لو رشيت العربية في التوكيل هل فيه حد هايعرف انها رشة ، وايه الفرق بين رش التوكيل واي صنايعي تاني ، وهل درجة اللون هيا اللي بتكشف اذا كانت العربية راشة ولا لا
عرض للطباعة
لو رشيت العربية في التوكيل هل فيه حد هايعرف انها رشة ، وايه الفرق بين رش التوكيل واي صنايعي تاني ، وهل درجة اللون هيا اللي بتكشف اذا كانت العربية راشة ولا لا
الشكر لله . العربيه متوسطها 1.5 لتر بويه و 1.5 ورنيش ده المتوسط اما النسبه لو ذادت عن كده افضل في العمر الي هتعيشه البويه علي العربيه اقصاها 2لتر و 2 لتر اكتر من كده نوادر صنايعي الكابينه الشاطر جدا هو الي ممكن يرش عربيه باكتر من الكميه دي والتكلفه متوسط سعر الكابسي 130 جنيه للبويه و100 للورنيش وبالنسبه ان شاء الله هتلاقي رقمي علي الخاص وبلاش نوع تاني ورنيش الافضل الورنيش من نفس نوع البويه و بالنسبه للصدفه دي عادي بس لما بتذيد اوي بيبقي شكل العربيه وحش وعادي ممكن تخلي الصنايعي يخليك تختار انت اللون معاه واسف علي التاخير في الرد وارجو الدعاء لي بهدايتي وفك كربي
رش التوكيل زي اي رش عادي بيتعرف والفرق مابين التوكيل واي حد مفيش في ناس بره التوكيل انضف من التوكيل وفي توكيلات مش كويسه في الرش ودرجة اللون من الحاجات الي بتبين ان العربيه راشه بس دي حاجه منها يعني المختصر لو التوكيل كويس في رشه توكل علي الله لو مش كده دور علي حد بره التوكيل يكون مكان كويس هتلاقي شغل واققل من التوكيل في السعر وربنا يوفق
انا عندي استعدال بسيط في الشنطة والعربية راشة عندي قبل كده بس الرش مش حلو فالبوية اللي عليها محتاجه تنزل عالصاج والاكصدامين يتحلو ويتزبطوا وتترش كلها
وياريت لو في صنايعي نضيف يبص عليها
انا لسة مشترى عربية فيرنا لون نبيتى العربية فابريقة برو بس فيها خدوش كتير قوى وعايز اعالج الخدوش ديه على قد ما اقدر من غير طبعا ما ارش ايه الحل العملى
سؤال خطر على بالى: أ/بكر حضرتك بتشتغل فى مجال الدهانات ولا دى هواية؟؟؟
انا مش عارف في مشكله مع الاداره لو كتبت ارقام وعنواين صنايعيه ولا لا والسؤال ده بيتكرر كتير من اعضاء علي المنتدي انا هاكتب اسمين ورقمين ولو مفيش مشكله مع الاداره الافاده بتعم علي الجميع وانا كنت بكتب ارقام الصنايعيه علي الخاص بس هاكتبه هنا والاجر علي الله
رمضان 01114479636
صادق 01224430746
المشترك الاتنين شبااب وشغلهم نضيف وبيراعوا ربنا والاتنين في شبرا
هههههههه لا مش هوايه اكيد باين من الردود ان ده مجالي بس انا حبيت اخلي الشغل بعيد عن الافاده لوجه الله ده وضع وده وضع ولو انه مش حرام اني استفيد من المنتدي انما حضرتك ممكن تسال الاعضاء الي اخدوا رقم تليفوني انا حاولت الافاده بالطرق الي تخليني بعيد عن الشغل يعني اوصف صنايعي كويس بيراعي ربنا وما كونش في الصوره ولا حتي اعرف هو هيروح فين لعدم اي تفكير بعيد فيا وعامة انا هافترض حسن النيه في السؤال وان انا لو عايز افاده من المنتدي كنت اتكلمت مع الاداره ومشيت في الموضوع صح و دعواتكم لي لاني قريب جدا ان شاء الله هاترك المجال لمجال افضل ان شاء الله