حد عنده فكره العربيات كلها غليت ليه

**Ahmad Aboul Fotouh** · 31-07-2008 06:30 PM

المفروض ان البنزين يغلي يرخصو العربيات
وكمان المفروض كل فتره يخفضو الجمارك تبعا لاتفاقية الجات
ولكن رغم كل ده معظم العربيات زادت 5 الاف جنيه

**mohamed ibiza** · 31-07-2008 06:57 PM

تقريبا هما بيخلصوا الدفعات اللي عندهم اللي دفعوا فيها جمارك و يحققوا اعلي فايدة مادية من العربيات دي عشان الجات هتخليهم مش عارفين يغلوا ولا يشموا نفسهم

**dr_abooody** · 01-08-2008 01:29 AM

عشان التجار بيتفقوا مع بعض على رفع الاسعار

لو كل تاجر عمل sale تخفيضات زي ما بيحصل في اي بلد هتلاقي في منافسة _بيع كتير بمكسب قليل _ تكسب كتير
ودة قاعدة معروفة زي ما محمود العربي بتاع توشيبا و شارب بيعمل كدا عشان كدا ماشاء الله بقى توكيل كبير و صاحب شركات

المهم المفروض الموديل القديم يتحرق لما الجديد ينزل لكن في مصر بيحصل العكس

لانسر الشكل الجديد كان المفروض تنزل بنفس سعر القديم
و الشكل القديم يتحرق و يرخص او يقف انتاجة

و لكن هنا نزل الشكل الجديد اغلى ب 30 الف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و الشكل القديم رفعوا سعرة جدا و هو قديم مايستاهلش؟؟؟؟؟؟؟؟؟؟؟؟؟؟؟؟ ؟؟؟؟؟

المشكلة ان مفيش رقابة تحكم ربحية التجار زي في الخليج كدا واي دولة محترمة تانية

و المفروض بالعقل كدا البنزين غلي محدش هيفكر يجيب عربية و كمان العربيات غليت لا دة كدا اتعقدت و اللي كان عايز يشتري خلاص شال دة من تفكيرة نهائيا
المفروض يرخصوا عشان يشدوا رجل الزبون

حسبي الله ونعم الوكيل

===============
يرجى تصغير حجم التوقيع
لمخالفته القوانين الخاصة بالمنتدى

وشكرا

الادارة 3

**Ahmad Aboul Fotouh** · 02-08-2008 05:29 PM

فعلا العيب مش علي التجار العيب علي اللي سايبهم يغلو بمزاجهم

**Noha.M** · 02-08-2008 07:58 PM

انا اسمع كلمة جات دة من ساعة ما كنت لسه فى المدرسة اصلا !!!

هي لسه ماجاتــتش

اصلا زيادة الاسعار دي ن جشع التجار ..الاول كان يوقلك الدولار . الدولار وقع قام قالك اليورو .!!! اليورو ثابت زى ما هو قام قالك الين اليابانى زاد عشان كدة العربيات اليابانى غليت !! كمان الين !!! مبقاش الا الين دة كمان

**ahmed1981** · 03-08-2008 07:51 PM

تم زيادة أسعار الشحن في العالم أجمع
وبالتالي زادت أسعار جميع السيارات

**casper2010** · 03-08-2008 11:37 PM

يا جماعة .... انتوا ما بتقروش الأخبار .. الجات لسه فيها مفاوضات كتير جدا و ممكن تاخد سنين و مش هتصدقوا ان الدول الصغيرة واقفة جامد في المفاوضات .. و لو اتفرجتوا علي رشيد محمد رشيد بعد المفاوضات اللي حصلت الشهر اللي فات قال : محدش هيفرض علينا حاجة , و انشالله نقعد 20 سنة نتفاوض

**Ahmad Aboul Fotouh** · 11-08-2008 12:07 PM

المشاركة الأصلية كتبت بواسطة ahmed1981

تم زيادة أسعار الشحن في العالم أجمع
وبالتالي زادت أسعار جميع السيارات

هوه حضرتك متاكد من المعلومه دي؟؟

**دموع الثلج** · 11-08-2008 01:48 PM

المشاركة الأصلية كتبت بواسطة casper2010

يا جماعة .... انتوا ما بتقروش الأخبار .. الجات لسه فيها مفاوضات كتير جدا و ممكن تاخد سنين و مش هتصدقوا ان الدول الصغيرة واقفة جامد في المفاوضات .. و لو اتفرجتوا علي رشيد محمد رشيد بعد المفاوضات اللي حصلت الشهر اللي فات قال : محدش هيفرض علينا حاجة , و انشالله نقعد 20 سنة نتفاوض

الوضع الاقتصادى لمصر حاليا ومعدلات التضخم لا تسمح بتطبيق اتفاقيه التجاره الحره

طبعا لازم تؤجل فيه ناس لسا جيوبها مش مليانه لما يخلصوا هيبقوا يفكروا فينا