الموضوع: خبرة سيئة أخرى مع البنك الأهلى سوسيتسه جنرال

المشاركة الأصلية كتبت بواسطة svneleven

حضرتك كل واحد ليه ميعاد لسداد القسط مش كله بيدفع أول الشهر. أنا كنت واخد من بنك عوده و كان ميعاد القرض يوم 14 في الشهر اتأخرت مره يومين كلموني. روحت دفعت القسط و 50 جنيه غرامة.
سوسيتيه أزبل بنك في التاريخ لكن من حوالي 7 سنين كان بنك محترم و زي الفل لكن أظن ان فروعه كترت و مش عارفين يجيبو ناس نضيفة و يعملو نظام محترم.
بخصوص القروض بتدفع مصاريف ادارية أول ما تعمل القرض فقط مش كل سنة و قيمتها حوالي 1.5% و كل بنك غير التاني أما لو هتسدد قبل انتهاء المدة لازم تروح البنك و تشوف باقي كام من أصل المبلغ (بدون الفوايد) و ده بتدفع عليه غرامة سداد معجل من 2 ل 5 % و بنك عوده دفعني 5% و الله. بس تدفع الغرامة ديه و الفلوس اللي باقية من أصل المبلغ بدون فوائد.
الخدعة ان لو أنت بتدفع مثلا 1000 جنيه كل شهر هتلاقي في الأول أن ال 1000 جنيه ديه معظمها موجه لسداد الفوايد و نسبة صغيرة لسداد أصل القرض و بمرور الوقت النسبة الموجهة لسداد الفوايد تقل و الموجهة لأصل المبلغ تزيد يعني مثلا ممكن أول شهر تلاقي 950جنيه للفوايد و 50 جنيه للقرض نفسه. الصراحة يا ريت أي حد يقدر يبعد عن الكلام ده يا ريت فعلا يبعد لكن المشكلة هي الحاجة الدائمة و حسبنا الله و نعم الوكيل.

اشكرك على التوضيح