السلام عليكم ورحمة الله وبركاتة
انهارده لاقيت واحد حاطط عربيه خضار تحت بيتنا قلت مش مشكله يمكن هيبيع ويمشى
رجعت متاخر دلوقتى لاقتيها محطوطه مكانها ومتغطيه وتقريبا بتاعة ناس كانو فاتحين محل خضروات العماره الى قدمنا ومعروف عنهم انهم ناس اخلاقهم زباله! ومعروفين انهم بتوع قله قدب وكل اسوبع لازم يتخانقوا مع اى حد وخلاص وانا بتجنبهم تماما
اعمل فيهم ايه دول !!!!!!
انا عارف ان الكلام بالذوق مش هيجيب اى نتيجه وهقل من قمتى اما اكلم اشكال ضاله زى دى
ايه التصرف الصح ؟
التصرف الصح ان انت تكلم البلديه تقريبا اسمها كده يجوا يشيلوا العربيه بصاحبها بس فى الوقت ده صعب شويه ان حد يعمل اى حاجة
للاسف يا باشا
ناس بتتقتل دلوقتي وما حدش بيعبرهم …
فاعتقد انك هتستحمل شويه لحد ما يكون لينا قائد قوي يقدر يحكم البلد بالقانون
ماهو لو سكت يبقى بعد كده لمن تقولوا امشي
هيقولك مش هنمشي هو يمشي ... مش هنمشي هو يمشي ... وانتوا كسكان عمارة هتغنوا وتقولوا ارحل يعني امشي يمكن مابيفهمشي هههههههه ... ياباشا. دي بقت مووووووووووووولد وصحبوا غايب ومش عارف ايه حكاية الموضه الي طالعة. اليومين دول في حكاية عربية الخضار طب قول انتوا عندكو عربيات خضار احنا عندنا في اكتوبر. كل واحد يجيب قفصين. ويحطهم. ويبيع وشوية شوية القفصين يبقو عشرة. والعشرة يبقو ١٥ وهكزا ... ولا قشر الموز الي بيتاكل وبيتحدف على الارض كانهم بيحدفوا قشر لب مش قشر موووز
المشكلة ان بعد كده تيجي تدور على ركنه لعربيتك متلقيش وان لقيت هتبص تلاقي بتاع الخضار يجي يكلمك ويقلك لو سمحت. بعد ئذنك روووح اركن بعيد علشان ده باب ررررزق هههههههههه
اقتباس:
المشاركة الأصلية كتبت بواسطة y a r i s
عندك حق و الله يا باشا و مش عارف هنلاقيها من الناس دى ولا من سواقين التكاتك ولا من مين ولا من مين
التكاتك دلوقتى بقت فى كل حته مش سايبين انا مش عارف بيزيدوا كده ازاى
اقتباس:
المشاركة الأصلية كتبت بواسطة algazar2
وباء ضرب مصر زي الطاعون والكوليرا
وبعدين انتا فكرك ان ازمة البانزين دي جت من فراغ ... شوف كمية التكاتيك والموتسيكلات الي ماشية تحرت ليل نهار في الشوارع كل ده سبب ضغط على ميزانية الدولة ... ومع ذلك زي ما انتا عارف حضرتك الغلابة بالنسبة للدولة خط احمر ... بس الغلبان سواق التوك توك بيطلع بالمييييت في اليوم ١٠٠ جنيه يعني في الشهر ٣٠٠٠ جنية ده ياترى يبقى غلبان والمفروض ياخود بانزين مدعم يبقى باي منطق الحكومة بتدير الدولة دي !!!!
