الموضوع: لمحة سريعة عن فرامل نيو صني

انهاردة الصبح كنت رايح الشغل مستعجل و بصراحة كنت ماشي بسرعة وكان قدامي تاكس لادا ونا كنت قريب منه جدا انا عارف ان انا غلطاااان المهم كنت تقريبا ماشي80 وبيني وبينه حوالي 3 متر المهم الاشارة قفلت فجأه علية قام الاخ قافش فرامل طبعا انا في جزأ من الثانية قلت في نفسي راحت فلوسك يا معلم و الوداع ياصني و توقعت اني الاقي نفسي اعد جمب السواق المهم قمت كابس فرامل وغمضت عيني علشان مشوفش المشهد المأساوي اللي كان هيحصل؛؛ وكانت المفجأة اني سمعت صوت كدة من الكاوتش خفيف اوي زي "اى ئ" اكن العربية زعلت مني و بتقولي متعملش كدة تاني انا لسة بلين.. وفعلا العربية توقفت تماما في اقل من ثانية؛؛ بجد انا ثقتي في فرامل الصني بعد الموقف ده زادت جدا وانحني احتراما لمنظومة الفرامل اللي في العربية دي

المشاركة الأصلية كتبت بواسطة saint2011

أولا حمدا لله على سلامتك وياريت حضرتك متعملش كده تانى وفعلا وعن تجربة فرامل الصنى الجديدة محترمة جداااا وأنقذتنى أنا شخصيا من مواقف كتير لكن أنا بشوف العيب الرئيسى فى الصنى الجديدة هو الصاج وبصراحة دى النقطة الوحيدة أللى مزعلانى منها غير كده هى عربية محترمة فعلا

فعلا نفسى تقيمى للعربية الصاج فعلا ضعيف جدا لدرجة ان لو حد اعد على الكبوت هيسب نقر مكان التحميل العربية ممتازة بس من الواضح ان علشان وزن العربية يوصل للمعدلة الصعبة بين الثبات و استهلاك البنزين كانت هى دة نقطة الضعف فعلا العربية خفيفة بس ثابتة الحل الوحيد نك تحاول متسبهاش فى الشارع كتير

حمد الله على السلامة و الحمد لله ربنا ستر
انا مشكلتي مع الفرامل في صوت التريلا الي بيطلع و لسة السبع ما جاوليش الصاجه الي ناقصة و مش عارف اعمل ايه

الله يسلمكم ... وبالنسبة للاخ اللي عنده صوت الصفارة لو جاي من ورا يبقي فعلا تيلة الفرامل الخلفية

الحمد الله ان الموقف عدي علي خير ..

يا باشا حمد الله ع سلامتك و ع فكرة نفس الموقف اتكرر معايا و اللى قدامى وقف كان فى مطب ماكنتش انا شايفه و أيقنت انى هدخل فيه من ورا لا محالة دوست ع الفرامل بكل قوة واللى استغربت له ان العربية اتسمرت مكانها و الحمد لله و طبعا فى الاول و الاخر ده ستر ربنا و العربية فعلا بسم الله ماشاء الله عليها واضم صوتى ل saint2011 ان عيب العربية فى الصاج خفيف جدا ورق بجد بس العذر ان اغلب الجديد كده