هل يمكن تركيب اكصدام فلوانس ٢٠١٣ الجديدة علي الموديل السابق ؟؟؟؟ انا حاسي انه ينفع لان العربيه نفس الشاسيه تماما فهل حد سئل التوكيل في الموضوع ده
هل يمكن تركيب اكصدام فلوانس ٢٠١٣ الجديدة علي الموديل السابق ؟؟؟؟ انا حاسي انه ينفع لان العربيه نفس الشاسيه تماما فهل حد سئل التوكيل في الموضوع ده
مبدئيا ينفع
اعتقد ممكن يحتاج تعديل فى ضفيرة الكهرباء علشان الفوجات فيها اتنين كشاف فى كل فوج بينوروا منفصلين....فيه الفوج الأساسي و فيه لدات على شكل حرف l
اعتقد ينفع بس اعمل التعديل في التوكيل علشان الضفيرة غالبا هيكون فيها تعديل
يا جماعة انا شوفت العربية الجديدة في التوكيل وكان لونها شامبين والفئة الاولى اتوماتك ولقيت ان شكلها مختلف تماما عن الي كانت في المعرض يعني مفيش ضوء نهاري الفوجات عادية والدريكسيون مفيهوش الجزء الفضى الي في الموديلات السابقة والموتور معقد جدا ومليان اسلاك وخراطيم بس اظن انه ما دام بتاع التيدا فاكيد انعم .
والعربية من جوه هيه هيه الشكل الحالي ما عدا العدادت وشكل قاعدة الفتيس الداخلي نيكل وعصاية الفتيس نيكل
دي كانت ملاحظاتي وعلشان كده اظن ان ممكن تعديل من غير تعديل في الضفيرة لو هيغير للاكصدام الي مفيهوش ضوء نهاري
يا جماعة طبعا ينفع لان دة facelift يعنى العربية هى هى فى كل حاجة ماعدا الحاجات الى اتغيرت والدليل على كدة انه برة نازلة العدادات ديجيتال من فترة مش من دلوقتى وكمان الاكصدام الخليجى غير الى فى اوروبا ومصر انما العربية هى هى فينفع تغير الاكصدام لو عايز وينفع تركب العدادت لو عايز ولا قدر الله ممكن تغير الموتور كمان والدليل على كدة المرسيدس الزلموكة بتبقى موديل 90 وانت بتعدلها بموتور 94 لان العربية نفس الشكل طالما انها الفئة E .. انما مش ينفع مثلا نحطلها او نركبلها موتور او اكصدام مرسيدس العيون ...وهو دة المقصود من معنى facelift انما التعديلات الجوهرية والشاملة فهما بيحضروها وبيجمعوها فى الموديل الجديد ............ يارب اكون قدرت اوصل المعلومة