لكن كمان الحكومة معزورة ... الناس مش راضيه تهمد وهايجه ليل نهار في الشوارع ومظاهرات واعتصمات وهيجان وفوضى وبياعين الخضار والمتجولين والبلطجية بيغزوا الشوارع. ولو الشرطة كلمتهم هتبص تلاقي واحد فلحوس مطلع كميرة الموبايل من جيبوا ويصور ويقول شوفوا الشرطة ازاي بتطهد الشعب وبتسحلهم هههههه فلاكده عاجب ولا كده عاجب والمستفيد الوحيد للفوضى دي الي احنا فيها هما الناس المحتليين للارصفة امثلة بياعين الفاكهة. دول
انتا عندك حتى السايس الي كنا بنعطف عليه ونقول غلبان كل واحد جاب قرطاس وبقى اي عربية تطلع يحط طوبة. او يحط قفص او القرطاس الاصفر. وممنوع حد يركن منوا لنفسوا لازم يستنى لحد ما يجي السايس بجلالة قدروا ويشيلك الطوبة الي هو حاططها او القفص علشان تطر تدفع من سكوات :)
وانسى يا بابا. تدفع ربع جنيه ونص جنيه ولا حتى جنيه الكلام ده كان زمان قبل الثورة. بس النهرده سعر الدولار غلي والوقفه بخمسة جنية وهيا دي التسعيرة الجديدة !!!
ههههههههههه
عجبت ليكي يا بلد ...و صحيح مين الي كان زمان كان حاطط في توقيعوا كلمة بلد الفيستك بيستك :)
يا باشا روح جمع سكان العماره الرجاله منهم واتفق معاهم وانزل مشوا . والشارع مش ملكه ومتسيبهوش الا وهوه سايب المكان
متتكلمش انت لوحدك معاه عشان متبقش فى وشك أنت بس وتبقى مشكله الزبال ده معاك انت شخصيا
و الله عندك حق و تفهم الناس يقولك دى ناس غلابه بياكلوا عيشاقتباس:
المشاركة الأصلية كتبت بواسطة y a r i s
و الله ده احنا الى غلابه قصادهم
الى عايز ياكل عيش مبيبقاش بلطجى و الامثله ليهم كتير لكن التكاتك الى بقت زى الهم على القلب و فى كل حتى مش المناطق العشوائيه بس زى زمان بقوا دلوقتى فى شارع الجزاير و ميدان الجزاير فى المعادى و شارع فلسطين و شارع النصر و شويه هيروحوا عند مؤمن و عند كالتكس الى فى اول الطريق و الله كنت بخاف امشى من هناك من 4 سنين بال 127 و كانت سليمه عشان تفتيش الامن و المتانه و الكشف على العادم لكن دلوقتى بقى كل شئ مباح و متاح
و على رايك البياعين و الفلاحصه بتوع الموبايل البياعين فى وسط البلد دلوقتى بقوا واخدين حارتين من الطريق من ناحيه و حاره من الناحيه التانيه و الطريق حاره واحده و الراجل يتكلم ولا يفتح بوقه بقوا ولا حكومه تهم ولا سجن يلم و اخر قله ادب من فتره كده من شهر كان فى بين البياعين دول حرب شوارع فى وسط البلد فى ممر الشواربى و شارع طلعت حرب و لحظى السئ كنت هناك كان ايه بقى مولوتوف و خرطوش و الى و تشكيله متميزه من الاسلحه البيضاء حاجة معتبره و كله بيضرب على كله و متعرفش ايه الحكايه و فعلا السايس بجلاله قدره هناك و فى كل حته و حتى لو هربت منه و انت بتركن و مكانش موجود هتلاقيه طالعلك من تحت عربيه و انت طالع من الركنه و فى حته مش محتاجه سايس اساسا و شارع جانبى و اقل من 5 جنيه مينفعش و لو اديتهاله فكه ممكن يعترض كمان :) طبعا كل ده من غير ما تشوف فرد امن واحد فى اليوم ده كانه حاجه مدبره و معروفه و معروف معادها و مكانها
بلد بقت احوالها غريبه جدا و شرطه متعرفش هيه بتعمل فينا و فى البلد كده ليه ولا عايزه توصل لايه
ربنا معانا و مع العضو صاحب الموضوع على عربيه الخضار الى جت وقفت تحت البيت و الى لو اتسابت هتبقى بدل ما هيه عربيه بيد هتبقى عربيه كارو يجرها الخيول
اتفق مع سكان العمارة ان كل يوم واحد يغسل الشباك الى فوق العربية ....
