-
ياترى دى طرمبة بنزين
السلام عليكم
اخوانى
العربية النهاردة وانا على الطريق عملت معايا حوالى 3 مرات فى 15 كيلو وانا مروح
لقيتها بتقطع وتنتش وبعدها بكام ثانية الاقى لمبة الزيت والبطارية تنور
ومؤشر الrpm نزل للصفر
طبعا العربية بتكون ماشية بسرعة
يعنى مثلا ماشى على 80 لما تقطع اهدى السرعة توصل 50 او 40 الاقى وانا على 40 مؤشر ال rpm بقى صفر
هنا حصل معايا حاجتين
الاول ممكن العربية تقف خالص وازود بنزين تقوم نطة وتشتغل
او وهيا لسة واخدة سرعة ادوس بنزين تقوم شغالة وتشتغل
فى الحالتين مبدورش المفتاح
ياترى دى طرمبة ولو طرمبة
انة افضل استيراد ولا جديد
ولا تتصلح
-
معتقدش ان دي طرمبة خالص...
ممكن البطاريه او الدينمو يعملو كده وممكن حساس الايدل او الشكمان يعملو كده....
تحياتي
Sent from my SE Arc S using Forum Runner
-
انا من راي د/حازم
مش لازم تكون طرمبة
دة غالباً عيب في الكهربا والأرجح انها تكون البوبينة
هل بتعتل معاك في الدوارة الصبح
وممكن يكون عيب من الاسبراتير
وممكن يكون عيب من سلوك البوجيهات
مش هيخرج عن كونه عيب كهربا
اكشف انت بنفسك عليها. مش لازم تروح لميكانيكي
وبردو اكشف علي الطرمبة البنزين ممكن تكون بتقطع وترجع تاني
اكشف علي الحاجات اللي قولتلك عليها وقولنا وصلت لأيه
واحنا معاك واحدة واحدة
تحياتي
والله المستعان
،
،
-
اكشف على ديرة الكهربا بالكامل
شرحك بيوصل لأنها طرمبة
وهيا ببتجاب أيستيراد وجديد وببتتصلح بالتنظيف
-
طيب نصلى على النبي
وهابحث على النت كيفية التجربة فى الحاجات اللى انتم قولتوا عليها ونشوف
-
شيك على توصيلات كهربة الطرمبة...
-
دة غالباً عيب في الكهرباء
وبالاخص هى البوبينة لان عداد rpm متصل بيها علشان كدة لما بتقطع عداد rpm بيفصل
-
حصل معايا حاجه مشابهه و كان السبب كابلات البطارية مهربه و محتاجه تتنظف كويس
Content Relevant URLs by
vBSEO 3.6.0 PL2