير وشاهدت الستروين فى معرض الأهرام الشهر الماضى وابهرتنى لدرحة انى جلست بداخلها لفترة كبيرة علشان صعب تنزل منها بسهولة بس بصراحة لاأتذكر الموديل بعينه بس غالبا هو فعلا ds5 . كانت حاجة كده مبهرة خارجيا وداخليا بسم الله ما شاء ممكن تكون طيارة وهذا للأمانة
بس فعلا بنخاف منها ليها رهبة وانا معرفش لو ركبتها أروح بيها فين ولمين . فعلا أخشى المغامرة
ولاكن انا كان لازم أرد على صاحب الموضوع بهذا الشكل وحبيت أأكد على كلامه إللى هو كتبه مكنش ينفع اكتب حاجة غير كده وأكيد حضرتك وصلك ما أقصده

استاذ محمد منور قسم ستروين كله يا باشا و متزعلش منى لو اسلوبى كان شديد شوية بس انا و الله بتضايق من حال السوق المصرى ولا اقصد انى اضايق حضرتك بأى شكل

و صدقنى العربيات مش معقدة زى ما التجار و الميكانيكية بيصوروا كده يعنى هى فيها تكنولوجيا اعلى شوية بس مش عربيات فضائية و بعدين ديه ميزة برضه يا باشا تبقى ماشى كده و كله فاكرك راكب مكوك فضائى ههههه بهرج طبعا .. ربنا يكرمك يا باشا بواحدة ds5 كده highline و وقتها ان شاء الله مش هتنزل من ستروين تانى .. و ممكن تسأل على قطع غيارها فى التوكيل مش هتلاقى ارقام خيالية طبعا قطع الغيار مش رخيصة بس مش مولعة نار زى ما الناس فاكرة .. و طبعا رأى حضرتك يُحترم و فى الاخر كلامى يحتمل الصواب و الخطأ لأن كله اجتهاد شخصى و نورت القسم مرة تانية يا باشا نتمنى نشوفك عندنا على طول