تجربة مفيدة بس أنا بحب معالجة العيب من أساسه حتى لو هفك الموتور كله :)
عرض للطباعة
تجربة مفيدة بس أنا بحب معالجة العيب من أساسه حتى لو هفك الموتور كله :)
الحاجات دي بالظبط زي الابر المسكنه مش اكتر....
تحياتي
Sent from my SE Arc S using Forum Runner
انا متفق معاكوا تماما ان التسريب يتم معالجته من الاساس,
لكن احيانا بتكون عملية مكلفة لبعض الناس و خصوصا لو كان كاوتش الصباب او اويلسيه فى مكان يستلزم فك حاجات كتير للوصول اليه, و احياناً بيكون التسريب بسيط جداً و تكلفة التصليح عالية و بالتالى الواحد بيضطر يسيب التسريب بدون علاج غالباً لاسباب مادية
ألف مبروك على تغيير كاوتش الصباب ياباشا..كنت عايز أسألك كلفك كام تغييره؟ وطبعا عملت روديه للصبابات صح؟
جبت طقم جوان موتور شامل كاوتش الصباب عشان عندى شوية جوانات مسربة 120 جنيه
كاوتش الصباب لوحده يعمل 35 جنيه تقريبا لو مش عايز تجيب طقم الجوان, بس هتجيب جوان وش سلندر و جوان مانيفولد و جوان فرن شكمان و جوان غطا تاكيهات
و يفضل لو تجيب زيت و فلتر جديد بالمرة
اجرة الميكانيكى 300 جنيه و عملى شوية شغل كدة بخلاف موضوع كاوتش الصباب, الميكانيكية عموما على حسب ما سألت ما بين 200 و 400 جنيه, الميكانيكى كل شغلته فك و تركيب وش السلندر فقط
اجرة خراط 150 جنيه و هو اللى بيعمل روديه للصباب لازم عشان اتفك من مكانه
لو هتغير سيور او طرمبة مياه او بوجيهات او ... على حسب ما هتجيب
يبقى التكلفة الاساسية بالنسبة لى: 300 + 120 + 150 = 570 جنيه, و اى حاجة تانى هتجيبها هتضاف