هل مازالت الاشارة الصفراء تستخدم في مدينتك ؟
عندنا في الاسكندرية تقريبا لغوا الاشارة الصفراء خالص ......... بمعني ان خلاص مفيش اشارة " استعد " اللي كانت موجودة زمان علشان تستعد انك تقف لو اشارتك كانت خضراء او تخليك تستعد انك تمشي لو كانت اشارتك حمراء........
وطبعا الموضوع ده بيخلي العربية معرضة للصدمة من الخلف في حالة تحويل الاشارة من اللون الاخضر الي اللون الاحمر مباشرة لانك ستجد نفسك في حيرة بين تكملة السير يا اما التوقف علشان الاشارة الحمراء
وفعلا تحدث حوادث كثيرة بسبب الموضوع ده لان الكثير من الناس قد قرروا عدم الالتزام بالاشارة الضوئية
و هناك برضه ظاهرة غريبة اوي عندنا في اسكندرية ان كثيرا ما تجد الاشارات معلقة يعني تجدها ثابتة علي اللون الاحمر او اللون الاخضر لان العسكري المسئول عن تحويل الاشارة قد ترك خدمته و راح يعمل مشوار او لاي سبب من الاسباب ......... و من بعد الساعة الحادية عشرة مساء كثيرا ما تجد هذه الظاهرة لان العسكري قد قرر انه يمشي و مش خايف من رؤسائه لان مفيش رقابة دورية عليه
فكنت عاوز اعرف الكلام ده برضه بيحصل في المدن الاخري ولا لا ؟
