موضوع مهم عن ثبات الفيرنا

انا شايف الناس كلها بتتكلم وتشتم في ثبات الفيرنا مع اني معايا الفيرنا ومش شايف انها للدرجة اللي بيقولوا عليها حد يقولي هي الفيرنا اللي معايا غير اللي مع الناس مثلا .
اولا عشان نبقى متفقين لما نقارن العربية لازم نقارنها بعربيات في نفس فئتها واللي هما اللانوس واللوجان والاسبرانزا بس كدا عشان الاقي واحد راكب هوندا سيفيك ولا مرسيدس ونازل يتكلم على الفيرنا ويقولك ثباتها زي الزفت . وفي حالة المقارنة مع فئتها مافيش حد يقدر يقول على ثباتها سئ جدا بالمقارنة مع فئتها
ثانيا لو الشخص اللي بيشتم في الفيرنا بيتكلم عموما وبيقارنها بكل العربيات احب اقوله ان زي ما في عربيات الماني وثباتها احسن منها بمراحل في عربيات ثباتها اسوا من الفيرنا بمراحل والفيرنا تعتبر عربية متوسطة في الثبات
وابسط مثال عربية زي التريوس الجديدة ثباتها مرعب بجد مقارنة بالفيرنا مع ان تمنها تقريبا ضعف تمن الفيرنا
فبلاش كل الناس تردد الفيرنا ثباتها وحش وخلاص وتلاقي نصهم ماركبش الفيرنا ولو ركبها تلاقيه ماركبش عربيات تانية اصلا
معلومة بس بسيطة انا كل يوم رايح جاي بالفيرنا على طرق سريعة عشان شغلي و العادي بتاعي 140/ 150 و الطريق كله مطبات هوا وطبعا اكيد جربت امشي بيها اكتر من مرة 190 و 200 بس مانصحش حد يجرب الكلام ده عشان فعلا خطر والعربية خفيفة جدا على السرعات دي والعربية ستوك مافهاش حتى جنط على العكس تماما وانا راكب التيريوس مش بعرف اكسر فيها ال100 ولو وصلت لل 120 كدة ده اخري وببقى مرعوب يمكن المرة الوحيدة اللي زودت فيها ل 140 كان على طريق اسكندرية القاهرة الصحراوي عشان متسفلت كويس
ياترى مين متفق معايا في الكلام ده

بعيدا عن ان العربية خفيفة او الثبات قليل
حضرتك بتقول العادي 140 او 150 ياريت حضرتك تراجع نفسك فالسرعة دي لان العربية مفيهاش اي وسائل امان
وهي فئة مش للسرعة دي فرأي اتمني تتقبل كلامي
وربنا يستر طريقك
تحياتي ..

اوافقك الراى تماما وفعلا ياريت تراجع نفسك فى موضوع السرعة لان الغلطة مع الفيرنا نتيجتها مش حلوة خالص ويارب انا كمان اسمع الكلام ده لانى غاوية سرعة كدة برده

يا باشا الفرق الى بتحسه مع التريوس ده عشان العربيه عاليه عن الارض و عرضها قليل و طولها قليل برضه فمش هتلاقيها بتحسسك انها ثابته على الطريق زى معظم العربيات العاليه

الفيرنا بالنسبالها واطيه فمش هتحس الكلام ده كله بس لو فى ملفات بقى و طريق مش عدله هتلاقى اللانوس و اللوجان على الرغم من علوها و الاسبيرانزا بتتفوق على الفيرنا لانهم اتقل منها

ماهو أي عربية لو في خط مستقيم هاتبقى ثابتة

اقتباس:

---

المشاركة الأصلية كتبت بواسطة algazar2

يا باشا الفرق الى بتحسه مع التريوس ده عشان العربيه عاليه عن الارض و عرضها قليل و طولها قليل برضه فمش هتلاقيها بتحسسك انها ثابته على الطريق زى معظم العربيات العاليه

الفيرنا بالنسبالها واطيه فمش هتحس الكلام ده كله بس لو فى ملفات بقى و طريق مش عدله هتلاقى اللانوس و اللوجان على الرغم من علوها و الاسبيرانزا بتتفوق على الفيرنا لانهم اتقل منها

---

اللانوس كوزن مش اتقل من الفيرنا ، بالعكس

العملية عملية شاسيه وعفشة

اقتباس:

---

المشاركة الأصلية كتبت بواسطة Sehsss

ماهو أي عربية لو في خط مستقيم هاتبقى ثابتة

---

:tumb:
تمام الا فحالة ان الجو هواء وبتراب شديد فليلة شتاء
وده مش كتير فمصر طبعا ولازم طريق مفتوح ..

