الموضوع: هو للدرجادى مستعجل ؟

المشاركة الأصلية كتبت بواسطة حماده المصري

في ناس سواقتها تنحه غريبه الشكل

ليا صاحبي علطول ماشي بالنور العالي يبني حرام عليك لا انا بحب العالي

يبني انت مبهدل الي قدامك يرد يقولك دي مشكلته

لو حد مزنوق وعايز يطلع قدامه ممكن يخبطه ولا انه يعديه وحاجات غريبه كتير

تقريبا عقد ولا ايه محدش عارف

والله الناس بقت غريبه بتدور على الغلط وتعمله والنصيبه انه بيبقى حاسس انه عادى وكويس

المشاركة الأصلية كتبت بواسطة aldesha989

السلام عليكم

النهارده وانا راجع على البحر من مشوار طويل

كنت ماشى قدام مكتبة اسكندريه وبعدين كنت هخد الحاره اللى قبل الشمال بواحده

وها مستعد خلاص هروح لقيت عربيه طلعت من تحت الارض فى المرايه وكأنها فى الشنطه عندى وفجأه بقى قاعد جنبى
وفجأه بقى قاعد على حجرى
قصدى قدام الكبوت يعنى ما تفهموش غلط

وفجأه لقيته روح بيتهم

وبعدين لقيت واحد تانى برضه بتيوتا كرولا 2005 بتحدف عليا يمين اخدت معاه يمين وبقيت انا وعربيه جيب قدامى وخلاص لو قرصت فرامل الله اعلم مين ورايا ولو طولت هلبس فيه روحت واخد بقيت الغرزه مع التيوتا كرولا فى ديله ولقيت ميجان بتذمرلى علشان كبست عليها وكان هيبوسنى من ورا

بس بجد ايه الغباء اللى احنا فيه ده فى السواقه وراك ايه يعنى علشان تشد وتسحب بالشكل ده انا اخرى على البحر 80 ده يوم ما اقول انا كده بجرى

ولو البحر فاضى خالص بيبقى كبيرى ال 100

ولو الطريق عادى بيبقى اخرى 60

فى ايه بقى والناس مستعجله كده ليه

اولا التعليق بتاعك دمه خفيف

ثانيا عملت ايه فى مشكلة عربتيك اللى كلمتنا عليها من كام يوم

المشاركة الأصلية كتبت بواسطة Sehsss

ابتسم فأنت في المحروسة

المشاركة الأصلية كتبت بواسطة wael30003

اولا التعليق بتاعك دمه خفيف

ثانيا عملت ايه فى مشكلة عربتيك اللى كلمتنا عليها من كام يوم

انهى واحده والله نسيت من كتر المشاكل

المشاركة الأصلية كتبت بواسطة Deshahcoka

المووضع ده بقى مستفز قوي !!! انا اصلا بعرف اجري و ياما شديت و مشيت 180 على البحر و عادي يعني

بس بعد كام يوم و الحوادث الي بنشوفها بتلاقي انها مش فارقة لو روحت نص ساعة متاخر يعني مكسبتش حاجة يعني

فبقيت امشي 80 100 120 كدة من غير حرق و كبس و فرامل جامدة يعني حسب الترايق تقدر تقول سواق مركبية كدة بس مش الي بيطوحوا لا الي ماشين مع التيار الدنيا فضت تزود الدنيا زحمت تبتدي تهدي من قبليها و كدة يعني !!!

دايما ابقى ماشي في امان الله كدة القي الناس عاوزة تلبس فيا !!!! يعني الي ورايا كابس و الي جنبي كسر عليا و الي قدامي بيفرمل بدون اي سبب و تبتدتي دمك يتحرق و تسخن على واحد جه كسر عليه و شد و كان حليلبسك في عربية او جزيرة كدة يعني ! تجري تبصله هوا ولا هنا و في الطراوه !

الحل انك تكبر دماغك و تسوق و انتا شاربب اربعين كباية لمون و في قمة التناحة و البرود ! و ايكش الي يكسر عليك يكسر و ايكش الي يشتمشك يشتم كدة يعني حتكسب بدل ما تحرق دمك على الفاضي

حتى ابن خالتى عملها معايا امبارح هههههههههههه

مره واحده لقيت فرمل ووقف وانا فاتح وراه لانه كان فاتح وانا الكاوتش عندى ابن كلب ففاتحين على الطريق سوا وعلى ما وقفت كان قلبى نزل فى رجلى قولت مش هتقف وقعدت افرمل تلات مرات علشان تقف وما تتزحلقش

وعملها فيا ابن التيت واحنا راجعين من عزبه سعد عايز اخلع منه او كنت همشى جنبه لان الطريق فاضى
لقيته قفل عليا يمين وبرضه للاسف كنت فاتح الدركسيون لفه لفه صغيره وسمعت العجل بيتزحلق بس كبست بنزين علشان العربيه تفك وربنا سترها وكنت هفتح نفوخه اول ما نزلنا

والله للاسف ماحدش بيعرف يسوق وكله واخدها فهلوه

انا هشرب اتنين عرقسوس وواحد سم هارى واتنين برشام تناحه واكبر مخى