-
استفسار من خبراء vw
انا والدي معاه باسات 2008 هاي لاين 1600 fsi وبقالة فتره بيشتكيلي من سحب العربية المهم قلت النهاره اخدها اجربها بصراحه انا تصدمت العربيه تقريبا مابتمشيش ، حالة العربية تتلخص في الاتي ، تجميع العربيه زفت زفت زفت ، ومافيش كيك دون اصلا و زي ماتكون مخنوقة وصوت الموتور عالي جدا و بتنقل بعد ما بتحرق اوي حتي لو مش دايس علي الدواسة جامد
اسف لو كنت طولت عليكم واتمني منكم مساعدة
-
والله أنا هقول لحضرتك على أد معلوماتى و على أد خبرتى المحدودة جداً فى عربيتى البولو إلى ممكن يكون فيها وجه شبة مع الباسات بما إنهم شركة واحدة .
هو تقريباً كان عندى شبة الى حاصل عند والدك دا بس بإختلافات طبعاً , فانا حابب أشارك عشان أقولك إن ممكن يكون المشكلة بسيطة و الواحد يكون مفكرها ياما هنا ياما هناك , القصد إن ممكن تكون علبة الشكمان عمرها انتهى وبقت عدمانة العافية و عايزه تتغير و دا الى حصل عندى ( و دى تعرفها بإنك تكتم الشكمان بإيدك خالص لو حسيت إنة لسه بيطلع هوا كدا من مكان تانى تسريب يعنى يبقى الشكمان مخروم عايز يتلحم او علبة الشكمان عايزه تتغير ودا ممكن يكون سبب من الأسباب , أما لو لقيته زى ما يكون بيشفط إيديك شوية كدا يبقى الشكمان سليم ) الحاجة التانية , البوجيهات و سلوكة روح برده لميكانيكى كدا يبصلك على الماتور , إحتمال برده يطلع بوجية أو أكتر عايز يتغير أو سلك بوجية عايز يتغير زى ما حصل عندى الأيام دى برده , و برده ممكن يكون دا سبب من الأسباب و الله أعلم
لأن أنا العربية معاية كانت تقريباً عاملة حاجة شبة إلى انت بتقول علية مخنوقه و مهما أزود بطيئه جدا و الماتور كان بيهرتل كدا و بيرج جامد و المشكلة كانت فى الحاجات إلى قولتلك عليها
و ربنا يوفقك وتوصل لحل المشكلة و تبقى معاكم أحسن من الاول إن شاء الله
تحياتى
-
امتي اخر مرة غيرت زيت الفتيس
امتي اخر مرة عملت سيرفيس ودة يتلخص في الاتي
امتي اخر مرة غيرت بوجيهات
اخر مرة غيرت سلوك البوجيهات
اخر مرة غيرت فلاتر (بنزين وهوا)
اخبار استهلاك البنزين ايه
وياريت لو امكن تقولنا الصيانات كانت علي قراءة كام كيلومتر ودلوقتي العداد عامل قراءة كام كيلومتر
والله المستعان
،
،
-
أظن الموضوع له علاقه بالبنزين، مواتير ال fsi محتاجة بنزين 95 وإستخدام بنزين قل أوكتان ممكن يسبب أضرار شبيهة بما تتحدث عنه بعد فترة.
-
ده غالبا المشكله لاما تكون فى الفتيس ده لو الغيارات بتفوت
او البوجيهات وفلتر الهواء بيظين خالص
او الشكمان مكتوم
ارجو زياره مركز صيانه فى شارع البخارى الحى السابع مدينه نصر
اسم المركز الالمانيه سيرفيس سنتر
Content Relevant URLs by
vBSEO 3.6.0 PL2