واحد جه حط عربيه خضار تحت عمارتنا !!!!! اعمل فيه ايه دا؟؟؟؟؟؟؟؟؟؟

**Land_Cruiser** · 20-02-2013 07:14 PM

اعمل كذا حاجه فى وقت واحد : محضر فى البلديه مش هتخسر حاجه بالاضافه الى موضوع الغسيل اللى بينقط عليه ده

**lanos2004** · 20-02-2013 07:45 PM

طالما عربيه خضار
يبقه اعملوة سلطه

**lanos2004** · 20-02-2013 07:48 PM

المشاركة الأصلية كتبت بواسطة blazer

انا عملت الى على ونزلت كلمته
قلتله ,, السلام عليكم ,, هو انت العربيه بتاعة الخضار دى ناوى تسيبها تحت العماره علطول كدا ؟
قالى معلش اصل المكان التانى مش عارف احط فيه الحاجه و فضل يحور على بلكلام
فقلتله طب واحنا نركن فين ,, مفيش اماكن فاضيه نقف فيها

قالى معلش تعالى اركن مكان ما انا كنت واقف!!!!! وانا هاخد بالى من عربيتك و توقف زى مانت عاوز
طبعا رحت قلتله ,, طيب شكر ,, وسلام عليكم ومشيت

لانى عارف انى لو طولت معاه مش هاخد اصلا حق ولا باطل

وان الناس سلبيين ومحدش هيقف معايا او هيكلمه غيرى واحتمال كبير يطلعونى انا الى غلطان

خلينا احنا كدا ندفع جمارك وضرايب وتراخيص ومخلفات و نمشى فى طرق مكسره ومفيهاش امان وكارتة طرق وقطع غيار مضروبه وكمان نحط بنزين غير مدعم وفى الاخر متعرفش تركن عربيتك ,,, حسبى الله ونعم الوكيل

انته تعزل وخلاص

**ابو ندى** · 20-02-2013 10:37 PM

المشاركة الأصلية كتبت بواسطة algazar2

بلغ الشرطه يا باشا بس من غير ما تقول انت مين ممكن حظك يكون حلو و يعملوا حاجة او لو ليك واسطه يبقى تستخدمها بقى لان الناس دول مش هيجوا غير بكده

لو بلغت الشرطة بعد مكلمته هيقول انت الى بلغت خلاص ماينفعش دلوقتى

فوض امرك لله واصبر على جارك السو يايرحل ياتجيلوا شوطة تاخده

**Ahmed_Adham** · 20-02-2013 11:07 PM

واحد عمل كده عند حمايا قام حمايا كل يوم يفضي جردل ميه التكييف عليهم ويدلق من غير ما يبص وزي ما تيجي تيجي لحد ما ممشيو.

**Y a r i s** · 20-02-2013 11:50 PM

خلي بالكو محدش هيقدر يفكر بالحل الامثل غير لمن تتخيل نفسك مكان صاحب الموضوع ... ده انا لو كنت مكانوا كنت هتجنننننننننننننن !!

بس اكتر كلمة. دحكتني وفقعت مرارتي هيا ان سكان العمارة بينزلوا بيشتروا منوا ... وحصلت معايا قبل كده تيبكل انا واقف بتخانق مع بياع تحت البيت انوا واقف تحت البيت بينده ومصدعنا وفي عز معمعة الخناقه ولقيت مرات عمي المصون فتحت الشباك من فوق وهيا بتنده عليا. والنبي يا محممممممممممممد قولوا بكام الكيلوووووو !!
لا ومدلدلة السابت كمان طبعاً الراجل لقيتوا ساب زمارة رقبتي وبيقولي ياعم اووعه بقه خلينا نشوف اكل عيشنا

ههههههههههههههه
طبعاً كان شكلي وووووحش

**blazer** · 21-02-2013 04:09 AM

المشاركة الأصلية كتبت بواسطة y a r i s

خلي بالكو محدش هيقدر يفكر بالحل الامثل غير لمن تتخيل نفسك مكان صاحب الموضوع ... ده انا لو كنت مكانوا كنت هتجنننننننننننننن !!

بالضبط كدا
تخيل ان انت حصل معاك نفس الموقف وفى ظروف مشابهة
انت راجل محترم ,, مهما كان مش هتنزل لمستوى واحد انت عارف انه قليل الادب واسهل حاجه عنده الخناق والشتمية
وان سكان عمارتك سلبيين و برده مش كويسين فى حجات كتير وانت اصلا خلقه قرفان منهم
هتتصرف ازى !
ما لو دلقت عليه حاجه او نزلت اتخانقت معاه هتقل من قيمة نفسك و هيقل ادبه عليك او يكسرلك عربيتك وممكن يكسرك انت شخصيا !!!!!!!

**Y a r i s** · 21-02-2013 05:42 AM

معاك حق ياباشا
بس تصدق انتا قولت الحل وانتا مش واخد بالك ... عارف الاشكال الوسخة دي مينفعش معاها غير طريقة اربعه خمسه ستة ... والي هيا كنا بنعملها زمان ... زمان لمن كنا صغيرين مش كنا بنطلع فوق السطح ونحدف العربيات بالزلط والطوب ههههههههههه ... ياعيني كان في محل قصب قدمنا هرينااااااه تلطيش ورشق بالطوب ولغايت دلوقتي معرفش اننا احنا الي كنا بنحدفوا

وحتى في الاسكندرية لمن تكون راكب التراااام او القطر مش بتلاقي الكومسري فجئة صرخ بعلووو صوتو وهو بينبه الركاب وبيقول بعلو صوتو : ( انبطحوووووووووووووو) وهوبا تلاقي زلط على قزايز كاكولا على بومب على كياس ميه وقصف من كل حته ، العيال ولاد التيت بيحدفوا القطر وهو ماشي ههههههه

فالفكرة والخطة دي اربعة خمسه سته سبعة دي. ... تتلخص في الاتي كل ساعة او ساعتين على حين فجئة تملى كيس ميه ساقعة في الشتا وسخنه في الصيف ومن غير ماحد يشوفك وزيوووووو من فوق السطح وادارى بسرعة ... ولو حد اتكلم ولا شتم عادي ولا كانك سامع حاجة عيال وبتلعب هههههههههههه

**Karim_Monir** · 21-02-2013 02:01 PM

في شارع جمال عبد الناصر الرئيسي
وقفت عربية زي دي
قدام محلين
قفلو عليهم
اصحاب العمارة والمحلين معرفوش يمشوهم
وجابو بلطجية يحموهم
اصله بيكسب كتير جدا من الوقفة دي
لا انت ولا غيرك هاتمشية خاصة لو علي شارع عمومي
واحذر لان لما قامت خناقة عندنا
كان فيها دم
ومفيش اي رادع

الموضوع: واحد جه حط عربيه خضار تحت عمارتنا !!!!! اعمل فيه ايه دا؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

واحد خبطني وجري... اعمل ايه؟؟؟

خضار بأقل من السعر (مش فاهم)

استفسار من واحد اول مره يشترى عربيه ... ارجو المساعده

مشكله في عربيه واحد صاحبي الانوس 2؟؟؟

عربيه صديقة للبيئة بقوة حصان واحد!!!!

الكلمات الدلالية لهذا الموضوع

المفضلات

المفضلات

ضوابط المشاركة