المهم غرقولوا العربية بالحمار كل ساعة لحد مايزهق لواحدة
#ff0000
اللهم عفوك وغفرانك
انا شايف ان دا احسن حلاقتباس:
المشاركة الأصلية كتبت بواسطة mxz911
+1111111111اقتباس:
المشاركة الأصلية كتبت بواسطة mxz911
اهو اتفرج يا سيدي ... ابو ندى جبهالك على بلاطه كماناقتباس:
المشاركة الأصلية كتبت بواسطة ابو ندى
وقوف عربيت خضار زي كده تحت البيت. كمان هتمنعكم انكم تشطفوا البلكونة او تنشرو سجادة ولا حتى تغسلو شيش ... ماهو لان الراجل بتاع الخضار في نهاية اليوم مش هيشيل عدتوا ويمشي لالالالا ابسلوتلي ده هيبقى حاجز المكان علشان ميجيش حد غريب. ويفتح عربية خضار تانية مكانو هههههههههههه. ياعيني عليكي يا بلد .
لو بينضف مكانه ومش بيقل ادبه علي حد ولا مشوه شكل العماره
سيبه ياكل عيش
بدل ما تطرده ويسيب بيع الخضار ويروح يسرق ولا يقتل علشان ياكل
انت تشترط عليه بس مش عاوزين صوت عالي ولا وساخه مكانك
وشوف رد فعله ايه
هههههههههههههه
معلش يا جماعه ,, انا دحكت من ردودكم !
واضح انكم ما قرتيوش الموضوع كويس !!!!
انا قابل فوق ان الراجل الى حط العربيه دى عنده عماره بتاعتة قدامنا وكان عنده محل خضروات بس غير النشاط من 3 شهور وتقريبا حب يشتغل الاتنين مع بعض فحط العربيه عند عمارتنا عشان احنا على الناصيه!!!
و انا قلت برده انهم ناس غايه فى سوء الخلق , يعنى معما اتكلمت معاه مش هستفيد حاجه بلعكس هخسر
وكمان فى معلومه نسيت اقلها ,, الناس فى عمارتنا "" عاوز اقول لفظ قبيح " محدش هيتكلم فى الشارع كله غيرى ياخونا
دا انا لاقيت واحده ساكنه معانا فى العماره نازله تشترى منه !!!!!!!!!!!!!!!!!!!!!!!!!!!!!!!!!!
انا هموت بحسرتى يا جدعااااااااااان
يارس باشا انا عامل الموضوع عشان حل غير الحلول الى بتيجى بالكلام ! عشان مبقتش تجيب همها :((((((((((((
و يا شنورى بيه
اكل عيش ايه بس
دا عنده عماره ملكه هو واخواته جمبنا ! تقولى اكل عيش ؟؟؟؟؟؟!!!!!!!!!؟!؟!!؟!
معلش ما ركزتشاقتباس:
المشاركة الأصلية كتبت بواسطة blazer
برضه في كل الاحوال لما تحاول تتكلم حتلاقي نفسك لوحدك
ولو الموضوع كبر مش حتلاقي حد يحميك
يبقي تجنبه الا لو عندك استعداد تكمل للاخر
+111111111111111اقتباس:
المشاركة الأصلية كتبت بواسطة mxz911
ممكن بعد كده يحط الخضار جوه العماره .... شويه هايقولك ممكن ادخل الحمام .... شويه هايقولك ممكن اشيل عندك قفصين
ادلق زيت عربيات وسخ مطرح وقفتة بتجيبة من البنزينة ب5 جنية مطر غيار زيت العربيات
Sent from my GT-N7100 using Forum Runner
واضح ان الناس دي بتوع مشاكل ووشهم مكشوف فكده مينفعش معاهم الوش او المشاكل والناس الى معاك هتخلع
الحل انك تكشف وشك عليهم انت كمان وتتفق مع سكان العمارة وتنزل تقولهم احنا عايزين أرضية
الفلوس هيا الى توجع الاشكال دي وتطفشهم
انا عملت الى على ونزلت كلمته
قلتله ,, السلام عليكم ,, هو انت العربيه بتاعة الخضار دى ناوى تسيبها تحت العماره علطول كدا ؟
