مش عارف اغير زيت العربية .
السلام عليكم و رحمه الله و بركاته
في افتكاسة غريبة اوي لقيتها بتحصل في محطات البنزين . هو فعلا يا رجالة محطات البنزين دلوقتي مش بترضى تغير زيت لأي حد جايب الزيت بتاعه معاه ؟؟ يعني يا اما تغير الزيت بتاعنا اللي بتبيعه يا اما مش حتغيرلك زيت خالص .
الموضوع اني اشتريت امبارح زيت فيسكو وجيت النهاردة عايز اغيرة ... رحت بنزينه موبيل اللي في شارع عين شمس لقيت الراجل اللي بيغير زيت بيقولي احنا مش بنغير الا الزيت بتاعنا بس يعني زيت موبيل طبعا فضلت اقاوح معاه لقيت الراجل مصر على كلامه .
سيبته و مشيت و رحت بنزينه وطنية اللي بعد الكيلو 4.5 اللي تبع الجيش .. لقيت نفس الكلام العسكري اللي بيغير الزيت بيقولي مش بتغير الا زيوت وطنية بس .
رحت بنزينة اويليبيا اللي قدام مدينتي برضه نفس الحوار ...
هو ايه الحكاية هما اتفقوا علينا ولا ايه ؟؟