اقتباس:

---

المشاركة الأصلية كتبت بواسطة amrelsaqqa

اللانوس كوزن مش اتقل من الفيرنا ، بالعكس

العملية عملية شاسيه وعفشة

---

اعتقد ان وزن اللانوس اكتر من الفيرنا او الاتنين زى بعض
و تصميم الشاسيه بتاع اللانوس فى اعتقادى انه احسن من شاسيه الفيرنا و العفشه كذلك
و الاتنين عفشه خلفيه مالتى لينك

اقتباس:

---

المشاركة الأصلية كتبت بواسطة AlGazar2

اعتقد ان وزن اللانوس اكتر من الفيرنا او الاتنين زى بعض
و تصميم الشاسيه بتاع اللانوس فى اعتقادى انه احسن من شاسيه الفيرنا و العفشه كذلك
و الاتنين عفشه خلفيه مالتى لينك

---

لا في فرق حلو في الوزن ولصالح الفيرنا !
بس هى اللى مش ثابتة نعمللها ايه بقى :D

وشاسيه اللانوس افضل لانه في الاساس شاسيه اوبل استرا 92

والاتنين عفشة dual link و ليس multi link وشتان بينهما :)

مالتى لنك ده للناس المتدلعة اللى عايزين ياخدوا ثبات ونعومة في نفس الوقت وده طبعا مش في الفئة دى خالص
الكلام ده في مازدا في اوكتافيا في بيجو ....... اااااااه تصور جعت على رأي اشرف عبد الباقى ههههههههههه

اولا في نقطة مهمة لازم تكون واخد بالك منها
الثبات حاجة لو ماشي في خط مستقيم
والثبات حاجة تانية لو ماشي خطوط متعرجة بالبلدي كده بتغرز بين العربيات
يعني مافيش مانع انك تمشي على السرعة 140 او 150
رغم اني منصحكش نهائي لعدوم وجود وسائل أمان نهائي
لكن صعب انك تمشي وانت بتغرز مابين عربيات ولو سلمت فوحده مش هتسلم فالثانية .
ده انت لو مسكت فرامل حتى مش هتعرف تكنترول العربية .
وربنا يكفيك شر الطريق

انا مش شايفها سيئه اوى كده و بسافر بيها و اكيد باكل غرز يمكن واسعه شويه بس على 140 او 160 بس هى مش للمواقف المفاجئه باى شكل من الأشكل و نظرا لسعرها انا شايف ثباتها جيد
يمكن بس اللى معايا بجنوط 14 (اتوماتيك) و كاتوتش يابانى ف نسبيا ماسكه نفسها شويه و محتاجه بس عفشه غاز ورا و زيت و غاز قدام و هتبقى احسن حاجه فى فئتها اعتقد

تمام انا متفق مع الناس في ان السرعة خطر عموما في اي عربية وفي الفيرنا بالزيادة شوية بس زيها زي اللانوس واللوجان والاسبرانزا بس انا شايف الناس بتتكلم على ان الفيرنا عربية رياضية انا شايف ناس بتقول الغرز الضيقة جامد ماتنفعش على 150 والمواقف المفاجئة والفرملة طب ما الكلام ده طبيعي هو مين مستني منها انها تاخد غرزة ضيقة على 150 او 160 وزعلان انها مش حتبقى ثابتة ده يبقى حرام بجد ولو المفروض انها تعمل كدة يبقى الناس اللي بتدفع 400 و 500 الف على اقل تقدير في عربيات رياضية الناس دي مش بتفهم ما كانوا وفروا فلوسهم واشتروا لانوس او فيرنا ب 70 الف وحتبقى زي الفل وتاخد غرز ضيقة على 160 وملفات جامدة وكله تمام
وبعدين مع احترامي الجري عاوز ناس بتفهم يعني انا ليا واحد صاحبي قالب بمرسيدس سي 200 هل ده معناه ان العربية وحشة وبتقلب

