طريقتين للنصب تم كشفهم

**sniper2010** · 31-07-2008 05:12 PM

الطريقة الأولى:
اتنين رجالة و معاهم اتنين ستات جابوا عربية سوزوكي الصغيرة دي اللي شكل الميكروباص (زي بتاعت بنها ) واحد عمل نفسه سواق و الباقي لبسوا أبيض و عملوا فيها موظفين من الصحة و عدوا على كل بيت يقولوا إحنا بنطعم الناس ضد انفلونزا الطيور الواحد بنص جنيه بس _ _
يدفع الزبون النص جنيه و يحطولو نقطتين مياه بملح في بقه (مع العلم إن ما فيش طعم ضد انفلونزا الطيور للبني آدمين ) لغاية ما واحد شك فيهم و طلب تحقيق الشخصية فلاذو بالفرار
دي كانت الطريقة الأولى

**YoussefMostafa** · 31-07-2008 05:14 PM

والتانية فين؟

**sniper2010** · 31-07-2008 05:17 PM

الطريقة الثانية كانت أيام ما وصلت زجاجة الزيت ل 11 و 12 جنيه
ناس جابوا عربية مليانة أزايز زيت و نزلوا بلد كده يعني و ذاعوا فيها إن عربية الزيت جت و الإزازة ب 7 جنيه _ _ _
و طبعا الناس بقوا أمم و طوابير طويلة و بعد ما المساكين اشتروا و روحوا بيوتهم اكتشفوا إنها أزايز مليانة حلبة _ _ _
المصيبة إن الشرطة لما لقت زحمة ع العربية تطوعت مشكورة و وقفت تنظم الصفوف _ _ _ حاجة آخر حلاوة _

**MTAK** · 31-07-2008 05:28 PM

فعلا
الحاجة ام الاختراع
بس الاهم
ماهية الحاجة

**sniper2010** · 31-07-2008 05:54 PM

المشاركة الأصلية كتبت بواسطة MTAK

فعلا
الحاجة ام الاختراع
بس الاهم
ماهية الحاجة

فعلا _ _ _ حضرتك لو قلبت في المنتدى الاجتماعي هتلاقي مش أقل من عشر مواضيع للتحذير من طرق نصب مختلفة _ _ إشي عن طريق التليفون و إشي عن طريق إنه يقولك عايز فلوس للمواصلات _ _ و غيرها كتير _ _

يا ريت لو واحد بطل من المنتدى يجمع لنكات مواضيع النصب دي في موضوع واحد :) ):p

**ramyfawzy** · 01-08-2008 12:53 AM

خدوا بقا احدث طريقة للنصب العلني وانما ايه في عز الضهر
الحكاية دي حصلت من يومين بالظبط وبالتحديد في العمارة اللي ساكنة فيها حماتي
واحد اتصل بالسوبر ماركت اللي جنبهم من موبايلو وطلب شوية طلبات بحوالي 25 جنيه
وقال للراجل ابعت باقي 200 جنيه
وادالو العنوان ورقم الشقة ولزق ورقة على جهاز الانتركم بتاع العمارة بإسم (محمد حسن) ورقم الشقة
فالواد جاب الطلبات وصاحبنا قابله على مدخل العمارة وخد منه الباقي (حوالي 175 جنيه) وقالو اطلع
وصل الطلبات في الدور الاخير
الواد ياعيني طلع الدور الاخير وقعد يضرب جرس على الشقة بس اصلا مافيهاش حد وبعدين راح ضرب حرس على شقة حماتي وسألهم فين شقة الاستاذ محمد حسن
قالولو مافيش حد بالاسم ده في العماره كلها
وكان فيلم طويل وصاحب السوبر ماركت طلع العمارة وقعد يخبط على كل الشقق وطلعا ماوصلش لحاجة
وحسبي الله ونعم الوكيل في النصابين والحرامية

رامي (ابو احمد و يوسف)

**cobraa2008** · 01-08-2008 02:24 AM

يلا اهو اللي موش لاقي شغلة يشتغل نصاااااااااااااااااااب

**دموع الثلج** · 02-08-2008 02:46 AM

المشاركة الأصلية كتبت بواسطة ramyfawzy

خدوا بقا احدث طريقة للنصب العلني وانما ايه في عز الضهر
الحكاية دي حصلت من يومين بالظبط وبالتحديد في العمارة اللي ساكنة فيها حماتي
واحد اتصل بالسوبر ماركت اللي جنبهم من موبايلو وطلب شوية طلبات بحوالي 25 جنيه
وقال للراجل ابعت باقي 200 جنيه
وادالو العنوان ورقم الشقة ولزق ورقة على جهاز الانتركم بتاع العمارة بإسم (محمد حسن) ورقم الشقة
فالواد جاب الطلبات وصاحبنا قابله على مدخل العمارة وخد منه الباقي (حوالي 175 جنيه) وقالو اطلع
وصل الطلبات في الدور الاخير
الواد ياعيني طلع الدور الاخير وقعد يضرب جرس على الشقة بس اصلا مافيهاش حد وبعدين راح ضرب حرس على شقة حماتي وسألهم فين شقة الاستاذ محمد حسن
قالولو مافيش حد بالاسم ده في العماره كلها
وكان فيلم طويل وصاحب السوبر ماركت طلع العمارة وقعد يخبط على كل الشقق وطلعا ماوصلش لحاجة
وحسبي الله ونعم الوكيل في النصابين والحرامية

رامي (ابو احمد و يوسف)

الحركه دى حصلت مع والدى بالظبط الناس جايين يطلبوا منه فلوس حاجات طلبها ووباقى الفلوس اللى خدها النصاب المزعوم وجرى

خدوا الطريقه دى بئه عملوها بنات و اعترفوا اانها من باب التهريج

اربع بنات فى معهد خدمه اجتماعيه حلوين شكلا
قسموا نفسهم لفريقين ونزلوا المناطق الراقيه زمالك ومعادى ومدينه نصر كل اثنين مع بعض يخبطوا على شقه ويقولوا لهم انهم بيجمعوا تبرعات لمعهد القلب ومستشفى سرطان الاطفال
لا وبيكتبوا ايصال للمتبرع كمان بالمبلغ
فكل شخص يتبرع بالى يقدر عليه كانوا بينزلوا وقت وجود الموظفين فى الشغل فتره امان بالنسبه لهم
ويجمعوا الفلوس وهب يختفوا تانى يوم يروحوا منطقه ثانيه وهكذا لحد فى مره بيخبطوا على شقه طلع لهم عميد فى الجيش بزى الجيش قالوا له احنا مندوبين من وزاره الاسكان بنعمل احصائيات وفكيك طااااااااااااارو