خبرة سيئة أخرى مع البنك الأهلى سوسيتسه جنرال

**fepsceasar** · 19-02-2013 01:37 PM

المشاركة الأصلية كتبت بواسطة hossam_elwani

انا كمان مقسط من بنك عوده والمصاريف الاداريه بتبقى 1.5% من اصل القرض انا دافع مثلا 1150 مصاريف اداريه

اما بخصوص السداد المبكر بيبقى كالاتى

بتشوف ماهو متبقى عليك فى لحظة ويوم السدام ( شامل حتى فوائد البنك ) و تضربه فى نسبة السداد المبكر ولتكن مثلا 5% = المبلغ الى حيطلع ده هو مكسبهم من السداد المبكر + وحتضيف عليهم اصل المبلغ المتبقى فى يومها وده طبعا بيبقى ظاهر عندهم على الكمبيوتر وممكن تاخد نسخه تفصيليه زى ما انا واخد مفصل وفيها ماهو متبقى وكل ماسبق

وغيظانى برضو حكاية انهم يكسبوا من السداد المبكر ما هم كسبانين اساسا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

**dr.hazem** · 19-02-2013 01:39 PM

هو معروف ان في رسوم دفع مبكر لو حبيت تسدد القرض بدري عن معاده...
فنفس الوقت متتاخرش عن المعاد زي الماستركارد لما تعدي الحد الائتماني بيبقى معاك مده لو مسددتش هتدفع فايده...
هي نفس فكرة الربا وعشان كده ربنا حرم الربا...
الله المستعان وربنا يسد عنك ويخفف عليك...
تحياتي

Sent from my SE Arc S using Forum Runner

**alking_2006** · 19-02-2013 01:55 PM

اصلا و عن تجربة البنك دا حرامى حرامى حراااااااااااااامى فى المصاريف الادارية و الرسوم

**dodo2000** · 19-02-2013 01:58 PM

بنك زبالة بمعنى الكلمة و عن تجربة شخصية

**hossam_elwani** · 19-02-2013 02:15 PM

المشاركة الأصلية كتبت بواسطة fepsceasar

بس انا بقالي سنتين ونص ماحدش قال الكلام ده بتاع غرامة التاخير
يعنى هينفع اشتكى ويشيلوا الغرامة ولا ادفع ثم اشتكي

لو بتدفع كل شهر فى نفس معادك بازبط ومع كده جابو الغرامه الشهر ده بس يبقى ادفع من سكات لتقلب عليك ويدفعوك بأثر رجعى كل الشهور الماضيه غرامات تأخير .. وابقى ادفع اول يوم عمل فى الشهر زى ما بيقولو

**hossam_elwani** · 19-02-2013 02:17 PM

المشاركة الأصلية كتبت بواسطة fepsceasar

وغيظانى برضو حكاية انهم يكسبوا من السداد المبكر ما هم كسبانين اساسا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

يبقى ما ستوعبتش الى انا قولته هما حيكسبو فى حدود 6000 جنيه على سبيل المثال وانت حتدفع اصل المبلغ بدون زياده اطلاقا

**Sh_sunsea** · 19-02-2013 02:32 PM

المشاركة الأصلية كتبت بواسطة zrzr1

عشان لو عملت كدا يبقي هو ماستفدش من حضرتك بحاجه,, ف لازم يخلي الفايده زي ماهي معأن منطقيا لازم الفايده تقل لان المده الزمنيه اختلفت تماما

لا يا فندم ازاي ما استفادش حاجة
انا بدفع قسط اصل المبلغ + قسط فائدة السبع سنين z(سبعة)
هاسدد القرض دلوقتي ياخد الفائدة بتاعة سنتين طالما انا هاسدد بعد سنة ونص مثلا

بمعنى - يحسب القرض على سنتين بدلا من سبعة تبقى الفائدة z(سنتين) أقل

وبالتالي أصل المبلغ يبقى أقل

**amrelsha3er** · 19-02-2013 03:07 PM

انا مقسط مع بلوم ميعاد سداد القسط بيبقى من يوم 1 ليوم 5 بعد يوم 5 غرامه 50ج اسالهم حضرتك ميعادى امتى روحاقعد مع حد فى خدمه عملاء شوف اكبر فرع سويسته جنرال فى القاهره واقعد معاه لو ملقتش جدوى اطلب مدير البنك او مدير الفرع يعنى واقهم منه مالك وماعليك بالتفصيل وقوله انت هتتحاسب على كل كلمه هتقولها واتكلم بقلب وبعين الحق لانك صاحب حق وصاحب الحق دايما عينه قويه خدها قاعده كده
انا فاتح فيه حساب البنك ده هو روتينى وبنك تعاملاته حتى مع افراده مش كويسه الناس اللى فيه تحسهم لسه بيتعلمو أ ب سواء فى الغردقه او فى القاهره مبيخلصوش دايما ياجلوك لبكره او اللى معاك يسيبك ويروح يسال حد تانى كده يعنى
بصراحه فعلا موضوع القروض او التعامل مع البنو كفى قروض ده اخر حل الواحد يلجأله حوراته كتير والنصب فيه كتير ومصاريف من حيث لاتدرى فعلا ربنا محرمش حاجه علينا الا بتعود على المسلم بالضرر منها الربا والخمر والقمار و و و الحمد لله على نعمه الاسلام وربنا يسد ماعلينا جميعا وهى اول واخر مره الواحد يدبس فى قرض من بنك بس اهو الواحد كان فعلا مجبر :(