قالى معلش اصل المكان التانى مش عارف احط فيه الحاجه و فضل يحور على بلكلام
فقلتله طب واحنا نركن فين ,, مفيش اماكن فاضيه نقف فيها
قالى معلش تعالى اركن مكان ما انا كنت واقف!!!!! وانا هاخد بالى من عربيتك و توقف زى مانت عاوز
طبعا رحت قلتله ,, طيب شكر ,, وسلام عليكم ومشيت
لانى عارف انى لو طولت معاه مش هاخد اصلا حق ولا باطل
وان الناس سلبيين ومحدش هيقف معايا او هيكلمه غيرى واحتمال كبير يطلعونى انا الى غلطان
خلينا احنا كدا ندفع جمارك وضرايب وتراخيص ومخلفات و نمشى فى طرق مكسره ومفيهاش امان وكارتة طرق وقطع غيار مضروبه وكمان نحط بنزين غير مدعم وفى الاخر متعرفش تركن عربيتك ,,, حسبى الله ونعم الوكيل
بلغ الشرطه يا باشا بس من غير ما تقول انت مين ممكن حظك يكون حلو و يعملوا حاجة او لو ليك واسطه يبقى تستخدمها بقى لان الناس دول مش هيجوا غير بكده
اعمل كذا حاجه فى وقت واحد : محضر فى البلديه مش هتخسر حاجه بالاضافه الى موضوع الغسيل اللى بينقط عليه ده
طالما عربيه خضار
يبقه اعملوة سلطه
انته تعزل وخلاصاقتباس:
المشاركة الأصلية كتبت بواسطة blazer
لو بلغت الشرطة بعد مكلمته هيقول انت الى بلغت خلاص ماينفعش دلوقتىاقتباس:
المشاركة الأصلية كتبت بواسطة algazar2
فوض امرك لله واصبر على جارك السو يايرحل ياتجيلوا شوطة تاخده
واحد عمل كده عند حمايا قام حمايا كل يوم يفضي جردل ميه التكييف عليهم ويدلق من غير ما يبص وزي ما تيجي تيجي لحد ما ممشيو.
خلي بالكو محدش هيقدر يفكر بالحل الامثل غير لمن تتخيل نفسك مكان صاحب الموضوع ... ده انا لو كنت مكانوا كنت هتجنننننننننننننن !!
بس اكتر كلمة. دحكتني وفقعت مرارتي هيا ان سكان العمارة بينزلوا بيشتروا منوا ... وحصلت معايا قبل كده تيبكل انا واقف بتخانق مع بياع تحت البيت انوا واقف تحت البيت بينده ومصدعنا وفي عز معمعة الخناقه ولقيت مرات عمي المصون فتحت الشباك من فوق وهيا بتنده عليا. والنبي يا محممممممممممممد قولوا بكام الكيلوووووو !!
لا ومدلدلة السابت كمان طبعاً الراجل لقيتوا ساب زمارة رقبتي وبيقولي ياعم اووعه بقه خلينا نشوف اكل عيشنا
ههههههههههههههه
طبعاً كان شكلي وووووحش
ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههههاقتباس:
المشاركة الأصلية كتبت بواسطة y a r i s
موقف ضحك السنين و شلل السنين برضه تلاقيك بعد ما قالت كده البياع قالك شوف الحاجة عايزه ايه يا بيه
بالضبط كدااقتباس:
المشاركة الأصلية كتبت بواسطة y a r i s
تخيل ان انت حصل معاك نفس الموقف وفى ظروف مشابهة
انت راجل محترم ,, مهما كان مش هتنزل لمستوى واحد انت عارف انه قليل الادب واسهل حاجه عنده الخناق والشتمية
وان سكان عمارتك سلبيين و برده مش كويسين فى حجات كتير وانت اصلا خلقه قرفان منهم
هتتصرف ازى !
ما لو دلقت عليه حاجه او نزلت اتخانقت معاه هتقل من قيمة نفسك و هيقل ادبه عليك او يكسرلك عربيتك وممكن يكسرك انت شخصيا !!!!!!!
