-
معلش يا حوبي ربنا يعوض عليك خير ان شاء الله
نصيحة :
بس ادفع 4000 جينيه دول في التوكيل احسن ماتدفعهم برة
-
الف سلامة عليك اولا وربنا يسترها معاك ومعانا ويكفيك شرها ويعطيك خيرها ويعوضك عن هذا خيرا إن شاء الله
-
لا حول ولا قوة إلا بالله..ربنا يعض عليك ان شاء الله..
بص انا رأيي خليك مع التوكيل اضمن وهيرجعها جديدة لو هتدفع 20% من قيمة الإصلاح يعني مثلا هيبقى في حدود 4000-4500 جنيه مثلا..أما لو هتعملها برا مثلا هيبقى التكلفة الإجمالية بردو في حدود 4000 جنيه فهي هي يبقى التوكيل أحسن..
أما في حالة لو التوكيل استهبل وكدا يبقى اتوكل على الله واعملها برا عند حد نضيف ومش هتتكلف ربع المبلغ بتاع التوكيل دا طبعا بيستهبلو..
وربنا يعوض عليك.
-
اولاً : حمداً لله على سلامتك.
ثانياً : معظم الأعضاء حددوا قيمة الاصلاح ب 4000 جنيه ودى برضوا زى ماقالوا هى هى ال 20% من 20000 يعنى هاتظبط العربيه فى التوكيل - قطع غيار أصليه - ترييح دماغ من الجرى و متابعة الصنايعية-الاستفاده من التأمين اللى حضرتك بتدفعه.
وربنا يعوض عليك بالخير .
-
اعملها في التوكيل والتامين هيخفض المبلغ ده بعد موافقتك علي المقايسة
-
احسب الموضوع بالورقة و القلم...
انت مع التوكيل و التامين هتتكلف 3800 جنية.... و برة التوكيل هتتكلف نفس المبلغ تقريبا يعنى ماديا هى هى (مع ملاحظة انك السنة اللى جاية هتخسر خصم عدم المطالبة و انت بتجدد بوليصة التامين)
الاسئلة الاهم هى:
هل الصنايعية اللى برة التوكيل (سمكرة و دوكو على الاخص) بنفس كفائة و خبرة اللى جوة التوكيل؟
هل المعدات المستخدمة جوة التوكيل (مكن استعدال و افران رش) زى اللى برة التوكيل؟
هل قطع الغيار اللى هتتركب فى عربيتك جوة التوكيل زى اللى برة التوكيل؟ (اصلى مقابل تايوانى و صينى او استيراد علما بان التوكيل بيرمى القطعة التالفة مش بيصلحها او يلصمها)
هل خامة البوية المستخدمة فى التوكيل زى برة؟ (فرق درجة اللون و الخامة اول حاجة بتعيب العربية المرشوشة)
هل وجود عربيتك فى التوكيل زى وجودها فى ورشة فى الشارع من ناحية الامان؟ (مفيش حاجة هتتقلب ولا تتسرق ولا يتعل بيها مشاوير كدة ولا كدة)
اعتقد الاجابة هتبقى لا على معظم الاسئلة ان لم يكن كلها... عربيتك موديل 2012 فا انا شايف من رائى بلاش تبهدلها عند صنايعية برة و اعملها فى التوكيل... التكلفة واحدة لكن النتيجة فى الاخر تختلف اختلاف كبير جدا
كدة كدة برة هتلاقى تفسك بتشترى حاجات مش اصلية زى الكبوت و الفوانيس مثلا او هتحول تصلح و تستعدل حاجات زى الاكصدام و مفصلة الكبوت و صاجة الفرن الخ... بعد ما تخلص العربية الحاجات دى عمرها ما هتبقى زى الجديد حتى لو شكلها مش باين انت هتبقى نفسيا مش مستريح و حاسس ان العربية مش زى الفابريكة
يكفى اساسا انك مش هوجع دماغك بالعربية و هى بتتصلح مابين عايز توديها لسمكرى و كهربائى و ميكانيكى و بتاع دوكو و تجرى ورا صنايعية عشان يخلصوا شغلهم و تتابع كل واحد عشان محدش يكروت ولا يبوظ حاجة و كمان تلف على قطع غيار و مستلزمات للعربية و تلف على محلات و تقارن اسعار دة و دة و دة... انت فاهم طبعا الحوار بيبقى عامل ازاى فى الحالات دى
انا معاك ان التوكيل بيبالغ فى الاسعار و الحاجات اللى عايز يغيرها بس دة فى مقابل ان مش هيبقى فيه اى قطعة متصلحة او متلصمة... يعنى لما تفتح الكابوت و تلاقى ودان الفوانيس متلزقة بامير و صاجة الفرن باين فيها اثار الدق عشان تتعدل و فتحة الكابوت نفسها مش تمام عشان المفصلة مرجعتش زى الاول و يمكن يبقى فية عوجة خفيفة فى سربنتينة التكييف او مرحلة سنة من القاعدة الى بركب فيها... الحاجات دى هتفضل تضايقك طول ما انت معاك العربية و هتفضل تفكرك بالحادثة
للعلم برضة انا كنت فى قصة زى كدة و المقايسة طلعت 18000 انما التكلفة الفعلية فى الاخر طلعت 13000 فا الرقم اللى بتتكلم فية احتمال كبير اوى يقل
MMamdouh
-
حمد الله على سلامتك
وربنا يعوض عليك
وأنا مع من أيد التصليح في التوكيل
وربنا يوفقك للي فيه الخير
-
على الرغم من المبالغة فى السعر خليك مع الوكيل... على الاقل هتاخد ضمان على الحاجات اللى هتتعمل... لكن برة اعمل واجرى
-
العربيه زى الفل ولو هتتعمل برة مش هتكلف كتير خالص
مثلا كبوت استيراد 600 جنيه حاله ممتازة
كبوت تايوانى زى الفل 375 جنيه -مركبه عندى ومستحمل وجامد جدا
فانوسين استيراد حاله الزيرو 350 جنيه
بس طبعا لو فيه تامين خليك مع التامين افضل
-
ربنا يعوض عليك انا من رأيي لان ده حصل معايا تعملها في التوكيل وتتحمل ال 20% وخلاص لان شغل التوكيل صعب جداا تلاقيه بره وبالزات لو عربيه زيرو عشان الامكانيات اللي عندهم اكيد في ناس هتقولك الحرفيين والكلام ده والتكلفه اقل بس انا اعتقد ان التوكيل اأمن لانك بتستلمها زي ماكانت معلش ربنا يعوض عليك وادفع ال 20% واعتبر انك مش مأمن وهتصلحها بره بال 20 % وخلاص
Content Relevant URLs by
vBSEO 3.6.0 PL2