سؤال لأصحاب اﻻلنترا md وخاصة العميد م / سمير

**mahmoud_afifi** · 20-02-2013 10:09 PM

المشاركة الأصلية كتبت بواسطة Samir Elshahawy

زيت فتيس الألنتراmd مش بيتكشف عليه و لا بيتم تغيره

متأكد من المعلومه دي ؟؟؟؟
يعني التوكيل بيستغفل العملا ؟

**toty_305** · 20-02-2013 10:34 PM

-زيت الأوتو بيتكشف عليه لو فيه مقياس زي بتاع الزيت أو بيبقى فيه مكان أخر زي صموله كده الالنترا فيها صموله للكشف
-بيتغير عادي

**Samir Elshahawy** · 21-02-2013 01:32 AM

- فتيس الألنترا md مالوش مقاس
- الزيت بتاع الفتيس ده مختلف عن أي زيت فتيس عادي
- لايتم تزويد أو تغيير الزيت ألا في حالة فتح الفتيس للأصلاح (لاقدر الله)
- لايوجد في كتالوج العربية أي معلومات أو مواعيد للكشف أو تغيير الزيت

**Tito_ss** · 21-02-2013 09:31 AM

المشاركة الأصلية كتبت بواسطة adel1212

لو يهمك الضمان روح اعمل عندهم صيانة الـ 40 الف
وحتدفع تكلفة الصيانات اللي قبل كده ويبقى الضمان ساري
اما لو ميهمكش الضمان زي حالاتي يبقى شوف مكان كويس وامشي علي مواعيد الصيانة اللي في المانويل بتاع العربية و عيش بحرية تعمل اي شغل فى العربية بمزاجك انت مش مزاج بابا غبور
تحياتي

+111111111111
الكلام ده صحيح وده بسبب أسعار الصيانه الدورية المبالغ فيها في التوكيل واللي عرفتي الموضوع ده أبويا لما جاب لانوس ومشي معاهم في التوكيل لحد 10.000 كم لحد ما اطمئن على العربية انها تمام وبعد كده راح مركز خدمة محترم بيعمل فيه اللي هوا عايزه وأخويا نفس الموضوع جاب فيرنا ومشي معاهم لحد 10.000 كم وبرده راح لمركز خدمه محترم ولو معملتش كده بتلاقي التوكيل بيغير حاجات عمرها الافتراضي لسه فيه كتييييييييييير وده لأن سواقتك غير سواقتي بس فك وارمي وركب واحنا ندفع والتوكيل ماشي على الجدول وخلاااااااااااااااااااص وده مش منطق

**Samir Elshahawy** · 21-02-2013 11:16 AM

بالنسبة لموضوع الصيانة في التوكيل و الضمان أنا عندي أعتقاد ماشي عليه من زمان

أولا.. الصيانة مع التوكيل :
لو أنت هاتمشي مع التوكيل علشان تحافظ علي الضمان هاتدفع كتير أوي في الصيانات الدورية و تغير قطع غيار (زي التيل و القلاتر) قبل ميعادها

المقابل : أن لما يحصل حاجة في العربية التوكيل بيغيرها في الضمان و بكده يبقي الفلوس اللي أنت كنت بتدفعها بزيادة في الصيانات الدورية رجعت لك تاني

بس الكلام ده مش مضمون مع بعض التوكيلات اللي بتستهبل طبعا و يحاول أنه يوهم صاحب العربية ان القطعة اللي باظت دي عيب أستخدام أو أنها خارج الضمان

ثانيا.. الصيانة خارج التوكيل :
لو هاتعمل الصيانات خارج التوكيل و تخرج من الضمان هاتدفع أقل في الصيانات الدورية و هاتستخدم قطع الغيار لأخرها (يعني هاتغيرها في توقيتاتها المظبوطة)

طيب لو حصل حاجة و محتاج تغيرها ؟
هاتغيرها علي حسابك و يبقي الفرق اللي وفرته في الصيانات الدورية هو اللي أنت بتدفعه بعد كده في الاصلاح بره الضمان

طبعا أنا أخترت الطريق الثاني و لي أسبابي :
1- أني فاهم كويس عربيتي فيها أيه و أمكانياتها أيه و حدود قطع الغيار فيها ايه
2- أستخدامي للعربية هادي و بأحافظ عليها
3- أي مشكلة في العربية الشركة عندي بتتحملها

يبقي ليه أتعب نفسي و أقرف نفسي مع التوكيل ؟