وفي معلومة حقولها مع ان مافيش حد مقتنع بيها بس انا مقتنع بيها تماما وعملتها اختبارات كتير في الفيرنا
الفيرنا وهيا فاضية ثباتها افضل منها وفيها 4 او 5 راكبين
الناس بس بتحس ان العربية تقلت والاحساس بمطبات الهوا قل فيقولوا بس كدة العربية ثباتها زاد وده العكس تماما واللي حيفهم كلامي ده اللي مجرب غرز ضيقة يعني لو معاك 4 في العربية وبتاخد غرز ضيقة لازم حتسمع صوت الكاوتش بيزيق في الارض في كل غرزة عشان العربية بتحدف جامد من ورا جرب نفس الغرز على نفس السرعة والعربية فاضية حتشوف الفرق وانا مش معنى كلامي ان الناس تجري تجرب في الشارع لا شوف مكان فاضي وحط فيه كوينات وجرب اعملها تست

على فكرة موضوع الوزن ده مجربه في اكتر من عربية ومنها الاسبرانزا 516 وهيا فاضية الضهر بتاعها تقيل جدا ولو اخدت بيها يمين في شمال بسرعة حتلاقي الضهر راح يمين وانسى انه يرجع تاني شمال عشان الوزن بيشدها جامد وعن تجربة الاسبرانزا الصغيرة 113 افضل بمراحل عن الكبيرة في الموضوع ده
وانا الموضوع ده عندي اساس الثبات في اي عربية وبعد كدة اشوف العوامل التانية

اقتباس:

---

المشاركة الأصلية كتبت بواسطة ramyworm

انا شايف الناس كلها بتتكلم وتشتم في ثبات الفيرنا مع اني معايا الفيرنا ومش شايف انها للدرجة اللي بيقولوا عليها حد يقولي هي الفيرنا اللي معايا غير اللي مع الناس مثلا .
اولا عشان نبقى متفقين لما نقارن العربية لازم نقارنها بعربيات في نفس فئتها واللي هما اللانوس واللوجان والاسبرانزا بس كدا عشان الاقي واحد راكب هوندا سيفيك ولا مرسيدس ونازل يتكلم على الفيرنا ويقولك ثباتها زي الزفت . وفي حالة المقارنة مع فئتها مافيش حد يقدر يقول على ثباتها سئ جدا بالمقارنة مع فئتها
ثانيا لو الشخص اللي بيشتم في الفيرنا بيتكلم عموما وبيقارنها بكل العربيات احب اقوله ان زي ما في عربيات الماني وثباتها احسن منها بمراحل في عربيات ثباتها اسوا من الفيرنا بمراحل والفيرنا تعتبر عربية متوسطة في الثبات
وابسط مثال عربية زي التريوس الجديدة ثباتها مرعب بجد مقارنة بالفيرنا مع ان تمنها تقريبا ضعف تمن الفيرنا
فبلاش كل الناس تردد الفيرنا ثباتها وحش وخلاص وتلاقي نصهم ماركبش الفيرنا ولو ركبها تلاقيه ماركبش عربيات تانية اصلا
معلومة بس بسيطة انا كل يوم رايح جاي بالفيرنا على طرق سريعة عشان شغلي و العادي بتاعي 140/ 150 و الطريق كله مطبات هوا وطبعا اكيد جربت امشي بيها اكتر من مرة 190 و 200 بس مانصحش حد يجرب الكلام ده عشان فعلا خطر والعربية خفيفة جدا على السرعات دي والعربية ستوك مافهاش حتى جنط على العكس تماما وانا راكب التيريوس مش بعرف اكسر فيها ال100 ولو وصلت لل 120 كدة ده اخري وببقى مرعوب يمكن المرة الوحيدة اللي زودت فيها ل 140 كان على طريق اسكندرية القاهرة الصحراوي عشان متسفلت كويس
ياترى مين متفق معايا في الكلام ده

