هي سيراتو كوبيه ليها رجلاش فرامل خلفيه ؟؟؟

**kofta** · 20-02-2013 03:54 AM

المشاركة الأصلية كتبت بواسطة dr.oun

انا الفرامل عندي قويه بس فيها واطيه

يعني لازم ادوس شويه عشان العربيه تفرمل

روحت لميكانيكي قالي مفيهاش حاجه

بس انا متأكد ان الفرامل اختلفت و بقت واطيه شويه

و سألت عرفت ان الهاند لو خفيفه فرامل العجلات الخلفيه بتبقي ضعيفه فبتضعف الفرامل ككل

انا حاسس كدة ان ده عيب سيرفو طالاما البدال واطى معاك لان عندى نفس المشكلة ديه فى عربية تانية السيرفو بتاعها مش كويس فالبدال بتاعها واطى و فراملها مش حلوة
فى انتظار باقى اراء اهل الخبرة

**moha4tec** · 23-02-2013 09:01 AM

المشاركة الأصلية كتبت بواسطة kofta

انا حاسس كدة ان ده عيب سيرفو طالاما البدال واطى معاك لان عندى نفس المشكلة ديه فى عربية تانية السيرفو بتاعها مش كويس فالبدال بتاعها واطى و فراملها مش حلوة
فى انتظار باقى اراء اهل الخبرة

دا مش طبيعى غوصان الدواسه على طول كده و ضعف الفرامل و ان العربيه متجبش 160
المشكله كلها فى الفرامل عندك .
انا كانت العربيه ممتازه لحد امبارح .
رحت اشوف صوت صفاره فيها من التيل و الا اه

المهم غيرلى تيل امامى و خلفى ..............
ببص لقيت لمبة ال abs نورت ههههههههههههه
و ببص لقيت التيل قافش و العربيه تقيله مووووووووووووت عن الاول .و طلعتها بطيئه خالص .
و بعد شويه اللمبه طفت بس العربيه تقيله و الدواسه بتغوص و الفرامل رايحه فى داهيه .
حاسس بانهيار ................
متدايق جدا و فهمت كلامك عن الفرامل بتاعتك .ليك حق فعلا تقول ان فرامل السيراتو وحشه
بس الحقيقه ان بقى عندنا مشكله فى الفرامل .
و لازم تتحل بسرعه عشان التيل هيخلص و هتاكل الطنابير دا غير موضوع الدواسه .

**moha4tec** · 23-02-2013 11:29 AM

المشاركة الأصلية كتبت بواسطة AhmedNaeem

تقول امتي ان فرامل اليد محتاجة رجلاش لما تكون ضعيفة عند الشدة الخامسة
قبل كده مش محتاجة حاجة خالص
اما لو خلتها تمسك عند التانية او الثالثة يبقي اكيد هيكون في احتكاك وسخونة وتاكل لتيل الفرامل
اما حوار لمبة abs فبصراحة مش عارف
والله المستعان

+111111111111
معاك حق
لمبة abs طفت مع اول لفه 200 متر مع الفر امل و ال absاشتغل مع التراب .
غوصان الدواسه و ضعف الفرامل غالبا فى هوا فى الفرامل
هعمله انهارده باذن الله
تفريغ الهوا فى فرامل السيراتو
تدور و تكارك . و بعد كده تفتح تاخد هوا بالترتيب الاتى :
بيبقى العجله الشمال فى الخلف
ثم الماميه يمين
ثم خلفيه شمال
ثم اماميه شمال
و باذن الله تتحل المشكله .
و لازم قربه زيت الفرامل تبقى مليانه على الماكس .و لما تخلص تملى اللى نقص لحد الماكس فقط
و الله اعلم

**moha4tec** · 23-02-2013 11:39 AM

معلش على الخطا :
التصحيح :
تفريغ الهوا فى فرامل السيراتو
تدور و تكارك . و بعد كده تفتح تاخد هوا بالترتيب الاتى :
بيبقى العجله اليمين فى الخلف
ثم الاماميه شمال
ثم خلفيه شمال
ثم اماميه يمين
و باذن الله تتحل المشكله .
و لازم قربه زيت الفرامل تبقى مليانه على الماكس .و لما تخلص تملى اللى نقص لحد الماكس فقط
و الله اعلم
فيما يلى شويه اختبارات لمعرفة هل الفرامل تعمل بكفاءه ام لا .

**moha4tec** · 23-02-2013 11:40 AM

كما بالصوره

**moha4tec** · 24-02-2013 08:40 AM

المشاركة الأصلية كتبت بواسطة AhmedNaeem

فين الاختبارات....

هنا فى الموضوع دا
http://www.nilemotors.net/Nile/337754-a.html

**moha4tec** · 24-02-2013 08:41 AM

المشاركة الأصلية كتبت بواسطة kofta

ﻻﻻ انا مش عندى حاجة فى فرامل السيراتو انا بتكلم على عربية تانية فيها نفس مشكلة غوصان البدال ده عشان فيها عيب سيرفو فانا كنت بقول ان ده يبقى عيب سيرفو و الله اعلم
ربنا يسترها فى طريقنا كلنا و يبعدنا عن شر الحوادث
بس برضو انا مش عجبانى بصراحة فرامل السيراتو عمتا جربتها كذا مرة فى مواقف حرجة و مش بتمسك كويس معايا و البدال بيعد يترعش كدة و العربية بتكمل مشى و مش بتمسك فى الارض خالص فده انا شايفه عيب بصراحة انا جربت فرامل لانسر كانت مع صحبى و abs كمان و بتمسك جامد عنها بكتير

الدواسه بترعش عشان ال absاشتغل و هو عامتا بيعمل كده فى الميه او التراب و الرمل .غير كده بتقف عادى جدا

الموضوع: هي سيراتو كوبيه ليها رجلاش فرامل خلفيه ؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

فرامل سيراتو كوبيه بتخف

رجلاش فرامل اليد في الياريس

هيا عصاية الهاند بريك فين؟؟؟ وكمان ليها فتحات تكييف خلفيه زى الالمانى

لخبراء الدايو واهل الخبرة ...... هل الدايو ليها مسمار رجلاش للعلبة الدريكسيون؟؟؟؟؟

رجلاش فرامل اليد

الكلمات الدلالية لهذا الموضوع

المفضلات

المفضلات

ضوابط المشاركة