معاك حق ياباشا
بس تصدق انتا قولت الحل وانتا مش واخد بالك ... عارف الاشكال الوسخة دي مينفعش معاها غير طريقة اربعه خمسه ستة ... والي هيا كنا بنعملها زمان ... زمان لمن كنا صغيرين مش كنا بنطلع فوق السطح ونحدف العربيات بالزلط والطوب ههههههههههه ... ياعيني كان في محل قصب قدمنا هرينااااااه تلطيش ورشق بالطوب ولغايت دلوقتي معرفش اننا احنا الي كنا بنحدفوا
وحتى في الاسكندرية لمن تكون راكب التراااام او القطر مش بتلاقي الكومسري فجئة صرخ بعلووو صوتو وهو بينبه الركاب وبيقول بعلو صوتو : ( انبطحوووووووووووووو) وهوبا تلاقي زلط على قزايز كاكولا على بومب على كياس ميه وقصف من كل حته ، العيال ولاد التيت بيحدفوا القطر وهو ماشي ههههههه
فالفكرة والخطة دي اربعة خمسه سته سبعة دي. ... تتلخص في الاتي كل ساعة او ساعتين على حين فجئة تملى كيس ميه ساقعة في الشتا وسخنه في الصيف ومن غير ماحد يشوفك وزيوووووو من فوق السطح وادارى بسرعة ... ولو حد اتكلم ولا شتم عادي ولا كانك سامع حاجة عيال وبتلعب هههههههههههه :tumb:
في شارع جمال عبد الناصر الرئيسي
وقفت عربية زي دي
قدام محلين
قفلو عليهم
اصحاب العمارة والمحلين معرفوش يمشوهم
وجابو بلطجية يحموهم
اصله بيكسب كتير جدا من الوقفة دي
لا انت ولا غيرك هاتمشية خاصة لو علي شارع عمومي
واحذر لان لما قامت خناقة عندنا
كان فيها دم
ومفيش اي رادع
خذ لبالك من المشاكل يعنى حضرتك بتسيب السيارة فى الشارع و الاذية كتير و بما انك اتكلمت معاة يعنى اى حركة او مقلب اكيد هايعرفة من فين كلم باقى الذين فى العمارة معاك علشان يكلموة بالذوق او اى اسلوب بس ماتظهرش انت تانى و اصبر اسبوع و بعد كدة اشتغل من السطوح مية او زلط او شغل العفاريت او ولعلة فيها
شكرا لكل ردوكم الى بتزعلنى اكتر على حال بلدنا ,, الى بسبب الناس الى فيها كرهتهاااااا
انا خلاص هتعايش مع الموضوع لو حتى عمل بتاع فراخ ورمى على باب العماره من جوه
طالما 12 شقه راضيين و محدش فيهم بيتكلم
انا الى هتكلم الى بقعد بره البيت اكتر ما بقعد جواه! انشالله يولعوا ,, انا عملت الى على ونزلت كلمته بكل ادب وزوق عشان ابقى قدام ربنا راضي ضميرى
وانا بإذن الله هحاول امشى من المنطقه فى اقرب وقت بس ربنا يبعت من عنده ,, ادعولى كدا
عارف والله يا كريم بيهاقتباس:
المشاركة الأصلية كتبت بواسطة karim_monir
انا واحد ابو صديقى
دكتور جامعه فى الكويت
راجل قمه فى الاخلاق والعلم والادب
من 5 سنين
راح راكن امام جامعه ونزل عشان يعمل حاجه
وكان جمبه بتاع فاكه فارش على الرصيف
لسه بينزل من العربيه لقى طووور ماسك باب العربيه وبيقله بعلو حسه ,, انت رايح فيييين وبيزعقله
فبيقله مش هتاخر
بدون مقدمه راح ماسك باب العربيه وبيفتحه عكس اتجاهة "" عشان يكسره" و بيخبط بإيده الى زى المرزبه على سقف العربيه
طبعا الراجل اخد عربيته ومشى
ولاقى بتاع امن الجامعه بيدحك ,, فبيقله انت شايف الى بيعمله وساكت ازى.؟؟ قاله انا مليش دعوه غير بالجامعه بس
راح راكن عربيته بعيد
وعشان هو كان يعرف ناس فى امن الدوله ورئاسه الجمهوريه راح كلم واحد يعرفه
بعد 10 دقايق جت عربيه الشرطه واخدت الراجل بعربيته بالبضاعه و اخد على قفاه لحد ما قال يا بس ومع انه كمان طلع معاه ترخيص انه يقف فى المنطقه دى!!!!!!!!