---

:049:

سؤالي لحضرتك هل التيريوس من فئه الفيرنا عشان تقارنهم ببعض :)

لا حضرتك ممكن تقرا الكلام تاني كويس بدل ما اعيد كل اللي انا كاتبه وعموما حوضح تاني انا بتكلم على الناس اللي بتقول ان ثبات الفيرنا سئ في منهم نوعين : يا بيفهم نوعا ما وبيقارنها بفئتها ولما اقارن بين فئة معينة يبقى لازم اقول على عربية جيدة وعربية متوسطة وعربية سيئة بالنسبة لفئتها حتى لو كانوا كلهم سيئين بالنسبة للفئات التانية اوضحالك اكتر يعني لما اقولك رتبلي الفئة دي مثلا من 1 ل 4 يبقى العربية رقم 1 ممتازة في فئتها ولكن مش شرط تكون كويسة ورقم 4 سيئة ولذلك يبقى عشان نقول الفيرنا سيئة في فئتها يبقى لازم تكون ترتيبها رقم 4 وده اللي الناس مختلفة فيه ناس تقول الفيرنا احسن من اللانوس وناس تقول العكس يبقى اذن الفيرنا مش منفردة بالمركز الاخير في فئتها عشان نقول عليا سيئة ز

في النوع التاني من الناس اللي بيتكلم على ثبات الفيرنا عموما وانه بيبقى قلقان وهو راكبها ومتعود يركب عربيات الماني مثلا فيقولك ثباتها سئ بالنسبة للعربيات التانية زي الاوبل استرا و الفيكترا والهوندا سيفيك والكلام ده . انا شايف ان ماينفعش اصنف ثباتها على انه سئ لان في عربيات اسوأ منها وانا قولت على مثال التريوس يبقى كدة نقدر نقول ثباتها متوسط لان في عربيات اسوأ منها
كدة وصلت ولا لسة

لااله الاالله
طيب وايه دخل التريوس في مقارنه مع افيرنا طيب ما دي فئه تانيه خالص لا تجوز المقارنه بينهم دي 4*4 يعني ملهاش اوي في قصه الثبات واللي بيشتريها عاف كده
بالنسبه لثبات الفيرنا اللي مخلي الموضوعده باين فيها اوي انها ماشاءالله موترها قوي وبيشجع على الجري فلما تكون العربيه بتجري اوي كده يبان عيوبهااكتر ان كان ثبات او فرامل
بس ار جع واقولك العييب فينا احنا اللي بستعمل الحاجه في غير مكانها لان العربيات دي كلها فئه سيتي كار يعني وسيله مريحه للتنقل
واقولك حاجه متحجوطش فيدماغك الكلام بتاع الثبات ده طالما هي عجباك ومقتنع بها وربنا يبارك لك فيها

مظبوط اوي الكلام ده فعلا دي سيتي كار مش عربية سباقات انما تقول ايه كل لما واحد يركبها لاول مرة بيبقى عاوز يجرب العربية اللي الناس بتقول عليها بتجري وبيبقى فاكرها فيراري وبعدين الفيرنا العيب اللي فيها فعلا بجد الفرامل وحشة جدا وده عيب مهم اكتر من الثبات و العربية فيها مميزات كتير ماحدش بيتكلم عنها اولها العربية دي الوحيدة اللي ركبتها في حياتي وماشية من 2007 والحمدلله زيرو اعطال وانا اي عربية بركبها بتمر باقصى ظروف قيادة وتشغيل ممكن حد يشوفها من تحميل اوزان في العربية و بمشي كل يوم في اسوأ طرق في مصر يعني اللي عاوز يعمل اختبار لقوة تحمل عربيته يسيبهالي بس شهر واحد اروح بيها شغلي كل يوم وحيعرف ايه امكانيات عربيته .عشان كدة انا اقدر اقول الفيرنا من اكتر العربيات اعتمادية في مصر قلة اعطال + قطع غيار ببلاش ودي ميزة تهم ناس كتير زي حالاتي اللي بيبهدلوا عربياتهم في اشغالهم