حد يعرف أقصر طريق لوادى ريان ؟ و طول الرحله و المسافه أد ايه ؟؟
عرض للطباعة
حد يعرف أقصر طريق لوادى ريان ؟ و طول الرحله و المسافه أد ايه ؟؟
وداى الريان طريق الفيوم قبل الفيوم بحوالى 25 كيلو لى دخله على اليمين مسافتها حوالى 50 كيلو
انا مرة واحدة رحت الفيوم ودخلت دخلة بحيرة قارون وبعد معديت اوبرج الفيوم (هلنان حاليا) كان فى يفط للريان بس الحقيقة معرفتش اوصلها بسهولة
لو حد تانى من الاخوة خبرة يقدر يفيدك
على فكرة يا جماعة الفيوم دى حتبقى حاجة تانية قدام وفى شركات ابتدت تبنى قرى سياحة منها اوراسكوم تقريبا عايزين يعملوا حاجة زى الجونة هناك بس على اصغر
يعنى المسافه لحد هناك حوالى 120 كيلو ؟و أخبار الطريق ايه ؟
الطريق للريان طريق سهل وواضح سعادتك هتيجى من القاهرة هتلاقى محطة تحصيل الرسوم وبعديها بحوالى 12 كيلو هتلاقى كمين كوم أوشيم وبعد كده بحوالى 10 كيلو فيه طريق يمين وقبله لوحات إرشادية لبحيرة قارون ووادى الريان هتدخل فيه يمين وتمشى على طول هتلاقى بحيرة قارون على يمينك وهتعدى على فندق خاص بالقوات المسلحة على البحيرة بعديه بمسافة قصيرة هتلاقى الطريق يتفرع الزم الطريق الأيسر وبعد مسافة قصيرة هتلاقى البحيرة ظهرت على يمينك مرة أخرى وبعد حوالى 30 كيلو هتلاقى مدخل يسار يوصل لوادى الريان ومرحبا بك فى محافظة الفيوم - الطريق سهل ونظيف وواضح - السرعة الرسمية 90 كم/ساعة
لمزيد من التفاصيل راجع اللينك التالى
http://www.nilemotors.net/Nile/showp...5&postcount=36
مشكور مشكور مشكور مشكور
لكن الطريق حوالى كام كم ؟؟؟
حوالى 130كم لحد الشلالات جوة
اشكرك على الرد السريع بس كمان سؤال لو تكرمت . أخبار الطريق و المطبات ايه ؟ و يا ترى المكان هناك فيه مكان الواحد يقضى يوم لعب و شوى و كده و لا ناخد ساندوتشات معانا ؟
الطريق معظمه كويس بس أخر 30 كيلو لأ وخصوصاً المدق اللى فى الأخر......لازم تمشى براحتك قوى فيه
المكان هناك بدائى شوية يعنى مفيش خدمات كويسة بس ممكن تشوى لو تحب
أوعى تروح يوم جمعة أو سبت فى الصيف عشان بيبقى زحمة قوى وحر جداً كمان