شعب يخاف ميختشيش
بص فى وضع البلد الزفت دا واخلاق الناس اللي بقت فى الارض , حاول تتعايش مع الوضع .
لان ببساطة ممكن تعمل مشكلة وحوارات وممكن ميمشيش وحتي لو مشي ممكن تلاقي حد بعديه بيومين جا وقف مكانه , طول ما البلد مفهاش قانون وامن انسي وتعايش .
اكيد هتعايشاقتباس:
المشاركة الأصلية كتبت بواسطة alexaway
اما اكون انهارده فى التجمع الخامس والاقى واحد على بعد امتار من شارع التسعين وامتار من جهاز المدينة فارش سمك على الرصيف ومحدش بيقله انت بتعمل ايه !
مع الاسف زمان كانت المناقشة زمان بالكلام ولو حصلت خناقة بتبقي زعيق وناس بتحوش ... دلوقتي مع اسف الاسف بقت بالالي مش اقل من كدة فمتوديش نفسك في داهية علي الفاضي
+1111اقتباس:
المشاركة الأصلية كتبت بواسطة y a r i s
يااااه فكرتني بايام زمااان :)
من 3 او 4 سنين كده .... قبل ما احط عربيتي في الجراج و قبل ما اخويا يتجوز ... كان عندنا 3 عربيات عايزين نركنهم ... عربيه والدي و عربيتي و عربيه اخويا .... و تحت البيت مكان لعربيتين بس ...
ف استأذنا من العماره جنب اللي قصادنا اننا نركن عندهم ... هي عماره عريضه و معندهاش مشكله في الركن ....
جه اتنين اخوات .. كل واحد فيهم سواق علي تاكسي .. هما من شارع تاني خالص ... بقوا بيركنوا في المكان دا ... و هما اصلا ناس زباله ... و بانجو و حاجات كده ...و كل يومين خناقه مع اي حد ,,, و بيضرب امه و مراته و فعلا انسان زباله ...
المهم ... انا و والدي و اخويا ,,, اتفقنا ان اول واحد يجي فينا من بره كل يوم ... يركن في المكان اللي هناك دا ... عشان اساسا المكان تحت عمارتنا محجوز محدش بيركن فيه ...
و انا سعات كتير كنت بسيب عربيتي ... عناد في الانسان الزباله دي ...
جه في يوم و المكان فاضي ... حط حديده في الشارع ... وخدوا مكانييين ....انا و اخويا نزلنا اتخانقنا معاهم و قله ادب و بصراحه الشارع كله وقف معانا ... بس بارضو مشالوش الحديده
اخويا ساب عربيته في الشغل و بقي بيروح و يرجع مترو ..
المهم ...
هو شهرين ثلاثه .... واحد من الاتين دول .... اتاخد في قضيه سرقه و خد مش عارف كام سنه حبس ..
و التاني صاحب التاكسي ... خد منه التاكسي
و فجاه المكانين فضيو ...و اخويا اتجوز ... و انا اشتريت عربيه جديده و بقيت اركنها في جراج ....و مبقاش في اي مشكله في الركن ...
من الاخر اصبر علي جار السو
متهيئلي انك كتبت مشكلتك دي قبل كدا هنا لان فاكر اني قريت القصة دي بتاعه الحديده قبل كدا واللهي فرحتني ان الناس الزبالة دي جات مصيبة خادتهم :)اقتباس:
المشاركة الأصلية كتبت بواسطة hesham ahmed